هونك علي قلبي
مرأإأإأحب
شخبأإأإركم ؟؟
أإأإأمممم ماا بطول عليك >>اناا عضوه يديه ف المنتدى >> و حبيت ان اتكون اول مشاركه لي
اني انزل هالروايه ن كتاباتي >> و اتمنى انها تعيبكم >>اليوم بنزل البارت الاول من الروايه ..
و اتريأإ ردودكم
7
7
7
7
7
7
7
العائله الاولى ( عائلة بو حمد )
بوحمد(حارب ): ريال كبير ف السن عمره 40 سنه طيب واايد و حبوب بس يوم يعصب ولا يقول كلمه ما يرد فيها
ام حمد(امنه) : حرمه ف حالها .. و ماا تدخل ف احد .. و طيوبه و حبوبه و وايد متفهه ..عمرها 38 سنه
عندهم ماا شالله ( 5 بنات ) و ( 5 اولاد )
البنات ::
شيخه : بنوته طيوبه و حبوبه و الكل يحبها .. ملسونه طشونه بس عسوووله و عمرها 16 سنه وهي صف ثاني ثانوي ادبي .
وصايف : عمرها 12 سنه و هي صف اول عدادي .. و هالبنت واايد هاديه و مالها خص ف احد.
مريم : هي اكبر اخونها و معرسه و عندها بنوته ( العنود) و ولد ( سالم) و تحب ريلها و عيالها عمرها 22
عائشه : معرسه .. بس وااايد تعاني مع ريلها اللي ماا يسال عنها و عمرها 19
سلامه : اصغر وحده ف خوانها .. عمرها 8
الاولاد ::
حمد :: عمره 25سنه يشتغل ف الشرطه .. و وايد حنون و ماله خص ف احد
سرحان :: عمره 17 اخر سنه له ف السكول .. و كل همه المسن والمنتديات و القهوه
سالم :: اشطر واااحد فيهم … كل همه يخلص دراسته و ايب نسبه حلوه و يسافر يدرس برا البلاد عمرها 15 سنه .
حمدان :: عمره 10 سنوات
منصور :: اخر العنقود و عمره 6
ــــــــــــــــــــــــــــــــــــــــــــــــــ ـــ
ام هزاع(عليا) : حرمه مطلقه من ريلها .. و عمرها 35 .. و عندها بنتين و ولدين
هزاع : اكبر واحد ف خوانه وعمره 20 .. و يشتغل ف الشرطه . . مع حمد ولد حارب
منصور:: و عمره 15 سنه .. و ربيع سالم حارب الروح بالروح ما يتفارقون غير وقت الرقاد
بناتها :: الريم( ريماني ) ، و مريم ( مريوم )
الريم :: عمرها 17 سنه .. بنت دفشه و فرفوشه .. و اللي فقلبها ع لسانها .. و اخر سنه لها ف السكول
مريوم :: عمرها 18 سنه .. و اول سنه لها ف الجامعه .. بنت هااديه ,, و فحالها
ــــــــــــــــــــــــــــــــــــــــــــــــــ ــــــــــــــــــــــــــ
ابطال الروايه :: ريم و حمد ..
البارت الاول ^^
يوم السبت :: الصبح الساعه 10
ام هزاع :: ريمووووه و ويعوووه انشالله نشي .. حسبي الله عليج .. باجر مدارس .. و بسج ارقاد نشي عشان ترقدين فليل ..
الريم :: اووووف .. اللي يلعن السكول و طاري السكول والله كنا مرتااحين ف هالاجازه .. بنش امايه بنش بس انتي طلعي عنيه الحينه ..
ام هزاع :: يلا احتريج انا ف الصاله .. ( وطلعت )
الريم اول ماا فجت عينها :: مسكت البي بي .. اجوف منوه مرمسنيه .. و تمت تطالع البي بي نص ساعه تقريبا و تضحك ..
في الصاله ..
ام هزاع :: مريوم اطالعي ريمووه مسودة الويه نشت ولا بعدها
مريوم :: هيه امايه نشت قاعده ترمسني ع البي بي ..
ام هزاع :: خليها تحدر الصاله تتريق
مريوم :: انشالله اميه ..
مريوم تعطي ريموه بنق :: ريموه امايه تقولج تعالي تريقي
الريم :: انشالله بقوم اسبح و بحدر ..
نشت الريم و سبحت و تلبست و تعطرت وكشخة ( ملاحظه ريموووه تعشق شي اسمه كشخه و دومها تتكشخ حتى يوم تيي ترقد لازم تكشخ و تتعدل و تتعطر جنها الا سايره عرس ) .. و طبعا ريمووه حياتها كلها بي بي .. و مسن .. و فون .. و تبغض شي اسمه سكوووووووووووووول .. بس ماشالله عليها دحيحه ..
الريم :: داخله ع امها و اختها و هي تغني ( الله عليك .. الله عليك .. مجنون انا والله انا فيك مجنون ..الخ)
مريوم :: تكمل الاغنية ( كلي لعينك ي الغلا تامر حبيبي وش عليك .. الخ ).
الريم + مريوم :: هههههههههههههههه فديتج والله بنت سيف ( عليا )
ام هزاع :: ههههههه فديتكن انا ايلا تعالن تريقن ..
و قعدن مع امهن يتريق ..
ام هزااع وبناتها .. علاقتهم شرات الخوات .. امهن هي ربيعتهن و اختهن و ابوهن و خالهن و يدتهن و خاصتن انه هم عايشين اروحهم و بعيد عن اهل ابوهن و اهل و امهن .. لانه بينهم مشاكل بسبب الطلاق ..لان اهل امهن ما كانو راضين ع الطلاق .. و اهل ابوهن كانن دوم هن و امهن ف مشاكل .. ف بعد الطلاق .. امهن قررت انها تنعزل .. عن اهلها و عن اهل ريلها .. و ما تخلي أي مخلوق يقرب من عيالها .. و ربتهم .. و نعم التربيه الصراحه .. .. و بنفس الوقت عزلتهن مره وحده .. و الريم و مريم .. كانن وايد دلوعاات و أي شي يطلبنه ف نفس اليوم ينياب لهن ..
نرجع حق >> الصاله ::
ام هزاع :: ريمووه اميه جفتي البارحه اللي طرشته لج ع البي بي
الريم :: هيه اميه جفته و نقعت من الضحك ..
ام هزاع :: اندوك انته اونه نقعت .. اناا اموت و اعرف من وين تهضلين هاللفاظ ..
الريم :: من مصادري الخاصه هع هع هع
مريوم :: اميه انا بظهر بعد الريوق .. بسير المول مع عويش .. و بتشرا حق الجامعه
الريم :: انجييييين بسير ويااكم الله يخليكم
مريوم :: طبعا لا ..
الريم :: عليوووه جوووفي بنتج .. الله يخليج اميه قوليلها تشلني وياهم حتى انا ابا اشتري حق السكول و ابا اشتري اشياء خاصه .
ام هزاع :: عليوووه ف عينج ي مسودة الويه .. مريوم اميه شلي اختج وياج ,, لاني اناا بعد بطلع ..
مريوم :: انشالله اميه .. عشان خاطرج بس ..
الريم :: بسير اتلبس و اكشخ وااااووو … كشخه طأإأإيم ^^
ام هزاع :: ريمووه انتي ويايه يبي سويج سيارتي .. ودقي الباب ع غرف خوانج بسهم ارقاد ..
الريم :: انشالله ..
حمد توه نااش من الرقاد .. فتح الفون .. ولقى مسج .. ( حبيبي وينك .. من تنش اتصل عليه )
حمد :: مالت عليج .. مب منج من اللي عطاج الرقم يالبزر انتي .. و سار صوب الدريشه يطالع و جاف الريم قاعده ترمس ف الفون .. و الريم فاجه دريشة غرفتها و كان صوتها عالي .. و سمعها وهي تقول اوكي بيبي نتلاقى ف بوادي حبي
حمد متعود اول ماا ينش يفج دريشة غرفته و يوقف شويه يطالع اللي ساير و اللي ياي .. و طبعا دريشة غرفته مجابله دريشة غرفة الريم ..
الريم :: انتبهت انه حمد يطالعا .. ابتسمة لها ابتسامة استهزاء و سكرت الدرشه ..
حمد انقهر :: مالت عليج .. اونه شوه قالت بيبي .. بيبي اللي يبول فوقج قولي امين و سكر الدريشه و سار يسبح و يتلبس .. وكشخ و تعدل و سار صوب بيت هزاع .. يترقب هزاع اخو الريم بيطلعون مع بعض ..
وتم واااقف تقريبا نص ساعه .. و هو يترقب هزاااع ..
الريم طالعه وهي عاقه الشيله .. تتمشى ف الحوش ,, و كالعاده مركبه السمااعااات .. و تغني و ترقص وتسوي حركات .. (يا بعد عمري و حالي .. ها ها .. لا تغلى و انته غالي .. ها ها .. مدري والله وش جرالي مت فيك .. ها ها .. صار حبك لي جنوني .. ها ها ) وحمد كان يطالعها وهو يبتسم وسرح فيها >> و الريم انتبهة انه سياره غريبه واقفه ف حوشهم .. واول ما شافت حمد حطت الشيله ع راسها و بندت الاغاني .. و دخلت داخل .. >> و طبعا هاي مب اول مره يشوفها حمد ع هالحاله .. كل مره يجوفها جذا ..
ريم دشت الصاله وهي تحرطم :: هاللي ما احبه .. كل مره تستوي فيني هالحركه حشى مب حاله و هاا حضرته يوم ايي بيتنا ليش ماا يدق هرانه .. ولا يسوي حركه انه هو موجود .. ماليت عليه ..
مريوم اطالع الريم بستغراب :: بلاااج انتي بسم الله
الريم :: هاا حمد ؟!
مريوم :: بلاه بعد ..؟
مريوم :: كالعاده طبعا .. و انا جم مره ناقيتج و قتلج بس اتي اللي ما تستحين ع ويهج ..
الريم :: الله يخليج كرمينا بسكوتج .. و ينها ربيعتج ماايت .. ما بنسير ولا شووه ..
مريوم:: الحينه يايه.. البنت
الريم :: اوكي
هزااع :: طالع من غرفته >> سلااام ي احلى بنتين
الريم + مريوم :: مراااحب خيوووو >> حياااك
هزاااع :: وين اميه عنكن عيل .. ؟ و شعنه لابسات عبيكن ..؟
الريم :: اميه طلعت شويه .. وقالت ما بتتاخر .. و احنا بنسير بوااادي نتشرا حق السكول و الجامعه
هزاع:: لا والله .. و مع منوه انشالله ..؟ يوم انه اميه ماا بتوديكن ..
مريوم :: مع عويش ربيعتي ..
هزااع :: و ارواحكن ,,
مريوم :: هيه ..
هزاع :: و عن منصور خلنه يسير وياكن
الريم :: ماا بيطيع يسير
هزاع :: انتي قولي له و ان ماا طاااع خبرينيه بس
الريم :: اوكي >> و سارت توعي منصور .. و طبعا منصور ماا قدر يقول شي يوم قالت له انه هزاع يقوله .. قام و تلبس و كشخ .. و سار وياهم ..
بيت بو حمد ..
شويخ :: وصايف الله يخليج حبيبتي سيري هاتي فوني من فوق برمس ريووم
وصايف :: ماا فيني >> سيري اروحج
شويخ :: سيري يلااا حبيبتي ..
وصايف :: انزين >> و سارت يابت الفون
شويخ :: اباا اشوف هالسباله ريم من 3 ايام ماا اتصلت ولا يت بيتنا لا يكون زعلانه >> و تصلت لـ ريم
شويخ :: الووووووووووووو .. ي حمااااره وينج ….. اهاااا و شسوين ف بوادي ….. ايواا تصدقين عاااد اناا بعدني ما اخذت الطشه مووول ………………. هههههههههههه والله انج قليلة ادب ………….. هههه كملي كملي و بعدين ..
سرحااان :: شويخ تعااالي بسرعه اباااج
سرحااان :: بسرعه اوووووووف !!
شويخ :: ريماني حبي دقايق و بتصلج اوك ………………….. يلا بباي ^^
شويخ :: حشى مب اخوان جني الا امهم من شويخ سيري شويخ تعالي .. اوووف مليت والله عندهم غيري >> شويخ ادق الباب ع سرحان شوه تبااا سرحاان .. فج الباب اندوج كوي هالكندوره بسرعه .. ربيعي بيي .. شويخ اووووووووووووف اوووووووووووووف اوووووووووووووف
ف سيارة حمد ..
حمد :: ساكت موووليه ماا رمس ولا نطق بحرف ..
هزاع :: حمد بلاااك ساكت .. فيك شي ..؟!
حمد مووول مب مع هزاع ف عالم ثاني و يفكر .. ف خاطره :: ي ربي هالخبله ريم حق منوه كانت تقول بيبي .. واناا ليش من سمعتها تقول جذاا مضايج .. انا شوه يخصني فيها .. وليش كل ماا اشوفها ماا احس بعمريه .. واذا عبصت منها .. اسبها .. انا شوه اباا افيها .. ترا مهما كان هي اخت ربيعي و رابين مع بعض .. و ربيعت شويخ .. يعني من حقي اعصب .. اووف شوه الحاله هذي .. )
هزااع مستغرب من حمد :: و زقره بصوت عالي حممممممممممممممممممد
حمد :: و الخيبه زيغتني .. بلاك تزاعج .. اسمعك اناا
هزاع :: اقص ايديه جانك تسمعني .. مادري منوه شاغل بالك .. شكلهاا سعادوه اللي البارحه ضبطناها
حمد :: و لوعه ي ربي .. لا تطريهااا هالبزر ..
هزااع :: ههههههههههههههههه يحليلك والله >> و قبض البي بي ..
ف المووول
مريوم دخلت هي و عويش سارن يتشرن .. و الريم سارت مع منصور .. والريم يوم تكون سايره مع اخوانها ولا وي امها ماا تتغشى .. و منصور و الريم وايد قراب من بعض لدرجه انه نص اسرار منصور عند الريم .. و كانت ريم و منصور يتطنزون ع اللي ساير و اللي ياي .. و يسولفون و يضحكون .. ريموه سوالفها شرات سوالف اليهال يعني اللي ماا يعرفها يقول هااي بيبي و خاصتن انها هي قصيره وااايد و حليوووه واااايد حلووووه .. و عليها بيااض تقول مصريه ومن بياضها خدودها موردات و شفايفها ورديه و كانت ترمس و تغني وتسوي حركات حق منصور .. فجاه منصور وقف ..
الريم :: وين ..؟ >> و تمت تتلفت يمين و يسار
منصور :: ي الغبيه اهناك عند ستار بوكس
الريم:: هيه جفته منوه هذاا ..؟
منصور:: حلفي ما عرفتيه ..؟
الريم :: والله ماا عرفته ..؟ و منوه هاي اللي ويااه ..؟
كـــــــــــــــــــت ::
ي ترا منصور شاف منوه ..؟
و شوه بيكون موقف الريم بعد ما تعرف ..؟
و حمد .. ليش يوم يشوف الريم يسرح و يفكر فيها .. وليش يعصب عليها ..؟
و هزاع .. شوه المشكله اللي بتصير بينه و بين امه ..؟
و ام هزااع وين سارت ..؟ و مع امنوه تلاقت ..؟
منصور:: حلفي ما عرفتيه ..؟
الريم :: والله ماا عرفته ..؟ و منوه هاي اللي ويااه ..؟
منصور :: هذا ابويه
الريم:: شووووووووووووووه ابويه ..؟ و انته شعرفك فيه .. و منوه اللي ويااه ..؟
منصور :: هيه ابويه جفته مره وحده ياي سكولنا نسيتي انه ولده فيصل ويانا ف السكول و اللي وياه حرمته و عياله ^^
الريم مصدومه >> كانت اول مره تجوف ابوها .. و هي اصلا ماا تتذكر شكله لانه يوم طلق امها كانت امها حامل بمنصور يعني من 16 سنه ماا جافته ..
الريم :: انجييين هو يعرفك ..
منصور :: ما دري اذا يعرفني ولا لا ..
الريم :: انجين خلنا نسير من اهنيه لا يجوفنا
منصور :: اوكي طوفي بنسير ناكل شي .. لاني يوعاااان مب ماكل شي
الريم :: يلا خلاااا ..
صوب ام هزاااع
ام هزااع >> كانت ف الدختر .. تسوي فحوصات و تحاليل .. لانه من اسبوع تحس عمرها مب بخير و ما احبت تخبر عيالها عشان ماا يحاتونها .. و خلصت من الفحوصات و التحاليل >> و قعدت تتريا النتيجه .. و هي قاعده تتريا النتيجه قررت انها تسير تاااخذ شي من الكوفي >> عشان تريح اعصابها لانها واايد كانت خايفه و وايد تحاتي .. و بعد ماا خلصت من الكوفي سارت صوب غرفة الانتظار .. تتريا النتيجه و هي تتمشى سمعت صوت من وراها زقرها >> عليا .. لتفت تشوف من يزقرها > و نصدمت ^^
صوب سيارة حمد .؟
حمد :: اقول هزااع شرايك نسير صوب رشووود الدختر نطمن عليه
هزاع :: ليش بلااه رشوود ..؟
حمد :: بلاك نسيت انه مسوي حادث
هزاااع :: هيه والله نسيت .. يلا عيل فوقه خلا نسير صوبه
صوب ام هزاع
ام هزاع :: علي ..؟
علي :: هيه علي ..؟
ام هزاع :: غريبه والله .. اعلومك عساك الا بخير وعافيه
علي :: الحمدالله بخير و صحه وسلامه بشوفتج يالغاليه
ام هزاع :: حيالله من شافك .. بعد هالغيبه … ولا اعلومها حرمتك وعيالك ..
علي ف خاطره :: ليت كنت انتي حرمتي
ام هزاع ف خاطرها :: بلاااه هذاا .. متصنم >> علي علي بلاااك يبوك ماا ترد
علي :: الحمدالله بخير يسرج حالهم والله ..
ام هزاع :: عله حالن مديم ي ربي سلم عليها >> يلا عيل اناا
