شعر بالهجة الجزائرية
نصحوني حبابي بالزواج قالولي خطيك من التعواج
تقعد هكدا تديك لمواج هادي حالة لعزوبية
فالليل درت حساب لقيت كلامهم صواب
لغدوا بعثتلهم جواب يطرحولي هادي القضية
بابا مسكين وافق فالحال يما جاها فالبال تخطبلي وحدة بدوية
لغدوا حملنا نوار عملنا رواحنا زوار نشوفو بنت المغلية باباها يشكر و يزيد بنتي بنت حديد بنت العلم و التربية
قتلو واش هي شروط راني اليوم عندكم مربوط مالي
عندكم محطوط و نزيدلكم الشهرية
قلي يا بني سجل عشرين سباط باش تبدل و ثلاثين سروال مفصل و يكونو ضيقين شوية
الجاج المشوي ما تنساش زيدلي قنطارين قماش و دبحلي 4 كباش هادي حاجة رمزية
قلي بنتي ما تخدمش النشاف تخرج للحمام بلا تنحاف و تزور مها كل عشية
الطفلة نطقت من الهيه قاتلو بابا غير نهيه خليني نتحكم فيه و يمشي معايا بالنية . و شكرا .
شعر رائع شكراااا جزيلااااا
كلمات رائعة
هذا مايحصل في زماننا
راق لي طرحك
مشكورة غاليتي
هذا مايحصل في زماننا
راق لي طرحك
مشكورة غاليتي
ههههههههه حطت روحها في قروندييييييل ماينا
