السلام عليكم ورحمه الله ..
اسمحولي اتكلم باللغه العامه
بصراحه بدايه مشكلتي من يوم ما دخلت المدرسه كنت انطوائيه نوعا ما واخجل و كانو البنات الصغار اللي ف سني ما يحبون هالنوع ف كنت مكروهه نوعا ما ، لما كبرت تغيرت تغير كلي تماماً ،، صرت جريئه و فكاهيه و دمي خفيف بس كنت اضيف اسلوب التجريح على اساس اني انسانه فكاهيه وما اقصد بذا الاسلوب شي بس كانو البنات ينجرحون مني ويسكتون بس يشيلون بقلبهم ويبان عليهم الزعل وبهذا السبب رجعو البنات يكرهوني
ساعدوني كيف اسيطر على ذا الاسلوب مع اني اجرح بدون ما اقصد بس قصدي انو نضحك بس جد البنات يقولون انتي تجرحين وتعيبين فينا بدون ما تحسين ولما تصير بيننا مشاكل كل وحده تقولي انا وش سويت لها وبأيش جرحتها حسيت نفسي انسانه مذمومه بسبب هالعاده اللي مو عارفه كيف اتخلص منها .. ارجو رفع الموضوع .. و اجسفه ع الاطاله حاولت اختصر قد ما اقد و السلام عليكم ورحمه الله 
وفي الوقت الحالي التجريح
مستغربه من موضوعك كاتبه لا أجد سبب مقنع !
عموماً
أنا أكره ماعندي اقابل بنت تحاول تجذب الناس بالتجريح لغيرها
يجيني إحساس إن هالبنت مافيها ولا ذرة إنسانيه
وأنا عن نفسي بنات كثيرين تركتهم لهالسبب ولا عمري ندمت عليهم
لإن هالطبع جداً تافه
فحاولي قبل ماتتكلمين تحطين نفسك مكان البنت الي بتقولين عنها
لو انتي مكانها بتنجرحين ولا لا؟
غير كذا غلط انك تعاملين كل الناس بطبع واحد
ياحبيبتي العالم شخصيات
فيه الي شخصيتها حساسه .. هذي المفروض حتى بالمزح العادي تنتبهين لكلامك
يمكن انتي مايزعلك بس هي يزعلها لإن شخصيتها غير شخصيتك
وفيه الكتومه الي مره تزعل منك ولا تبين ومره مايهمها
لاتصيرين ذكرى سيئه بالنسبه لهم
وتقدرين تصيرين إجتماعيه بدون الإسلوب الكوميدي
اهم شي ماتتصنعين وإسلوبك يكون واضح
"دعواتك"
غآليتي ، ضعي نفسكِ مكآنهم ، بتزعلي ، بتبكي ، بتنجرحي !
الشخص الفكآهي المحبوب ، شتآن بينه وبين أسلوب التجريح ..،*
حآولي توزني أي كلمة تقوليهآ ، وفكري فيهآ مليون مرة قبل مآتخرج من لسآنكِ
{المؤمن من سلم المؤمنون من لسآنه ويده}
لآإله إلآ أنت سبحآنك إني كنت من الظآلمين
تخيلي نفسچ بمكانهم وحده انطوائية يمچ، ما تتكلم، ما تشارك، ما تضحك، ما تسوي شيء؛ هل راح تتقربين منها؟ طبعاً لا، لأنچ ما تعرفينها اصلاً فشلون تكلمين احد ما تعرفينه..؟!! ما كان كره ابداً كانت علاقات سطحية اعرف اسمچ ادري وياي بالكلاس بس ما بيننا الا السلام عليكم هذا و ان وجد يعني حتى ما اتوقع يسلمون عليچ دايركت حتى اكيد كانوا يسلمون على الكلاس اول ما يدخلون؛ هاذا تحليل اول مرحلة بحياتچ.
المرحلة الثانية عكس الأولى تجرأتي، تكلمتي، عرفوچ فحبوچ و خفتي تخسرينهم و "يكرهونچ" مثل اول مرحلة؛ فبديتي تضحكين و عموماً اللي يكون فاقد الشيء و فجأة ياخذه يحاول كثر ما يقدر انه يتمسك فيه حتى لو وصل لمرحلة التمادي، و انتي وصلتي هالمرحله؛ اكيد بدأ الوضع بنكته ضحكوا عليها تكررت و صارت ما تضحك، نكته ثانية…بعدين النكت ما صارت تضحك و رحتي للطنازة و هذا غرام البنات بدت بوحده مكروهه او يمكن انطوائية مثلچ اول و هالشيء ضحكهم و وحده ثانية و موتهم من الضحك لين ما خلصوا البنات و بديتي بالشلة اللي بدت تنجرح بشيء كانوا اول يسوونه!
حبيبتي الضحك و الفكاهة مو مجموعة نكت او طنازة على خلق الله؛ الضحك اللي يدوم و مستحيل ينسي مواقف حلوة تمر بيننا و بين ربعنا؛ وايد مواقف تحضرني مع ربعي الحين لو اقولها لچ ما راح تضحكچ ابداً بس احنا بيننا و بين بعض نمووووووت من الضحك عليها لأن احنا عشناها و خلقناها و استمتعنا ببساطتها و اغلبهم Inside Jokes يعني محد يفهمهم غيرنا احنا اللي عشنا الموقف اشياء صار لها سنييييييييييين لي يومچ نذكرها و اذا كانت وحده من البنات غايبه و تذكرنا موقف وياها بيمعة نذكرها بالخير و نوله عليها شكثر سافروا من شلتنا اللي تدرس برا و اللي لهت بالدنيا و مشاغلها و اللي و اللي و اللي بس اذا اجتمعنا نرد مثل ما كننا ايام المدرسة و الشغب و الضحك و المواقف العفوية لو كننا معتمدين على السخرية و الطنازة ايام الدراسة كوسيلة للضحك چان والله ما نكلم بعض الحين و چان كل وحده بقلبها حقد دفين على الثانية و محد يذكر الثاني بالخير؛ لو السخرية شيء زين چان الله ما قال في كتابه الشريف { يَا أَيُّهَا الَّذِينَ آمَنُوا لاَ يَسْخَرْ قَوْمٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلاَ نِسَاءٌ مِّن نِّسَاءٍ عَسَى أَن يَكُنَّ خَيْراً مِّنْهُنَّ وَلاَ تَلْمِزُوا أَنْفُسَكُمْ وَلاَ تَنَابَزُوا بِالأَلْقَابِ بِئْسَ الاسْمُ الفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ} (الحجرات:11). شوفي قوم من قوم ؛ و رد سبحانه و أكد على الكلام ولا نساء من نساء، لأن النساء للأسف يشوفون هالشيء وسيلة للتواصل و "الفكاهة" لين ما يذوقون اللي يذوقونه الناس ساعتها سبحان الله تصير عندها مشاعر و قلب!
و بس، عيدچ مبارك 😁
لانهم أطفال والاطفال تحب الضحك والفرفشة
اما وانتي كبيرة وهذا أمر التجريح
يعني تخيلي نفسك مكانهم ؟
انتي امزحي واضحكي بس بدون تجريح
والله يهديك
|
المشاركة الأصلية كتبت بواسطة Just Go With It
 ما تشوفين سبب مقنع للكره؟!
تخيلي نفسچ بمكانهم وحده انطوائية يمچ، ما تتكلم، ما تشارك، ما تضحك، ما تسوي شيء؛ هل راح تتقربين منها؟ طبعاً لا، لأنچ ما تعرفينها اصلاً فشلون تكلمين احد ما تعرفينه..؟!! ما كان كره ابداً كانت علاقات سطحية اعرف اسمچ ادري وياي بالكلاس بس ما بيننا الا السلام عليكم هذا و ان وجد يعني حتى ما اتوقع يسلمون عليچ دايركت حتى اميد كانوا يسلمون على الكلاس اول ما يدخلون؛ هاذا تحليل اول مرحلة بحياتچ. المرحلة الثانية عكس الأولى تجرأتي، تكلمتي، عرفوچ فحبوچ و خفتي تخسرينهم و "يكرهونچ" مثل اول مرحلة؛ فبديتي تضحكين و عموماً اللي يكون فاقد الشيء و فجأة ياخذه يحاول كثر ما يقدر انه يتمسك فيه حتى لو وصل لمرحلة التمادي، و انتي وصلتي هالمرحله؛ اكيد بدأ الوضع بنكته ضحكوا عليها تكررت و صارت ما تضحك، نكته ثانية…بعدين النكت ما صارت تضحك و رحتي للطنازة و هذا غرام البنات بدت بوحده مكروهه او يمكن انطوائية مثلچ اول و هالشيء ضحكهم و وحده ثانية و موتهم من الضحك لين ما خلصوا البنات و بديتي بالشلة اللي بدت تنجرح بشيء كانوا اول يسوونه! حبيبتي الضحك و الفكاهة مو مجموعة نكت او طنازة على خلق الله؛ الضحك اللي يدوم و مستحيل ينسي مواقف حلوة تمر بيننا و بين ربعنا؛ وايد مواقف تحضرني مع ربعي الحين لو اقولها لچ ما راح تضحكچ ابداً بس احنا بيننا و بين بعض نمووووووت من الضحك عليها لأن احنا عشناها و خلقناها و استمتعنا ببساطتها و اغلبهم Inside Jokes يعني محد يفهمهم غيرنا احنا اللي عشنا الموقف اشياء صار لها سنييييييييييين لي يومچ نذكرها و اذا كانت وحده من البنات غايبه و تذكرنا موقف وياها بيمعة نذكرها بالخير و نوله عليها شكثر سافروا من شلتنا اللي تدرس برا و اللي لهت بالدنيا و مشاغلها و اللي و اللي و اللي بس اذا اجتمعنا نرد مثل ما كننا ايام المدرسة و الشغب و الضحك و المواقف العفوية لو كننا معتمدين على السخرية و الطنازة ايام الدراسة كوسيلة للضحك چان والله ما نكلم بعض الحين و چان كل وحده بقلبها حقد دفين على الثانية و محد يذكر الثاني بالخير؛ لو السخرية شيء زين چان الله ما قال في كتابه الشريف { يَا أَيُّهَا الَّذِينَ آمَنُوا لاَ يَسْخَرْ قَوْمٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلاَ نِسَاءٌ مِّن نِّسَاءٍ عَسَى أَن يَكُنَّ خَيْراً مِّنْهُنَّ وَلاَ تَلْمِزُوا أَنْفُسَكُمْ وَلاَ تَنَابَزُوا بِالأَلْقَابِ بِئْسَ الاسْمُ الفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ} (الحجرات:11). شوفي قوم من قوم ؛ و رد سبحانه و أكد على الكلام ولا نساء من نساء، لأن النساء للأسف يشوفون هالشيء وسيلة للتواصل و "الفكاهة" لين ما يذوقون اللي يذوقونه الناس ساعتها سبحان الله تصير عندها مشاعر و قلب! و بس، عيدچ مبارك 😁 |
اذا ودك نصير صديقات واخوات في الله ارسلي لي خاص
اتشرف بصداقتك
