ابنتى عمرها 16 سنه وفجاه تغيرت واصبحت متملله من كل شى حتى من زميلاتها متضجره المشكله الكبيرة انها معى انا لاتتحمل مني كلمه ولا حتى انتقاد بسيط هذا الوضع صار له سنتين وكنت اقول فتره وتعدى لكن الان انا اصبحت لوحدي خصوصا بعد وفاة والدها قبل 3 اشهر فصارت طلباتها كثيره واذا ما لبيت رغباتها قامت تتأفف وتزعل وتقول احنا صرنا خلاص فقراء والان صايره تجرحني بالكلام وتلقي على كلمات غير مستحبه من بنت لامها وصايره ترفض تروح المدرسه وانا مو عارفه ايش اسوي معاها رغم اني اخذت منها جميع وسائل الترفيه اللى عندها مثل الاب توب والجوال والافون ارجوكم ساعدونى علشان اقدر اخرج بنتى من هذا الوضع وشكرا
بنتك بعمر المراهقة وتصرفاتها تصرفات مراهقة وفقدها لوالدها يمكن يكون مأثر فيها بشكل كبير
كوني لها صديقة حاوريها وخليها تحس انك صديقتها مو امها
ولما توجه لك كلام غير مستحب الله يهديها ازعلي منها يوم و2 ولا تجاوبيها على اي كلمة تقولها لك وشوفي كيف بترد تعتذر منك وكل ما كررت هالتصرف ازعلي منها مع الايام تصير تفكر لو قلت لامي هالكلمة بتزعل علي
وبالنسبة لطلباتها لو في امكانك تلبيها قولي لها عن اي شي يزعجك فيها لو سويتي هالشي وحست انك تغيرتي بلبي لك طلبك بس طبعا طلبات تكون ضمن الحدود
ولو حستي انه مافي فايدة شوف احد من اعمامها او خوالها او لو عندها اخوات شباب يعني المهم يكون في احد تخاف منه وتعمل له حساب
هذي وجهة نظري اتمنى يكون فيها افادة ولو قليل
الله يهديها ويسخرها لك يارب
ودعاء الام لاولادها مستجاب ادعيلها
بالهدايه والله يعينك
حبيبتي بنتك بسن خطر لازم توقفي معاها وتحسسيها بالأمان مثلاً وبدون أي مناسبه جيبيلها هديه أو اشتريلها شي من السوق مثلاً عطر أو ملابس وانتي تعطيها هالشي حسسيها بأنها غاليه عندك كثير وحسسيها بالحنان لا تحاولي تعصبي عليها لو عملت شي غلط خليها شوي وبعدين روحي عندها قوليلها حبيبتي شو اللي مضايقك خبريني أنا مو بس أمك إعتبريني أختك وصديقتك وانتي بعد حاولي تكوني قريبه منها لو فيه شي مضايقك مثلاً جلسي معاها وخبريها إن والله صار اليوم كذا وكذا وهالموضوع وايد مضايقني ومب عارفه كيف اتصرف …
وإن شاء الله الأمور بينكم تكون زينه وعاد طمنينا حبيبتي وربي يهدي النفوس بينكم بإذن الله
