السلام عليكم ورحمة الله وبركاته
اخواتي العزيزات حبيت اخد رايكم في مشكلتي وتقولولي انا علطانه ؟
انا ليا اخت اتجوزت واتطلقت من زوجها بعد عشر سنين ومخلفه منه بنت وولد وبنتها من صغرها في حضني انا اللي ربيتها ودايما كنت بحاول اغرس فيها كل القيم الكويسه وانصحها دايما بالصلاه والبعد عن الكدب ولكن للاسف امها كانت دايما تعمل عكس كده كانت تخليها تكدب عشانها في حاجات كتيره اوي وبطريقة امها معاها خلتها تبعد عن حضنها وللاسف لاني اقرب ليها من اخواتي التانيين لاني اللي مربياها ومعاها من يوم ما اتولدت فكنت انا الحضن اللي بتترمي فيه وقت ضيقها ……
اختي دي اتزوجت من واحد مش كويس والعياذ بالله وللاسف هيا لاغيه مخها وماشيه ورا اللي يقولهولها واتسبب في مشاكل كتيره جدا بينا وبينها وبينها وبين بنتها وبنتها للاسف بتكرهه بسبب تصرفاته معاها اللي مش كويسه وللاسف بردو البنت مش بتلاقي غيري تحكيله وتشتكيله وتفضفضله وللاسف انا عشان بعتبرها بنتي مش بنت اختي بضطر افتحلها قلبي وحضني واسمعلها وفي يوم من اسبوع البنت حكتلي على حاجه مش كويسه عن زوج امها واللي وصلها الحاجه دي امها للاسف ومحبيتش اني اقفل بابي في وشها واقولها لا اسكتي وسمعتلها وادتلها نصيحتي وفضلت معاها خطوه بخطوه وللاسف انا مسافره مع زوجي فكل كلامي مع البنت عن طريق الماسنجر وامها امبارح قرأت المحادثات اللي بيني وبينها فراحت كلمت والدتي واخواتي واعدت تقولهم اني بوقع بينها وبين بنتها ولسن بكلام مش كويس على زوجها وعليها مع اني والله اعلم باللي حصل كنت دايما بنصح البنت بانها تفضل باره بامها ومتتغيرش معاها ابدا لانها مهما حصل ومهما اتغيرت وبقت وحشه حتفضل امها وليها عليها حق الطاعه والوئتي اهلي مغلطني جدا جدا جدا في اني بفتح حضني لبنت اختي اللي قفلت حضنها في وشها …..
انا حكيتلكو المشكله تقريبا بالتفصيل قولولي انتو هل انا غلطانه اني بحاول اني اخلي البنت متطلعش وحشه مع العلم انها لسه 11 سنه هل انا غلطانه اني مش عايزه ارميها واسيبها زي ما امها عملت ؟
((اخواتي العزيزات انا مش بتكلم وحش على اختي ولا غيرها بس والله انا في نار ومنمتش من امبارح ومش عارفه فعلا اعمل ايه؟ ولانكو فعلا اخوات غاليات على قلبي حبيت استشيركم ولاني استفدت كتير من خبرات الاخوات هنا في المنتدى في مجالات مختلفه ))
وجازاها الله كل خير اللي تديني رايها في مشكلتي ………..
بس المشكلة ان الطيبة بهالزمن مو مفهومة عند كثير من الناس
اغلب الناس ياخذوها على انها وسيلة لهدف معين وفور الوصول له تتلاشى هالطيبة وتظهر الحقيقة
نصيحتي لك
خليكي طيبة مثل ما انتي
اسمعي لبنت اختك ووجهي لها النصايح والارشادات
حتى لو امها معترضة ماعليك منها مصيرها بيجي يوم وبتعرف انك تبين مصلحة بنتها
لان حرام تضيع البنت بسبب ان امها غافلة عنها او بسبب سوء تفاهم بينكم
اخيتي
الله يجازيك بالجنة على فعل الخير
والله يهدي اختك ويرجعها للصواب والنور
تقبلي مروري