السلام عليكم
لن اطيل عليكم قصتي والبعض سوف يقرأها ويخرج واتمنى من الاكثرين الدعاء لي ولو بكلمة واحده ارجوكم
تعب حالي كتير من حياتي الزوجيه زوجي لا مسؤلية لا ببيت ولا بعيال المهم اصحابه وبس ما عندي غير بنتين ومش قادر يصرف عليهم الحليب ما بقدر يجيبوا الهم مع العلم بشتغل يوم وعشرة لأ واللي بيطلعلو من هاليوم ما بجيب شي فيهم للبيت كلو لصحابو السوء..
انا الحمدلله ما بقصر معو بولا شي يعني الجربان بعيد عنكو بشلحو ياه الكندرة تبعتو لحدو بتوصلو وتيابو دايما جاهزين نظافة البيت ما في قبلها شي عندي ونظافة بناتو وترتيبهم الحمدلله على كل شي
اما بالنسبه اللي انا ما بقصر معو باي حاجه لا من طلب ولا من غيرو ونظافتي ونظافة جسمي ولباقتي مع الناس الكل بتمنى يكون عندو كنه متلي والكل حاسدو علي لا اتباها لكنها الحقيقة تمرمرت حياتي منو ما بهتم بشي انا عمري 21 سنه لسه صغيرة وتزوجت 17 كان عمري ودقت العزاب وتعلمت من دنيتي شو الصح وشو الغلط
اخر فترة بطل زوجي يشتغل الوالد الله يخليه والوالدة صارو يحكوا معو وانبرا لسانهم بس عالفاضي امو بدها تموت منو ما برد على حدا وبرجع بنصاص الليالي ما بحكي وين كان..
والدي صار لما يجي عندي يعطيني فلوس للبانت اجيبلهم اللي ناقصهم انا اخجل كتير اخدهم بس ما في اليد حيله بدي طعميهم وكل ما اخد شي من والدي زوجي يجي وياخدو وما بعرف وين بروح فيه ولو ما بعطيه ياه بعملي قصة كبيرة ما بعرف هو طمعان بأهلي لانهم الحمدلله الله معطيهم ولا بيصرفهم على اشياء تانيه والله اعلم بشك بكل شي صرت بشك فيه بسرق بشك فيه بزني بشك فيه بحشش بشك فيه بكل شي ما بعرف ليش ادعولي خواتي الله يخليكم ولو بكلمه وحكولي شو اعمل معو وانصحوني بناتي خايفة عليهم ينظلمو بالدنيا وما يعيشوا متل ما انا عشت طفولتي
( اللهم رد إلي زوجي ردا جميلا )
( اللهم سخر زوجي لي واهدني له , اللهم اقر عينه بي واقر عيني به , اللهم وارضه بي وارضني به )
وربي يرزقك وينولك اللي ببالك ويهدي لك زوجك يارب
اما يستعدل ويصير أدمي وأما تشوفيلك حل معو..
ومراح انساك بدعواتي الله يفرج همك ..
وهو فيه اكثر من معاناتك معاناة؟
ياعمري انا ترددت كثير بكتابة مشاركتي عشان ماتجيني وحده صفح وتقول لي قل خيرا او اصمت
ياعمري الكتاب واضح من عنوانه
هذا زوجك الله يهديه مو المفروض تبقين وياه ولا يوم واحد
اهلك وبيصرفوا عليك وعلى بناتك وكمان ياخذ من الفلوس اللي والدك يعطيك؟
والله عجيبه
ياحبيبتي
اعملي الفقره اللي ارشدنا لها الاسلام اولا وهي حكم من اهله وحكم من اهلها
وخلينا نشوف وين راح نوصل
ولو اني حاسه ماراح يصير شيء
وبعدها اتركيه واستري على نفسك وبناتك وروحي لاهلك لان هذا الرجل مو اهل للمسؤوليه او العائله
تحياتيييييييييييييييييي
