تركي الميزاني ..
تركي الملايين ..
الذي حصد إعجاب الكثيرين .. يكتب للحب ويغني للشجن ويجئ بربيع شعره..
وغيوم مثقله بلوله والحنين والشعر الكبير .. تركي وواحده من اعذب القصائد ..
على هون يا جرح المفارق وضيق البال=على الهون يا هم سطابي وقدرته
اعزك لو انك جرح ومجاهدك قتال=وروضت جسمي لاجل سقمي وصبرته
لالجل من ملك قلبي من الجال لين الجال=وفجيت له باب عن الناس سكرته !
وحطيت له عن شمس قيظ الغرام اظلال =وشديت له بيت بقلبي وعمرته !
عشقته ودللته وجريت له موال=وتخيرت قربه ليتني ما تخيرته !
رعى ريف قلبي لين صار الحشا مدهال=وعن مدهله جنبت غيره وذريته !
سقيته من عدود الغلا والغرام زلال=بعد ما جذب من دم قلبي وصدرته !
ادري عليه من الزعل وازعل العذال=وخطاه ان كبر في عين غيري تصاغرته !
ترافقت انا وياه من يوم كنا اطفال=تكون غلاه بوسط قلبي وكبرته!
قبل ما يغطي ليله المنتثر بالشال=سرقت الكرى من نون عينه وسهرته !
نقش كل حرف من حروفي على السلسال=تباهى بها واغاظ ناس مجاكرته!
وكتبت القصايد في عيونه على اليامال =وليا مرني صوت النواخذ تذكرته !
تكاثر علي الله يجازيه كيف الحال=وانا يوم اسوق العمر له ما تكاثرته!
وبعد كل هالتقدير والحب والاجلال=تغير وهقواته عليه مغيرته!
لبسته ثياب الغطرسه لين جا يختال=وكبر في عيونه يوم الاوهام وغررته!
واذا السالفه ضحك ومهازل ولعب اطفال=خبطت الغصن لين ابرق الريش طيرته !
خلصنا وقفلنا الصناديق بالاقفال=ومن جور حكمه كامل القلب حررته !
تكاثر علي الله يجازيه، كيف الحال
وانا يوم اسوق العمر له ما تكاثرته!
بيت رآئــع، من أروع ما قرأت لِـ تركي 2000
تسلم يمينك غلااا علىَ النقل الواعي، الأكثر من رآئع
:
.
روووووووعه صح السانك والسان تركي اللي كاتبها
وسلمت يداك على النقل
:015::015:
