الزوج أم الوظيفة ؟ قصتي + دعوة للنقاش
بسم الله الرحمن الرحيم
السلام عليكم جميعا
بطرح عليكم مشكلتي وان شاء الله القى خير المشورة هنا
اول شي بعرفكم ع شخصيتي
انا اكبر وحدة باخواني واخواتي عمري شارف الـ 30 مستقله برأئي واهلي يحترمون
راي كثير وممكن يعتمدوا علي ويمشوا ع كلامي , غالباً يكون الحوار بينا ع شكل اني
اعطيهم خبر بروح المكان الفلاني , وامي تخاويني او اروح مع احد , نادراً مااهلى يعترضون
على كلامي ويرفضون .. مو لشي ,, بس لانهم واثقين فيني وانا مااطلب الشي المستحيل
او الخارج عن العادة .. المهم من صغري عودت اخواني ان مالهم كلمه علي حتى لو اختلفنا بالرأي ماعلي منهم طالما ابوي وامي موافقين ,,
المهم حاليا انا جاتني وظيفة خارج مدينتي وعريس يسكن بنفس مدينتي
ومحتارة جداً .. اقبل الوظيفة واتشرد من بداية زواجي انا بمكان وزوجي بمكان
واذا رفض زوجي هالخيار اتركه (خطيبي حالياً) واتمسك بالوظيفة
ولا ارفض الوظيفة واستقر مع زوجي ؟
جد محتارة وخايفة اندم
الزواج هالايام صاير مو مضمون والطلاقات بالهبل اخاف بعد سنة اقول ليتني مافرطت بالوظيفه
ووضحتلكم شخصيتي جد ماادري كيف بتفاهم مع زوجي الرجال مو سوى ومو كلهم مثل ابوي بيحس فيني ويعطف علي , أحيان احس انى ماراح اتاقلم مع سيطرة الرجال (الزوج).اشوف نفسي كيف انخنق من اخواني ..
لحد يقول اني مدلعه هذي طبايع نفوس وعادات وحياة المرأة تغيرت مو مثل اول ..
حطو نفسكم مكاني وقولولي ايش راح تعملوا ؟
واخيراً دعواتكم لي ان ربي يختار لي الطيب ..
الموضوع بسيط جدا
قولي له يا ولد الناس تبغاني زوجتك وام عيالك ما عندي مانع بس عندي شرط واحد – حا يقول لك وش هو
قولي له ولابوك ولاخوانك شرطي ما اترك شغلي واذا وافق حياه الله واذا ما وافق غيره وما تدري رزقك فين
بس اذا شرطي شرط تمسكي بشرطك مهما كلف الامر لانه لو تهاونتي في شرطك ما راح تشوفين خير منه ابدا