السلام عليكم ورحمه الله أخواتي والله امس ضايقه فيني الوسيعه بما رحبت والله أني تمر على أوقات أتمنى الموت مشاكلي كثيره كثيره بدءا بعدم المحافظة على الصلاه مع رغبتي بالمحافظه عليها مرورا بمشاكلي مع قرايبي للاسف تخاصمت مع وحدة قلبت علي الكل حسبي الله عليها وشوهت صورتي عند الناس أني راعيه مشاكل وأنا طيبه وعفويه بس هي تفسر الأمور على هواها وهذا الموضوع اثر على نفسيتي كثير وفيهم غيره وأنا ماعرف أدافع عن نفسي ضعيفه شخصيه وانتهاءا بزوجي اللي له حوالي ثمان شهور وهو يعاني من مشاكل خاصه عضويه تحرمني متعتي والله مني مرتاحه تعبت ونا صابره وصعب افكر بالطلاق عشان بنتي ومن قبلها المشاكل بيننا والي انتشرت سيرتها بسبب الأقارب الحسودين ولي كم سنه اعاني من عدم تركيز مره تعبانه احس بدوخه او شبه غيبوبه تجيني وتاعبتني وضيقه والم براسي ونسيان تجئني حاله أصير كني بحلم وألم اسفل الرأس وأعلى الرقبه وتحسبي الله ونعم الًوكيل والله تعبانه تعبت ياربي فرج علي وعلى كل من تعطيني نصيحه تفيدني
تعرفي على الله في الرخاء يعرفك في الشدة
(ومن أعرض عن ذكري فإن له معيشة ضنكاً )
رمضان في الطريق فاستعدي بالتوبة النصوح
وأبشري بالسعادة التي ترينها بطاعة الله تعالى وخاصة قيام الليل
وأكثري من تلاوة القرآن الكريم والنفخ بعد التلاوة على جسدك وجسد زوجك
وفقك الله تعالى
حاولي تكوني قريبه منه في الرخاء و الشده . . وداومي على الاستغفاااار
و ترا كلمتك ( نفسي اموت و ارتاح من هالدنيا ) حراااام يا اختي و فيها يأس من رحمة الله . . و معليش بس انتي ضامنه انك بترتاحي بعد الموت . . ضامنه انك بتكوني سعيده و لا شقيه . . فكري فيها قبل ما تقوليها
عزيزتي ابدي من اليوم عدلي صلاتك ،و تقربي من الله بكل شي يحبه ، و تصدقي
و راح تنفتح ابواب السعاده لك باذن الله . . دعوااتك بان ربي يحقق كل شي اتمناه **
لانك مش محافظة على الصلاة
لا و الله؟؟؟؟؟؟؟؟؟؟؟؟؟؟؟؟؟؟؟؟؟
وييسر امرك ان شاء الله …
اللهم اجعل كل ما حصل وسوف يحصل ويحصل الان
خيرا لي ولنا فـ الدنيا و الاخره يا ارحم الرحمين
الصراحه يصير اللي يصير .. اهم شي انك بتاخذين حقك
وزود من ربك .. يوم القيامه
الله يهنيك فـ الاجر .. وهل شي يعتبر غيبه او نميمه
واللي اعرفه المظلوم فـ هل شي يكسب اجر كبيييير وكثير
الله يهنييييك
أنتي كيف تبغين تحافظين على صلاتك وأنتي ماتصلي يعني مافهمت
كل ما سمعتي اﻷذان روحي صلي وشسمه بالنسبة لضيوف روحي زوريهم وسوي نفسك موعارفة شي ودايما زوريهم أسسألي عنهم عطيهم هدايا وكذا
لوعندهم أولاد عطيهم حلاوة وزوجك دلليه وهوني عليه يكفي أنه تعبان خصصي وقت لكي وله ولوشفتيه مشغول أعذريه وتسذا
خليك كريمة وفكري بغيرك وبعدين قدام زوجك قولي له بدلع حبيبي راسي يعورني وتسذا ممكن أروح دكتور ياعيوني وأصبري والله يكون بعونك..
اول شي بقوله لك الصلاة ..الصلاة …الصلاة هذي اخر كلمه قالها شفيعنا صلى الله عليه وسلم وصيته لي ولك ولكل مسلم يتمنى الجنه ويخاف الخلودفي جهنم ذكرها وهو بسكرات الموت !!! لانها عمود الديين (العهد الذي بيننا وبينهم الصلاة فمن تركها فقد كفر) اول سوال لك بقبرك عن صلاااااااااااتك (فويل للمصلين *الذي هم عن صلاتهم ساهون) ويل العذاب الشديد وقيل وادي بجهنم للمؤخرين لصلاتهم بسبب لهوهم …
اختي حبيبتي انا مااحب تكونين منهم والعياذ بالله واكييييييد انتي بعد ماتبغين حافظي ع صلاتك جاهدي نفسك واصري واصبري واكثري الدعا بالسجود ان الله يثبتك ع الصلاة ربي سبحانه بيرسلك انذارات عشان ترجعين وتوبين قبل الموت ضيقك وتعبك ومرض زوجك كل هذي ابتلائات ادعي الله (اللهم اصلح لي ديني الذي هو عصمت امري واصلح لي دنيا التى فيها معاشي واصلح لي اخرتي التي اليها معادي واجعل الحياة زيادة لي في كل خير واجعل الموت راحت لي من كل شر )روحي المستشفى وافحصي واطمني والزمي الرقى كل يوم بعد ماتصلين المغرب ارقي نفسك وزوجك وبنتك صدقيني هذا علاجك موجودة بالنت الرقيه الشرعيه مع زمزم الرسول صلى الله عليه وسلم قال (ماء زمزم لما شرب له ) قبل لا تشربين ادعي بالشفاء وسمي واشربي وخلي زوجك يسوي نفس الشي واصبري عليه هذا شي خارج عن ارادته اذا انتي مقهورة مره هو مقهور عشرة هوني عليه وحاولي تكسبينه وتصلحين اللي بينكم اليوم هو محتاجك بكره بتحتاجيه الدنيا سلف ودين سلفيه عشان يرد دينه ازمه وتعدي باذن الله صدقيني الصبر مفتاح الفرج والزمي الاستغفار والله عن تجربه خاصه الاستغار هو الحل السحري لجميع مشاكلك واقراي عن عجايب الاستغفار وبتلزمينه
قلبي معك وابشري بدعائي لك بظهر الغيب الله يفرج همك ويسر امرك ويثبتك ع الصراط المستقيم ويشفيك وزوجك ويجعل حياتكم سعيدة هنيئه عاجلا غير اجلا
اسفه طولت عليكم سامحيني اذا قلت شي يضاقك بدون قصد
وحنا وش دخلنا تغثينا
ههههههههههههه