السلام عليكم اذا ممكن اريد طريقة عمل الكبة السورية بالطريقة الناجحة الرجاء كل من تتقن الوصفة لاتبخل علي وجزاكم الله خير مشكورين
بقدملك من الاكلات الشاميه اللذيدة طريقة تحضير وصفة الكبة المقلية على الطريقة السورية بخطوات واضحة ومقادير دقيقة من مجموعة وصفات اطباق رئيسية و اكلات سريعة ، حضريها لـ٢٠ أشخاص
مقادير الكبة المقلية على الطريقة السورية
٥٠٠ غرام برغل ناعم
٤٠٠ غرام لحم، كبه هبرة
٢ بصلة صغيرة
١ ملعقة كبيرة برش قشر ليمون
١ ملعقة صغيره ريحان او حبق، مطحون
١ ملعقة صغيره مردقوش ناعم
١ ملعقة صغيره ملح
١⁄٢ ملعقة صغيره بابريكا
١ كوب ماء، او حسب الاحتياج
٢ ملعقة كبيرة طحين ابيض
مقادير الحشوة:
٣٠٠ غرام لحم مفروم ناعم
٣ بصلة كبيرة، مفروم ناعم
٢ ملعقة كبيرة زيت زيتون
١ ملعقة كبيرة زبدة
١٠٠ غرام صنوبر
ملح وفلفل أسود
طريقة تحضير الكبة المقلية على الطريقة السورية
١. لتحضير عجينة الكبة، ينقع البرغل في قدر مع نصف كوب ماء ثم يترك لدقائق.
٢. يوضع البرغل في ماكنة الكبة، يضاف الطحين، البصل، الملح والفلفل ويخلط لمدة دقيقة ليمتزجو، تضاف البابريكا، الريحان والمردكوش، يطحن لمدة 5 دقائق.
٣. يوضع الخليط في قدر ويضاف له اللحم ويبدأ بعجن العجينة بشكل جيد ليمتزج كل الخليط، يمكن اضافة القليل من الماء لو كانت العجينة متشققه.، توضع العجينة في البراد لحين تجهيز الحشوة.
٤. لتحضير الحشو، في قدر على النار، يوضع زيت الزيتون، الزبدة والبصل ويحرك حتى يذبل ثم يضاف اللحم المفروم ويقلب ثم يترك لتنضج، يضاف الصنوبر المحمص ثم تترك لتبرد.
٥. تشكل اقراص الكبه بالطريقة المعتادة وتحشو بمقدار ملعقة، تكرر العملية حتى إنتهاء الكمية. ثم تقلى في الزيت الحامي لتصبح ذهبية اللون.
وألف صحتين دعواتك لنا أختي الكريمة.
كيلو برغل ناعم
2 كيلو لحمة هبرة مفرومة ناعم
هبرة يعني مافيها دهن
بصلتين كبار ملح فلفل قليل من الماء
انقعي البرغل بالماء البارد لمدة ربع ساعة ثم صفيه بالمصفاة و اكبسيه بيديك لتتخلصي من الماء الزائد ثم اتركيه جانباً .
بعدين حطيهن بالماكينة واطحنيهن على انعم شفرة
اطحني بالمرة الثانية اللحمة والبرغل والبصل
وارجعي مرة تانية اطحنيهن مشان ينعمو منيح
بللي يديك بالماء واعجني واضيفي الملح والفلفل وفي ناس بتضيف النعنع الناشف حسب الرغبة بس لاتكتري يعني ملعقة وحدة
((ملاحظة: العجينة رح تاخد كمية من الماء لان البرغل بيشرب الماء كل ما حسيتي العجينة ناشفة وانتي بتعجني بللي يديك مرة اخرى بالماء))
وهيك بتكون العجينة جاهزة لتشكيل الكبة بانواعها
هلء الحشوة بصل مفروم ولحمة مفرومة وجوز مابعرف شو بتسموه عين الجمل هو نفسو او صنوبر ملح فلفل كمون
اول شي بتقلي البصلة بشوية زيت
بعدين منضيف اللحمة ونقليها مظبوط وبنحطلها الملح والفلفل والبهارات وكمان جوز مفروم خشن ممكن تستبدليه بالصنوبر
وبعد ماستوو بتخليهن ليبردو مشان نبلش بعمل اقراص الكبة
طريقة الحشي :
جيبي قطعة من عجينة الكبة خليها متل الكورة فرغي وسطها باصبعك وخليها رقيقة
وفيكي تستعملي ماكينة الكبة لتشكيل الكبة
بتكون معها قطعة خاصة للكبة المقلية … لونها ابيض بلاستيكية
بتسكري من تحت وبتحشيها وبترجعي تسكريها من فوق واعمليها على شكل كبة
يمكن يطلع بالحبة تشققات …..امسحيها بقليل من النشا المذوب بالماء
كمان بيمسكها مشان ما تفرط بالقلي
وبس تخلصي بتقليها بالزيت وبس يصير لونهن اشقر بتطلعيهن والف صحة وهنا
ونحنا منستنى تخبرينا النتيجة كيف طلعت معك
شهتوووني اعملها
يسلمووو حبيباتي الافادة =)
|
المشاركة الأصلية كتبت بواسطة monera1980
 ما اجمل مواضيعك وكلماتك الرائعه والله جميله جدا ومرسي جدا للمساهمه معنل وننتظر منك الافضل دائما
|
حبيبتي تسلمي هذا من ذوقك 