السﻻم عليكم ورحمة الله وبركاته
أسعدتني مشاركتي بهالمنتدى وحابة أنزل أول رواياتي فيه
بس ﻻ تحكموا عليها من البداية
ﻷن دائما تكون البداية شينه والنهاية زينه
بسم الله الرحمن الرحيم
نبدأ
الشخصيات:
عائلة الهاشم:من أعلى و أغنى عوائل المنطقة الجنوبية
الجد (علي):72سنةطيب وحنون والكل يحبه ويحترمه. يحب عياله وأحفاده كثير ويمزح ويستهبل معهم دائما لكن وقت الجد يخافون منه وبما يعصب ويصارخ يصير صوته مثل الرعد وله هيبته بين الناس>>كأني بالغت بوصف صوته
الجدة(مزون):68سنةطيبه وحنونه وحبوبه وتحب عيالها وأحفادها وما ترضى بالغلط وعندها حفيدة غاليه عليها
وهي اللي ربتها وراح تعرفون قصتها
عندهم خمسه عيال(ثﻻث أبناء وبنتين)
(الإبن الأول) أبو عبد العزيز(سلطان):50سنةطيب وعصبي وآخذ من أبوه صفات كثيره
أم عبد العزيز(عائشه):47سنةطيبه وحنونه على عيالها.حبوبه وهاديه
عيالهم..عبد العزيز:26سنةجميل بشرته حنطيه عيونه سود وكبار.شعره أسود.يحب وحدة بعدين تعرفوها.صاحب أفكار جهنمية ومقالب. يشتغل مع أبوه بشركةجده(علي)
كوثر:24سنةبيضاء وحلوه شعرها لكتفها لونه أسود.عيونها سود واسعه.مليانه بس مو متينه.متزوجه ولد عمتها(الوليد)عندهم ولد عمره سنة وثﻻثةشهور إسمه راكان
بشرى:22سنه.بشرتها حنطيه مايله للبياض.عيونها سود وصغار.شعرها أسود على بني لنص ظهرها.تدرس بالجامعه طب بالسنةالثالثه.طيبةوعلى نياتها.حلوة وجذابه
هشام:19سنةأسمر ومملوح وشعره قصير لونه بني على أسود.والغريب لون عيونه يتغير في النهار زيتي وفي الليل أسود(بالأصل لون عيونه أسود بس تعرفوا سبب تغير لونها بعدين)يدرس بالجامةالسنةالأولى إدارة أعمال
سلين:18سنةبيضاء وحلوه.نحيفه.عيونها صغار لونها عسلي.شعرها أسود لحد رقبتها.تدرس بثالث ثانوي علمي.ودوم هواش مع هشام
(الإبن الثاني):ضرار..توفى هو وزوجته إيمان بحادث وعندهم بنت توفوا لما كان عمرها سنه وشهرين وأخذها خالها مفلح ورضعتها زوجته مع بنتها وعاشت عندهم حتى صار عمرها أربع سنوات وبعدين أخذتها جدتها(مزون) وربتها وعاشت عندهم حتى صار عمرها20سنه وهي دائما تنادي جدتها(ماما)وجدها(بابا).أعرفكم عليها:
رشا:20سنةبيضاء بياض الثلج.أحلى وحدةبالعايله.متوسطةالطول.نحيفةوتمارس الرياضةبأنواعها.شعرهاطويل لنص فخذها لونه بني مايل للأحمر..عيونها لونها بحري بس تلبس عدسات سوداء(بعدين تعرفون ليش) وفيها جنب عينها اليسرى حبه بنيةخفيفه وصغيرة محليتها.تدرس بالجامعه السنةالثانيةقسم تصميم أزياء.إنطوائيةوذكيةوطيبةوحساسه بسرعةتبكي
(الإبنة الثالثه):أم الوليد(لولوة):47سنةزوجها مروان متوفي من12سنه وهي اللي ربت عيالها وحنونه عليهم وتحبهم ومعوضتهم عن فقدان أبوهم.طيبه ومحترمه
عيالها..الوليد:27سنةأبيض ومملوح طويل.حبوب وطيب وعصبي.متزوج (كوثر)بنت خاله.يشتغل بشركة جده
روبين:25سنةبيضاء وحلوة متوسطةالطول.عيونها صغار عسليه وشعرها لونه بني فاتح طويل لنهايةظهرها. نحيفه وجسمها رياضي ﻷنها تمارس الرياضةدائما.صاحبةمقالب.ذكيةوحنونه حييل
باسل:23سنةبشرته بيضاء جمييل حييل هو أحلى واحد بالعايله وتزين إبتسامته غمازاته اللي بخده. متوسط الطول.عيونه لون بني غامق شعره أسود كثيف وقصير وله قذلةمحليته.طيب وحنووون مررره. وحبوب ومحترم (أكره ماعنده يشوف دموع المرأه)يشتغل بشركةجده. يدرس آخر سنةبالجامعة قسم هندسةمعمارية.نحيف بجسم رياضي
ريتا:21سنةبيضاء وحلوه(ذكيه بشكل ماتتصورونه)عيونها سود.شعرها أسود قصير لتحت كتفها بشوي.لها غمازات حلوةبخدودها. ولها قذلةمحليتها.تدرس بالجامعه بالسنه الثانية مع رشا
حيان وحيون:توأم 18سنه.يتشابهون.بشرتهم حنطيه.عيونهم كبار لونها بني.يدرسون ثالث ثانوي علمي.ملقوفين وينضحك عليهم بكلمتين.المختلف بينهم..حيان شعره أسود وفيه شامه بخده الأيمن. وحيون شعرها بني لنص ظهرها
(الإبنه الرابعه):أم وسيم(أريج):45سنه. طيبةبس عصبيه شوي.كﻻمها درر. فيها من صفات أمها كثير
أبو وسيم(بﻻل):49سنه.من نفس العايلة ويقرب لهم.يشتغل معهم بالشركة.طيب محترم. العصبية بجهه وهو بجهه. يسافر كثير بسبب الشغل
عيالهم..وسيم:24سنة.إسم على مسمى وآخذ الدرجةالثانيه للوسامةبالعايلة(الدرجه الأولى لباسل)عيونه عسليه. شعره أسود كثيف وقصير وله قذلة(مثل باسل)طيب وذكي وغامض. يشتغل بشركةجده ويدرس هندسة معماريه آخر سنه بالجامعه(دائما مع باسل)
معتز:22سنه.أسمر(ومملوح ﻷن عنده غمازة تحت خده الأيسر)عيونه بنيه وشعره كثيف وقصير لونه بني على أسود بس ما له قذلة.عصبي بس طيب حييل.حنون على أخواته كثير.يدرس بالجامعه السنه اﻷخيرة قسم إدارة الأعمال
عهد:19سنه.بشرتها بيضاء وحلوه عيونها سوداء واسعه.شعرها أسود كثيف لنص ظهرها ولها قذله.طيبه وهاديه وقوية عن عشرة رجال وتسوي مقالب بدون ما أحد يدري.تدرس بالجامعه بالسنة الأولى في مجال الرسم
ضحى:15سنه.حنطية البشره وحلوه عيونها سوداء.شعرها أسود كثيف لحد كتفها ولها قذله.ملقوفه وبكاية تحب أخوها معتز أكثر من الباقين.تدرس بالصف الثالث متوسط
(الإبن الخامس)أبو سامر(محمد):43سنه.طيب وفيه جميع الصفات المحمودة.يشتغل بشركة أبوه
أم سامر(إحسان):40سنه.هادية وماتتكلم كثير.والكل يحبونها
سامر:18سنه.حنطي البشرة.جميل وطيب وحبوب وماخذ الدنيا هبال ومزح.عيونه سود.شعره أسود قصير. يدرس بالصف الثالث ثانوي علمي
عبدالله:17سنه.حنطي البشره.طيب وذكي وعصبي كثير(مثل عمه سلطان)عيونه سود ويشبه سامر كثير(بس سامر عنده غمازة وحدة وعبدالله عنده غمازتين)شعره أسود كثيف.يدرس ثاني ثانوي علمي
أجوان:15سنه.بشرتها بيضاء.مملوحة وهادية وخجوله وماتتكلم كثير.ولما تبكي تخبي دموعها عشان ما أحد يشوفها.
شعرها بني لنهاية ظهرها.عيونها عسلية.تدرس بالصف الثالث متوسط وهي دلوعة أبوها
فؤاد:13سنه.مصيبة العائله ﻷنه دائما يسبب لهم مشاكل ويكره شي إسمه رشا ﻷنه أصغر واحد بالعايله وآخر العنقود بس يحبون رشا أكثر منه ويهتمون فيها دايما(هو كذا تفكيره).يدرس بالصف الأول متوسط
عائلة الهاشم تعيش في قصر كبيير مررره والحديقه واااو كلها زرع أخضر.فيها أشجار ونوافير وأضواءكثيرةوأحواض الورد بكل مكان.ومساحتهاكبييرة مررره.مفتوح عليها عشرةفلل
بس أكيد كل فلة لها حديقةخاصة فيها غير حديقةالقصر والجد علي بناها على عدد أحفاده الأولاد عشان لما يكبروا ويتزوجوا يسكنوا فيها ويكونوا قريبين منهم..وأول فلة كانت للوليد وكوثر
أبو جاسر(مفلح):50سنه. طيب ومحترم. عنده شركة يشتغل فيها
أم جاسر(بدريه):44سنه. طيبة وحبوبة والجلسة معها ما تنمل وتحب عيالها كثير
عيالهم(أخوان رشا بالرضاعه):
جاسر:23سنه. بشرته حنطية. جميل (حتى لما يعصب) حنون كثير. عيونه سوداء. شعره أسود كثيف.يشتغل مع أبوه بالشركة
أنس:22سنة. بشرته حنطيه ومملوح. عيونه بنيه. شعره بني على أسود. ذكي وطيب وحبوب كثير. وحنون على أخواته كثير. يدرس آخر سنة بالجامعه قسم إدارة أعمال
تهاني:20سنة. بيضاء وجميلة حيل. متوسطة الطول وذكية وطيبة وهادية. شعرها أسود كسواد الليل لتحت ظهرها بشوي. تمارس الرياضة بأنواعها(مثل رشا)ونحيفة ورشيقة. عيونها لونها بحري(ﻷن جدة أبوها إيطالية▪جدة أم رشا) تدرس مع رشا تصميم أزياء بالجامعه السنة الثانية
وهم الحين بنهاية الإجازة وبعد كم يوم راح تبدأ الدراسة وكل واحد فيهم راح يدرس بالسنة اللي ذكرتها عنه…
بسم الله الرحمن الرحيم
البارت الأول
يوم الخميس الفجر الساعة خمسة ونص صحت من النوم وقامت توضت وصلت ولبست عدساتها السوداء ولفت شعرها بتوكة ونزلت ببجامتها الخضراء ودخلت المطبخ وشافت باسل..سحبت كرسي وجلست عليه بدون أي كلمة
باسل:صباح الخير
رشا بهمس كله نوم:صـ..باح ..نور
إبتسم باسل لما سمع صوتها يعرف رشا لما تكون صاحية من النوم ونعسانة ماتقدر تتكلم
باسل:أسوي لك معي نسكافيه؟
هزت راسها بإيه
سوى كوبين له ولرشا وحط الكوب قدامها عالطاولة وقال:تفضلي
رشا بهمس:شكرا..أخذت الكوب وشربته لما صحصحت وبعدين قالت بصوت واضح:طعمه حلو
إبتسم لها باسل:مشكورة على رأيك..أصﻻ مافي أحد يسوي مثل النسكافيه اللي أنا أسويه
إبتسمت رشا:يامغرور(قامت)يﻻ برجع غرفتي..مشكور على النسكافيه..عن إذنك
باسل بابتسامه:إذنك معك(طلعت رشا من المطبخ وراحت غرفتها وباسل بعد راح غرفته)
الصباح الساعة ثمانية الكل مجتمع على طاولة اﻷكل علشان يفطرون(أريج ببيت زوجها هي وعيالها)
الجد(علي)جالس بمقدمة الطاولة والرجال والعيال جالسين يمينه والحريم والبنات جالسات يساره
رشا يمينها ريتا ويسارها حيون وقدامها باسل
كانت رشا تناظر الصحن وتحرك الملعقة فيه وسرحانة..وريتا وباسل مﻻحظين هالشي
هزتها ريتا برجلها▪ناظرتها رشا !!!
ريتا بهمس:أيش فيك؟
رشا بهمس:مافيني شي
ريتا بنفس الهمس:إمبلى فيك تراني أعرفك زين
رشا بهمس:بعدين أقـو..
قاطعتهم حيون بلقافة وبصوت مسموع:وش فيكم تتساسرون(الكل ناظر فيهم)
ريتا ودها تذبح حيون ﻷنها فضحتهم وباسل مبتسم وده يضحك بس يخاف تزعل رشا >> مايقدر يزعلها
بس ريتا أنقذت الموقف:كنا نفكر متى بنروح السوق ونشتري أغراض الجامعه
هشام:يوووه ﻻزم تسدون نفس الواحد من هالصبح
سلين:واللي يعافيك اسكت يالزيتون الأخضر
رشا:هـهـهـهـ..(سكتت) اححم (قامت)
الجدة(مزون):وين يابنيتي ماكلتي شي
رشا:الحمدلله ماما شبعت(وراحت طلعت غرفتها)
الجد(علي):اليوم بعد صﻻة العصر تاخذون البنات معكم وتروحون السوق
هشام:بس احنا مانبغى ناخذهم معنا خلهم يروحون مع السواقين
روبين:خير إن شاء الله ليش ماتبون تاخذونا معكم؟
حيان:ليكون قاعدين على قلوبكم واحنا ماندري؟
عم الهدوء بالغرفة وبعدها انفجر الكل بالضحك
حيان باستغراب:وش فيكم كلكم انهبلتوا مرة وحدة
سامر فاطس بالضحك:هههههه احنا ههههه إنهبلنا وﻻ انتــهـهـهـهـهـهـه
حيان بغباء:أنا انهبلت ؟!…وشلون؟
أم الوليد(لولوة):ليش ماتدري وش قلت؟
حيان:إﻻ قلت ليكون قاعدين على قلوبكم واحنا ماندري
الكل رجعوا يضحكوا…تنرفز حيان وقال:وش الغلط اللي قلته عشان تضحكون كذا
هشام:واااههههه أنا كنت أتكلم عن البنات وش دخلك إنت ترد عنهم
حيان:وجع بس كنت أدافع عنهم >>> مايعرف يرقع
هشام:إي هين تدافع عنهم صدقناك
الجد(علي)بجدية:المهم مثل ماقلت لكم تاخذون البنات معكم وتشترون لوازم دراستكم
الساعة عشرة الكل مجتمع بالصاله..البنات معهم أوراق يكتبون فيها الأشياء اللي يحتاجونها
هشام يهمس ﻷخوه عبدالعزيز:مادري ليش يكتبون اللي بيشترونه حشى بيشترون السوق كله
إبتسم عبدالعزيز وناظر بـ(….)لسى بدري عشان تعرفونها
رن جوال رشا..طلعت وراحت وقفت في بداية الصالة وردت بابتسامة:هﻻ نونا..وعليكم السﻻم..الحمدلله شخباركم انتوا…..
امممم بقول لجدي…ﻻ إن شاء الله يوافقون..على خير إن شاء الله..يﻻ مع السﻻمه…وقفلت الجوال
دخلت الصالة وراحت لجدها وجلست جنبه وقالت بصوت واطي:بابا ممكن أروح ﻷخواني؟
الجد(علي):وبتروحين معهم السوق؟
هزت راسها بإيه
الجد(علي):روحي يابنيتي توكلي على الله
وراحت رشا تتجهز
الجد(علي):الوليد جهز سيارتك عشان توصل رشا لبيت خالها مابيها تروح مع السواق لحالها
الوليد:إن شاء الله ياجدي
فؤاد بكره:من زين هالرشا عشان تشتغلون عندها سواقين
الجد(علي)بصراخ:فؤاااد
سكت فؤاد والكل خاف من عصبية الجد ويلومون فؤاد على كﻻمه
في غرفتها الملونة ▪بالفوشي والبنفسجي والأبيض▪أخذت شور سريع ولبست قميص أبيض طويل الأكمام وكارديجان أحمر
نص كم وبنطلون جينز فاتح اللون..وفلتت شعرها الحرير بس مالبست عدسات سوداء..ولبست ساعتها البيضاء الفاخرة من ماركة
كريستيان ديور..واستخدمت عطرها المفضل hypnotic poison ..ولبست عبايتها ولفت شيلتها على راسها وأخذت
شنطتها الجينز وطلعت من الغرفة ونزلت باﻷصانصير..انفتح وهي منزلة راسها وتفتش بشنطتها وكانت قدامها كوثر حاملة معها ولدها راكان وقالت:جدي قال للوليد يوصلك بيت خالك وهو الحين يستناك بالسيارة
رشا:أوكيه..(طلعت من شنطتها نظارة شمسية)رفعت راسها وقالت بابتسامة:مع السﻻمة
راحت رشا وكوثر مستغربة وفي بالها تقول(غريبة معقولة رشا تلبس عدسات سحرية؟ وانا أيش دخلني)
طلعت رشا مع الوليد ووصلها فلة خالها مفلح
ودخلت الفلة بصراخ:بابا..ماما..بابا..تهاني..جاسر..أنس..ماما..ته اني..؟؟؟؟؟!!!
كررت صراخها وما من مجيب…
كان باسل يتمشى بحديقة القصر ويقرأ كتاب..حس إن رشا فيها شي(ﻷن باسل يفهم رشا من نظرة عيونها ويحس فيها حتى لو
ما تكلمت..ورشا نفس الشي)
طلع جواله واتصل عليها
ردت بصوتها الحزين:ألو
باسل بسرعة:ألو رشا وش فيك
رشا بحزن:باسل مافي أحد بالفلة
باسل:شلون يعني ما في أحد؟
رشا:يعني الفلة فاضية ما فيها أحد
باسل:طيب إنتي دورتي عليهم بكل مكان فيها؟
رشا:ﻷ..بس أنا ناديت عليهم بصوت عالي كذا مرة بس ماحد يرد..تهاني قالت لي إنهم موجودين
لما اتصلت علي..بس ما فـ..
سكتت لما شافت…
إنتهى البارت
إنتظروني…
تحياتي
▪نجمه حائره في دروب الليل▪
البارت الثاني
سكتت لما شافت..
شافت تهاني طالعة من المطبخ وكلها طحين وشوكوﻻته وتقول:حسبي الله على ابليسك يا أنس
رشا ماقدرت تتحمل المنظر وفطست من الضحك(إستانس باسل لما سمعها تضحك)
إلتفتت لها تهاني وقالت بقهر:خير إن شاءالله ست رشا مو من عوايدك تضحكين هالقد
رشا:ههههه أوكيههههه باسل ههههه إححم أكلمك بعدين مع السﻻمةههههه
قفلت الخط ورجعت تضحك وتهاني مقهورة وتتحلطم
خرج أنس من المطبخ وشكله أزود من تهاني ﻷن فيه طحين وشوكوﻻتة وبيض(ماشاءالله صار كيك)
رشا من شافته:هههههههه هههههه
أنس:هﻻ وغﻻ والله برشّـوية هﻻ باللي لفانا ياهﻻ
خرج جاسر من اﻷصانصير:هﻻ برشّـويتنا
شاف حالة أنس وتهاني
جاسر:ههههههه نعنبو داركم أيش مسوين باعماركم ههههه
المهم جلست عندهم رشا لما جات الساعةأربعة العصر وقت الروحة للسوق
كانت رشا ماخذة احتياطها وحاطة بشنطتها عدسات سوداء وتهاني بعد لبست عدسات مثلها
أخذهم أنس وراحوا للسوق
في مكتبة جرير
أنس:بنات إذا خلصتوا اتصلوا علي أوكيه؟
رشا وتهاني:أوكيه(راح أنس والبنات راحوا يشترون أغراضهم)
شاف دفتر مذكرات كانت الصورة اللي عليه(ليل وفيه نجوم كثيرة والقمر مكتمل وضوءه منعكس على البحر)
شكله كان خيالي أعجبه وراح ياخذه
مسك الدفتر والمفاجأة بنت مسكت نفس الدفتر
أنس:خير؟
البنت:طير..أبغى الدفتر
أنس:إحلفي عاد
البنت تستهبل:عاد وﻻ ذهب
أنس:هاهاها ضحكتيني ياشيخة وانا مالي نفس أضحك تصدقين..أقول طيري بس أنا مسكت الدفتر أول
البنت:ﻻتكذب أنا مسكته قبل
أنس:أنا أول من مسكه
البنت:ﻻ أنا
أنس:ﻻ أنا
البنت:أنا
قطع هواشهم واحد من العاملين:سير مدام هزا دفـتـ..
طارت فيه البنت:مدام بعينك ﻻتقول مدام
العامل:إنت ليش كلُو سرخِ سرخِ
البنت بهدوء:إن قلت مدام مرة ثانية قصيت لسانك فاهم؟
أنس يستهبل عشان يرفع ضغطها:ﻻ مو فاهم
البنت بعصبية:إنت اسكت أنا ماكلمتك
العامل شوي ويعطيهم كفوف ﻷنه طفش منهم:ياسير..يامدام..
البنت من سمعت كلمة مدام خزت البنقالي وهو إخترع لدرجة إنه بغى×××× ××××
وناظر بأنس اللي مبتسم إبتسامة عريضة وباين إنه بالع ضحكته
العامل بنرفزة:إنت أول عصّب بعدين إضحك أيس في..إنتوا إتنين نفر خربان(وماشافوا إﻻ غبارينه)
أنس:هههههه
داخت البنت على ضحكته بس إنتبهت لنفسها واستغلت الوضع وسحبت الدفتر وهربت بسرعة
سكت أنس وهو يناظرها..دور على دفتر مثل اللي أخذته البنت ولحسن حظه لقى آخر واحد أخذه وكمل طريقه
عند رشا
راحت تتسوق لوحدها وتهاني بعد نفس الشي
كانت رشا تمشي وسرحانة>>حتى بالمكتبة ماسلمت من سرحانها
لفت إنتباهها ألبوم صور لونه فوشي وشكله حلو..أخذته ولفت من الممر اللي جنب الرفوف وووووطراااخ
ضربت بذاك الشي وطاح اﻷلبوم على الأرض وكانت راح تطيح بس مسكتها ايدين سريعة
رفعت راسها وشافته قدامها
رشا بتفاجؤ:….
بجهة ثانية
ريتا:أففف وين راح هذا
سلين:يمكن يشتري له أغراض أو يمكن لقى واحد يعرفه والتهى معه بالسوالف
ريتا:يمكن ليش ﻷ
جاتهم عهد وهي تلهث كأن أحد يطاردها
بشرى بخوف:وش فيك عهودة؟
ريتا:ليكون شايفة جني وجايبته لنا بسم الله علينا
عهد:وش فيكم إنتوا..توني متهاوشة مع واحد ثقيل دم عشان الدفتر والحمدلله قدرت آخذه
سلين:وهالثقيل الدم حلو؟
عهد بحالمية:حلو؟ إﻻ قولي القمر اللي نشوفه كل ليلة 14 شو هالجمال والرزة واﻷناقة واﻷهم..آآآه من ضحكته
سلين ذابت واخزياه:ياااي
بشرى:يﻻ نمشي قبل يخربونا
ريتا:يﻻ
مشوا بشرى وريتا وتركوا عهد وسلين يبحرون في أحﻻمهم الوردية..وكملت عهد وصفها ﻷنس وسلين ذايبة عاﻵخر
عند رشا
رشا بتفاجؤ:باسل؟
باسل:رشا؟ شاللي جابك هنا؟
رشا:جيت مع أخواني
باسل:شنو هالنظارة اللي ﻻبستها؟
رشا:ليش مو حلوه؟
إبتسم على كﻻمها:إمبلى حلوة بس ﻻتلبسيها باﻷماكن هذي
رشا بابتسامة:أوكيه على أمرك
إنتبه لﻷلبوم على الأرض وأخذه وأعطاها اياه
باسل بابتسامة:تفضلي..آسف ﻷني مانتبهت لك
رشا:مشكور..أنا بعد آسفة مانتبهت لطريقي
باسل ورشا:أسف متأخر
إنتبهوا للكلمةاللي قالوها بنفس الوقت
باسل ورشا:هههه
ورجعوا الكل بيوتهم ورشا رجعت القصر وطبعا مع باسل
مروا اليومين عادي وجاء يوم الأحد..الساعة6:00الصبح
الكل مجتمع على الفطور
هشام:أففف اليوم راح يكون الأول لي بالجامعه
أبو عبدالعزيز:إنزين ليش متكدر تسذا
هشام:أنا أكره المدرسة مادري من وين طلعت لي هالجامعه
الجد(علي):مافي مستقبل بدون الجامعة بهاﻷيام
روبين:مادام راح يشتغل معكم بالشركة مايحتاج جامعة خذوه للشركة وعلموه عالشغل
عبدالعزيز:بس إحنا مشغولين مين راح يعلمه
الجدة(مزون):وهو الصادق..ﻻزم يروح الجامعة عشان يتعلم كل شي..أول شي بيكون موظف عادي..بعدين يستلم أشغال كبيرة ويش راح يسوي
الجد بابتسامة:إي هذي الناس الفاهمة
الكل:أوووه
الجدة استحت:بس عاد ياللي ماتستحون
سامر بهبل:الله الله جدتي تستحي
عبدالعزيز:ياحليلك ياجدة استحيتي؟
الجدة(مزون):أكيد باستحي مالت عليكم
الكل:ههههههه
ريتا بهمس:يﻻ قولي له
رشا بهمس:إنزين بس إصبري
ريتا بهمس:إي لمتى؟
حيون:تراكم فريتوا راسي بأصواتكم تقال نحل بسم الله..ليش ماترفعون أصواتكم
ريتا:وبعدين مع هاللقافه
بشرى:حيون قالت الصدق إذا ماسكتوا بهالصحن على روسكم
هشام يصفر:عاشت بشورة
سلين:عدال يالزيتون الأخضر
رشا:ههههه
هشام:انټ وبعدين معاك..وانټ ليش تضحكين
رشا:خﻻص سكت..أقول بابا
الجد:قولي يابنيتي
رشا:كنا نقول..
ناظرت بريتا
ريتا بهمس:تكلمي
رشا:كنا نقول ليش ماتكلم عمتي أريج تجي عندنا هي وعيالها دام العم بﻻل مسافر
أم عبدالعزيز:والله فكرة
أم سامر:صح نتونس وياها بدل قعدتها لحالها ويتونسون العيال والبنات مع بعض
أبو سامر:وعلشان أجوان تتحرك شوي ويطلع صوتها مع ضحى بدل سكوتها
إبتسمت أجوان
هشام:أصﻻ إحنا كل يوم نشوف العيال
سامر يستهبل ويقلد صوت سلين:عدال يالزيتون الأخضر
الكل:ههههه
الجد:اليوم راح أكلم أم وسيم وان شاءالله يصير خير
الساعة7 الكل راح دوامهم ومدارسهم وجامعاتهم
مدرسة البنات
دخلوا المدرسة وكانت ضحى بانتظارهم
سلموا عليها وجلسوا مع بعض
أجوان:أحس إني أول مرة أدخل المدرسة
حيون:أفف أكره شي إسمه مدرسة..وش رايكم نقول ﻷهلنا ينقلونا
ضحى:ﻻ والله أنا بدرس هنا..أصﻻ عشرة عمر مع هالمدرسة من أولى ابتدائي وغير كذا شلتنا هنا مانقدر نبعد عنهم صح جونا؟
أجوان:صح
سلين:يﻻ يﻻ كل وحدة فينا تروح لشلتها
في جهة ثانية
جامعة البنات
جات عهد:هاي صبايا
البنات:هايات
بعد ماسلموا
عهد:جامعتكم حلوة
تهني:إنتي الحلوة وش دخل القرمبع تصير حلوة
البنات:هههههه
رشا:حلوة الكلمة بس ﻻتعيدينها
عهد:المهم أنا مو عارفة وين أروح
ريتا:بعد شوي أروح معك لقسمك اللي راح تدرسين فيه
رشا:ومثل ماوصيناك ﻻتختلطي بكل البنات بس اللي نعرفهم واللي يقربون لنا واللي إنتي تعرفينهم..ﻷن في كثير بنات قذرات
ريتا:إذا خلصتي محاضراتك روحي للكافيتريا واذا خلصنا جيناك
تهاني:ينفع تتعرفي على بنات كويسات
عهد:فهمت..طيب الحين ريتا أبي أشوف قسمي..وش رايكم بنات تروحوا معنا
البنات:أوكيه يﻻ
أول ماقامت رشا علشان تروح مع البنات وقفها أحقر صوت على وجه الأرض:جات الأميرة المغرورة
قصر علي الهاشم
دخلت روبين الصالة ولقت الحريم جالسات
روبين:ماجات كوثر؟
أم الوليد:جات بس راكان صرعها بصياحه وأخذته للصالةالثانية
روبين:بس ما له صوت
أم عبدالعزيز:ياحليله جالس يم التلفزيون يسمع أناشيد
الجدة:إجلسي ويانا وذوقي قهوة إحسان ماشاءالله عليها مافي أطيب من قهوتها
أم سامر:ﻻتبالغين ياعمتي قهوتي عادية مثل أي قهوة
الجدة:إﻻ قهوتتس طيبة مو مثل هاللي يشربونه مادري وش اسمه
راحت روبين لكوثر بالصالة الثانية
سلمت عليها وجلسوا
روبين:شلونكم
كوثر:الحمدلله وانتي
روبين:زينة الحمدلله..يوووه شنو هالبزر مايسكت إﻻ يسمع الطق والوناسة
كوثر:خليه يلتهي باﻷناشيد أحسن له ماعاد فيني حيلة عليه وعلى صراخه حتى الوليد تأذى منه
روبين:إيييه الله يعينكم عليه
وبعدها من سوالف الحريم اللي ماتخلص
في شركة علي الهاشم
كان الجد(علي)جالس على مكتبه ويراجع بعض الملفات
طق الباب..ودخل عبدالعزيز:طلبتني طال عمرك
الجد(علي):تعال إجلس
جلس عبدالعزيز:سم طال عمرك
الجد(علي):سم الله عدوك..بس ﻻتقول لي طال عمرك إذا كنا لحالنا
عبدالعزيز:آمر ياجدي العزيز
الجد(علي):إي كذا زين..اشصار على أوراق وسيم وباسل علشان دوامهم بالشركة؟
عبدالعزيز:عدلنا باﻷوراق وصار دوامهم من الساعة ثﻻثةالعصر إلى الساعة سبعة المغرب..يعني دوامهم جزئي بما إنهم يروحوا الجامعه وعندهم بريك بس وقت صﻻة العصر ﻷنهم يداومون ساعات أقل من باقي الموظفين
الجد(علي):جيب اﻷوراق أبغى أشوفها
عبدالعزيز:إن شاءالله
راح عبدالعزيز وأخذ الجد(علي )الجوال واتصل على أم وسيم
الجد:السﻻم عليكم
أم وسيم:هﻻ وعليكم السﻻم يبه
الجد:شلونك يبه أريج وشلون العيال
أم وسيم:بخير الحمدلله وشلونك إنت وشلون الوالدة واﻷهل كلهم عساكم طيبين
الجد(علي):والله بخير الحمدلله ونسأل عنكم وعن أحوالكم
أم وسيم:تمام الحمدلله عايشين بالدنيا وما ناقصنا شي أبد
في هالوقت دخل عبدالعزيز وجلس قدام جده يستناه ينتهي من المكالمة
الجد(علي):مو ناوية تجين عندنا إنتي والعيال..كلنا مشتاقين لكم
أم وسيم:إن شاءالله بس أقول ﻷبو وسيم وأرد لك خبر
الجد(علي):مو تنسين ترى أمتس حيل ملهوفة على شوفتتس
أم وسيم:وانا بعد حيل مشتاقة لجمعتنا وسوالفنا..يﻻ أخليك بشغلك مع السﻻمة
الجد(علي):مع السﻻمه
قفل الخط وناظر بعبدالعزيز السرحان وماهو عنده
تنحنح..ﻻ رد..سرحان وماهو بالدنيا
تنحنح بصوت أعلى..وﻻ من مجيب
إرتفع ضغطه..ضرب الطاولة بيده..نقز عبدالعزيز من الخرعة
الجد(علي):هههههه
عبدالعزيز:الله يهداك ياجدي خرعتني
الجد(علي):اللي ماخذة عقلك
عبدالعزيز يتنهد بهيام:عساها تتهنى به
الجد(علي)يمزح:أوووه أحلى ياعاشق زمانك
إبتسم عبدالعزيز
الجد(علي):عطني اﻷوراق ياروميو
عبدالعزيز:ههههه
أخذ الجد(علي)اﻷوراق وراجعها وقفل الملفات وناظر بعبدالعزيز
الجد(علي):كم عمرك؟
تعجب عبدالعزيز من السؤال:26..ليش تسأل؟
الجد(علي):ماشاءالله كبرت وصرت رجال ياعزوز
عبدالعزيز:أنا كبير ورجال من زمان..بس أيش الموضوع؟
الجد(علي)بجدية:الموضوع هو إنت..مانت ناوي تتزوج؟
إنتهى البارت..
البارت الثالث
الجد(علي)بجدية:الموضوع هو إنت..مانت ناوي تتزوج؟
سكت عبدالعزيز موعارف شيقول..إيه..أو..ﻷ
الجد باستفسار:يعني موافق؟
عبدالعزيز بربكة:أآآآبفكر..بفكر في الموضوع
:جات اﻷميرة المغرورة
إلتفتوا البنات لجهة الصوت
رشا بخوف:هذي إنتي؟؟!
وديم:إي أنا..أنا يا..أميرةههههه
تهاني بعصبية:خير إنتي شنو تبين؟
عهد باستغراب:بنات منو هذي وليش تتكلم كذا؟ وليش شكلها كذا كانها طالعة من مصبغة؟
وديم بنظرة:شنو جايبين معكم أميرة جديدة؟
رشا:إنتي شنو تبين لسى؟
وديم:أنا كم مرة أقول ﻻتنادوني بصيغة بنت
ريتا:شلون تبينا نناديك بالله؟
وديم:يعني مو عارفين إسمي؟
عهد:أهاا..يعني إنتي شاذة
وديم بصراخ:إنتي الشاذة ياأميرة التبن
عهد بعصبية:حسني مﻻفظك ﻷوديك في ستين داهية
رشا بهدوء:إهدي عهودة وﻻ تهتمي بكﻻمها
وديم:مادري على شنو شايفات أنفسكم..أنا كل بنات الجامعة يتمنون إشارة مني علشان يركضون وراي
تهاني:روحي لهذيل اللي تتكلمي عنهم ليش إحنا بالذات
ريتا:على فكرة إحنا مو مثلهم وماننزل للمستوى المتدني اللي إنتي فيه
رشا:ماعليكم منها بنات يﻻ نمشي
راحوا تاركين وراهم شخص شاب نار ويتوعدهم:هين يابنات الهاشم أنا ينقال لي هالكﻻم..لسى ماعرفتوا مين هو نديم
رشا:بنات..الوضع صار أسوأ
تهاني:شلون يعني؟
رشا:وديم كانت العام الماضي تتقرب منا بشكل ملحوظ وما كنا نعطيها مجال وصديناها بنهاية الدراسة وأكيد بتسوي لنا مشاكل
ريتا بتفكير:إحنا في بداية الدراسة وهذا أول يوم وصار كذا شلون بعدين؟
رشا بتمتمة:هذي العلقة
عهد:مابتقولولي عن الموضوع؟
رشا:بعدين مو الحين
الظهر…رجعوا تهاني وعهد بيوتهم..ورشا وريتا رجعوا بعدهم
ولقوا الكل واصل قبلهم(باستثناء اللي يشتغلوا بالشركة)
جلسوا عندهم وكل وحدة نفسها بمناخيرها
أم عبدالعزيز:خير يابنات فيكم شي؟
رشا وهي ماسكة نفسها:ﻻ
الجدة(مزون):ها عسى يومكم بالجامعة كان زين؟
ريتا بهدوء:زفت
باسل باستغراب:شلون يعني؟
ريتا بانفعال:زفت يعني كان زفت
باسل باستفسار:وانتي رشا ماتتكلمين؟
رشا وكأنها منتظرة أحد يسألها علشان تنفجر:زفت من بدايته إلى اﻵن زفت
وقامت وهي تبكي وركضت لﻷصانصير وطلعت غرفتها
ريتا تفاجأت وفي بالها(وشفيها بكت..في شي ماأعرفه أكيد)
هشام:أفا..وشفيها رشا
فؤاد بﻻ اهتمام:أكيد الدكتورة هاوشتها وهي مسوية نفسها رقيقة ماتتحمل
ريتا بصراخ:إنت آخر واحد يتكلم يالبزر
فؤاد عصب:أنا مو بزر
الجدة(مزون)بعصبية:بزر وستين بزر..إن ماتعدلت بكﻻمك مع رشا ﻷخلي جدك يسلخ جلدك بالخيزرانة
سامر:ياويلك من جدي إذا عصب
فؤاد باستهزاء:وش بيسوي..بيقطع أحباله الصوتية بصراخه هالشايب
أم سامر بصراخ:فؤاد وجع إن شاءالله
كوثر بعصبية:تعدل بكﻻمك هذا جدنا
ريتا بعصبية:قسم بالله إذا تكلمت عليه مرة ثانية مايحصل لك خير سامع؟
فؤاد:ماني سامع شنو بتسوين؟
أم سامر:ﻻ أنا يبيلي أقول ﻷبوك يربيك من جديد
أم الوليد:صادقة والله ﻻزم أخوي يرجع يربيه علشان يتعدل ويحترم اﻷكبر منه
فؤاد بشماتة:دام إن أبوي هو أخوك معناها تربيته لعياله مثل تربيتك لعيالك
الكل شهقوا من كﻻمه القوي
عبدالله بعصبية:فؤاد أحسن لك تتعدل ﻷوريك نجوم الليل الحين
حيون بهمس:أحلى ياعصبي
كان فؤاد بيتكلم بس قاطعه باسل بتهديد:إن قلت كلمة زيادة ما في شي بيردني عن ذبحك فاهم؟
خاف فؤاد وسكت وهو عارف باسل شنو ممكن يسوي إذا الموضوع فيه رشا
كوثر تهمس لروبين وبشرى:شفتوا كيف عبدالله عصب
بشرى بهمس:طالع على أبوي
كوثر بهمس:بغى يشرد عقلي لما حسيت إن أبوي قاعد معنا..الحين عبدالله صار سلطان الصغير بغياب سلطان الكبير
بشرى وروبين:هههههه
سلين بنص عيون:لماذا تضحكن يا أخوات البشر
بشرى:خير وش شايفتنا عشان تقولين أخوات البشر؟
حيان:أكيد حمير مايبيلها كﻻم
الكل ضحكوا بينما كوثر وروبين وبشرى عصبوا
وباسل وريتا يضحكوا بس كانوا متضايقين على رشا
أما أجوان ماتحملت ومن بداية الهوشة راحت غرفتها وقامت تبكي من ضيقها على رشا وقهرها من أخوها فؤاد وتعامله السيء
مع رشا والمشاكل اللي يسببها لهم >> مو أقول لكم ماتحب أحد يشوف دموعها
في فلة الخال مفلح…على الغداء..
أبو جاسر(مفلح):تهاني يبه وش فيك
تهاني بابتسامة مصطنعة:ﻻ بابي ما فيني شي
جاسر يقلدها:ﻻ بابي ما فيني شي..إنتي باﻷول شوفي شكلك بالمراية وبعدها تكلمي
أم جاسر:من لما جات من الجامعة وشكلها مو طبيعي
تهاني:ياجماعة مافي شي ليش مو مصدقين؟
أنس:ﻷنك ماتخبين شي علينا بس متغيرة اليوم(غمز لها)وﻻ السالفة فيها حبيب؟ عادي قولي
خزته تهاني بعيونها
أنس بخوف مصطنع علشان يفرفشهم:خﻻص سكت..وحط ايده على فمه
الكل:هههههه
في بيت أم وسيم
أم وسيم:إححم..امممم أنا راح أقول لكم خبر حلو
عهد:شنو ماما؟
معتز:أطربينا أروجة
أم وسيم:وجع استح على وجهك أنا أمك
ضحى:ماما قولي
أم وسيم بابتسامة:جدكم اليوم اتصل علي وقال لي…
قاطعها وسيم بصرخة:ﻻتقولينها..جدتي ماتت؟ آآآه الله يرحمك ياجدتي مزون كنتي زينة العجايز..وش نسوي هذا المكتوب..بس الحي أبقى من الميت
أم وسيم عصبت:وجع ﻻتفاول على أمي ﻷخلي أبوي يمحطك بعقاله..هذا اللي ناقص تفاول عليها..قال زينة العجايز قال..أصﻻ أمي توها وردة شباب اللي يشوفها تمشي جنبي يقول أختي مو أمي
معتز يهمس ﻷخواته:أمي خروطة تقول جدتي وردة شبابية..الحمدلله جدي صابر عليها وعلى شكلها تقال
شبح بشري الله ﻻ يبﻻنا
عهد وضحى:هههههههه
أم وسيم بنص عين:أشوف معتز يقول لكم نكت ليش مايقول لنا
معتز:ماقلنا حاجة مهمة
ضحى ببراءة:ماما صدق جدتي مزون شبح بشري ههههههه
أم وسيم طلعت عيونها
وسيم وعهد:ههههههه
ومعتز يناظرهم ببراءة وﻻ كأنه سوى شي
الساعة 9:30 الليل
كانت رشا جالسة عند المسبح وحاطة رجليها فيه وسرحانة
جاء باسل من وراها وقال:رشا ليش قاعـ..
مامداه يكمل الجملة إﻻ ورشا تشهق
جلس عندها وقال بحنان:بسم الله على قلبك
رشا:خرعتني الله يخرع ابليسك
باسل وهو ينزل رجليه في المسبح:لهالدرجة أخرع..أفاا ماهقيتها منك يارشا
رشا بسرعة:ﻻ ﻻ ماكان قصدي كذا..بس إنت جيت فجأة
ابتسم باسل:أدري
رشا بهدوء:صح إنت ليش جيت؟
باسل:علشان أشوفك
رشا باستغراب:تشوفني أنا؟
باسل:إيه..الظهر مانزلتي للغداء..ورحت للشركة ورجعت ماشفتك حتى على العشاء..وماقدرت أنام إﻻ أتطمن عليك..سألت نايا وقالت إنك هنا…(نايا رئيسة الخدم)
باسل:شالسالفة؟
رشا بتعجب:سالفة شنو؟!!
باسل:سالفتك إنتي وريتا مع الجامعة ولما بكيتي..متأكد إن السالفة مو عادية
سكتت رشا وسرحت وهي تتذكر اللي صار بالجامعة الظهر
بعد ماطلعوا تهاني وعهد وبقت هي وريتا ينتظروا سواقهم
راحت رشا للحمام وقبل ماتخرج حست بحاجة تسحبها بقوة وتلصقها في الجدار
شهقت لما شافت وديم
رشا بخوف:وخري عني
وديم بصوت خشن يعع:ليش يالحلوة ماتبيني
رشا:بعدي عني
وديم:واذا ما بعدت شنو بتسوين
رشا شوي وتبكي:الله يخليك وديم بعدي عني
عصبت وديم ومسكتها من ياقة بلوزتها:أنا كم مرة أقول لك ﻻتقولي هاﻹسم
رشا بخوف:شنو تبيني أقول؟
وديم:قولي نديم
رشا:انزين نديم وخري..ااا قصدي وخر شوي أبي أتنفس خنقتني
بعدت عنها وديم وهي استغلت الفرصة وركضت للباب لكن ماقدرت تخرج من دورة المياه ﻷن وديم لحقتها ومسكتها
وديم بعصبية:أيش فاكرة نفسك علشان تهربي ها ؟
رشا تبكي:وخري عني اشتبين مني؟
وديم:إنتي عارفة مايحتاج أقول لك
إستجمعت كل قوتها ودفت وديم بعيد عنها:تخسين ماراح تسوين اللي تبينه
وديم بصدمة:أنا أخسى يابنت الهاشم أنا؟
رشا بقوة:إيوه تخسين وتعقبين..أنا ما أنزل نفسي لمستواك وﻻ أسوي اللي تسوينه واللي تبينه
وديم:إنتي متأكدة إن هالكﻻم لي أنا؟
رشا باحتقار:وفي أحد غيرك هنا..إنتي أوسخ وأوطى و**** **** يا..نديم هہہ
وطلعت من دورة المياه بسرعة وحمدت ربها إن السواق موجود علشان تهرب من الجامعة قبل ﻻ تمسكها وديم
رجعت للواقع لما حست بإيد تمسح دموعها اللي نزلت بدون ماتحس فيها
باسل بحنان:ليش تبكين؟
رشا:اليوم صار لنا بالجامعة موقف مرررة مؤثر عشان كذا تكدرنا(هذي الكذبة اللي إتفقوا عليها البنات)
باسل ماقتنع بكﻻمها بس مشّاها لها:خﻻص ﻻتبكين إنتي عارفة إني أكره الدموع(وناظر بعيونها) وبعدين إنتي ﻻبسة عدسات مو زين تبكين عشان ماتتضرر عيونك
تذكرت رشا إنها مو ﻻبسة عدسات(ياحليله يحسبني ﻻبسة عدسات مادرى إن لونها حقيقي)
قالت بتصريف:تأخر الوقت ﻻزم أروح أنام تصبح على خير
وبسرعة راحت
باسل:أنا حاس ان الموضوع فيه إن..رشا مو من عوايدها تكذب علي..بكرة يذوب الثلج ويبان المرج ونعرف الصدق
عند رشا…كانت بتروح غرفتها بس غيرت رأيها
رشا في نفسها(من زمان مارحت لهم..ياسﻻم إشتقت لنومتي بينهم)
راحت ﻷحن قلبين عليها..دخلت جناحهم كان فاضي
عرفت إنهم نايمين..دقت باب الغرفة ثواني وانفتح الباب
رشا بتساؤل:أزعجتكم؟
الجد(علي)بابتسامة:ﻻ يابنيتي مايجي منتس إزعاج
جات الجدة(مزون):عسى ماشر يارشا شصاير؟
رشا بحزن:يعني ما أجيكم إﻻ إذا في شي
ضمتها الجدة(مزون):سامحيني يابنيتي ماقصدي تسذا بس إنتي أول مرة تجينا
رشا:فيني أنام عندكم؟
الجد(علي):أكيد ياحبيبتي تعالي بأي وقت
أبعدت رشا عن جدتها:بابا ﻻ تقول حبيبتي
الجد(علي)باستغراب:ليش؟
رشا بابتسامة:الحين ماما تزعل
إبتسم الجد وقال بمزح:وانا أقدر على زعل حبيبتي موزة
هزت الجدة(مزون)راسها بيأس منهم وتركتهم وراحت تنام
رشا:هئ ليكون استحت بس ههههههه
الجد(علي):وانا ماعذبني إﻻ حياها هههههه
رشا:أكيد راح تستحي وانت صاير لها شاعر وبعد تدلعها بإسم فاكهة(وتقلده)وانا أقدر على زعل
حبيبتي موزة هههههه
الجد(علي):يﻻ خلي عنتس الحتسي الفاضي وتعالي نامي…..
ونامت رشا في الوسط بين جدها وجدتها…….
