يارب وهاذي الدموع اللي غشت عيني
والحزن ساكن خافقي والرجف باطرافي
والكون كله ضاق ماعاد يكفيني
من غيبتك يابوي ياستري الضافي
ماكنها الا الخناجر في شراييني
وماكني الا على نار وانا حافي
بعدك فقدت الفرح يافرحة سنيني
بعدك فقدت الحنان وحضنك الدافي
بعدك فقدت اللي لدمعاتي يواسيني
وكل شي من غيبتك خليته اخلافي
يابوي كم غيبتك هي اثرت فيني
لاالضحك ضحكي ولاالفرحه من اوصافي
الهم اذبل وردتي والحزن طاويني
والدمع يغشى عيوني وانا غافي
مااقول غير الله على بعدك يقويني
ويغشاك بالرحمه وتشرب من نهر صافي
في جنة بالطول والعرض عرضيني
الله كريم وعزيز ووحده الكافي
وانا اوعدك في كل يوم يمر بسنيني
ماانساك من دعوة (ن) في ليلي الخافي
يالله يارحمن ياربي تكسيني
بالقوه اللي تعين هالقلب وتعافي
يريح احساسي من احزان تكويني
هو الكريم العزيز القادر الشافي
اذا عجزت ايديكم والسنتكم عن التعليق فالاكيد ان قلوبكم لن تعجز عن الدعوه لوالدي الحبيب بالرحمه والمغفره
م ن
من أنامل ذهبية جميلة
تسلمين على الابداع والنقل
حبيبتي
.
الله يرحم والدكك
ويسكنه الجناااااان
الله يغفر لوالدك و والدي ويرحمهم ويسكنهم فسيح جناته ويغسلهم بالماء والثلج والبرد
ويجمعنا معهم في جنة الخلد ياااااااااارب
اللهم امـيــــــــــــــــــــــــــــــــــــن
انتقاء مميز
سلمت يداك