السلام عليكم و رحمة الله
بنات ارجوكم ساعدوني بمشورتكم لي
و الله واقعة في مصيبة عمري ما كنت اتخيل انها تصيرلي و لا حتى في الاحلام
قصتي فاتت قصص الروايات .. عقلي لهذه اللحظة و أنا اكتب مو مستوعب اللي صارلي ..
قصتي كالتالي : أنا كنت مخطوبة لاحد اقاربي قبل 8 سنين
و استمرت فترة خطوبتنا سنة واحدة و كنت احب خطيبي كثيييييير و هو يحبني اكثر و كان المفروض عرسنا يكون في الصيف بس للأسف صار شبه انقلاب ضد الحكومة في المنطقة الانا عايشة فيها و الحكومة صارت تقبض على الشباب عشوائيا فخطيبي ربي كتبله انه ينقبض عليه مع مجموعة من الشباب حوالي 12 كانوا خارجين من الجامع من صلاة الفجر و من بعد هداك اليوم ما سمعنا عليه و لاشي يعني لا عرفنا انه حي و لا ميت ..
و كان بعد كل فترة تجينا خبرية موت احد شباب اللي كانوا معاه ما ظل حد غيره و 2 شباب تانين ما عرفنا عنهم و لاشي ….
و طبعا ما احكيلكم كيف كنت اموت في بعاده و كيف كانت دموعي تملى سريري .. كنت اتذكر كل كلامه لي و كيف كان يغليني زي عيونه ..
المهم بعد مرور 6 سنوات من اختفائه الكل تصور موته و حتى عائلته سلمت امرها لله ..
و اجتني امه و قالتلي يا بنتي احنى مسامحينك اذا جاك عريس لا ترديه ..
هذاك اليوم موتت مية مرة ما اتصورت ان يجي يوم و مايكون له وجود في حياتي و اني كمان ممكن افكر في شخص غيره ..
و مرت الايام و فعلا صار يجوني عرسان بعد ما انتشر خبر اني مو مخطوبة ..
و كنت ارفض على امل اني اسمع صوته يردلي ..
المهم من ضمن الخطاب اجاني عريس ما يتفوت أدب و اخلاق و علم .. هنا ابوي دخل علي و قالي يا بنتي كدا ما يصير لازم توافقي صار عمرك فوق 27 و بعد كم سنة ما رح يجي يطق بابنا و لا عريس .. جد في هديك اللحظة انكسر خاطري على ابوي حسيته فعلا متمني يفرح بي ..
فوافقت على العريس .. و فعلا تمت الخطبة و صرنا نتكلم مع بعض في البداية ما كنت حابته ابدا .. كان بالنسبة لي عبارة عن رغبة لوالدي و حققتها لا أكثر و لا أقل .. بس بمرور الايام صار معدن الرجل يبانلي فعلا هو ابن حلال و اللي لفتني فيه طيبته و برائته اللي انعدمت في زمنا هذا .. و بكذا صرت اتعلق فيه شوي شوي بحكم العادة بس اما حب مستحييييل و كأن قلبي كان مقفول و مكتوب عليه ممنوع الاقتراب شي غصب عني مو بكيفي ..
و بعدها اتعرضت لحادث سير و وجهي اتشوه بالكامل هديك الفترة و ما كان احد يتصور اني برد طبيعية مثل الاول الحمد الله .. المهم في هديك الفترة بجد بانلي طيب اصله وقف معاي وقفة عمري ما انساها .. تصوروا اول ايام الحادث لمى كنت بالعناية كان يبات برا قدام المستشفى في سيارته و لمى كان يجي يزورني كان دايم يرفعلي معنوياتي و يقولي اليوم ما شاءالله صايرة قمر و انا في هداك الفترة و ربي يشهد على كلامي صرت مخلوق تاني من الانتفاخ اللي صار في وجهي ناهيك جرح الخياطة في فكي السفلي كان الدكاترة مانعين علي اشوف وجهي بمرايا لمدة اسبوعين الى ان يخف الالتهاب بس كنت دايم اقول لأختي صوريني عشان اشوف صوري بعدين لو ربي عطاني عمر .. و فعلا ربي مد فيني عمر و اتحسن حالي و رجعت الحمدالله للحالتي الطبيعة و النزيف اللي صارلي كان خارجي هو اللي سبب في الانتفاخ في وجهي .. المهم بعد ما شفت صوري و الله بكيت من القهر لمى اتذكرت خطيبي كيف كان يدللني و انا بهالمنظر و انا مو قادرة احبه ربع حبه لي ..
من هنا قلبي صار ينفتحله بجد و اتعلقت فيه يوم عن يوم و بكذا حبيته بجد حسيت انه انسان فعلا صادق في زمن انعدم فيه الصدق بالاضافة لثقته فيني الزايدة عمره ما شك فيني و لا لحظة ….
و كان المفترض العرس يكون بعد رمضان .. طبعا التأخير كان بسبب وضعي الصحي بس الحمدالله الحين انا بخير ..
و الامور كلها كانت ماشية تمام .. الى ان جاني تلفون يا بنات زلزل كياني و غير موازيني ..ايوه خطيبي الاول اتصل علي .. اول ما سمعت صوته ما صدقت صرت انادي بأسمه زي المجنونة و هو يقولي ايوه انا فلان انا فلان رجعتلك ياعمري رجعتلك ..
للحظة يا بنات نسيت اني مخطوبة و فرحي قريب و الفرح كان موسايعني و سألته انت وين اللحين .. رد علي انا الحين طلعت من الحبس مالي اكثر من ساعة و أنا الحين في الحدود و اول شخص اتصلت فيه انتي قبل حتى عيلتي .. و قالي بجد انا طول هالفترة كنت بحلم بهذا اليوم اللي اسمع فيه صوتك .. و أنا اسمع فيه و قلبي بيطلع من طلوعي .. حسيت كأن روحي رجعتلي ..
و بعد ما قفلت منه صرت اصيح بأعلى صوتي في الدار ..
و صرت اسأل نفسي ويش اللي صار الحين ؟؟ أنا في حلم و لا في علم
حبيب عمري رجعلي و ما هو بميت
اقسم بالله حسيت اني انولدت من جديد
و بعدها بكم دقيقة وعيت للواقع و اتذكرت اني مخطوبة لغيره و عرسي مفروض بعد كم شهر
ايش الجنون اللي أنا فيه ؟؟
و جلست ابكي على تصرفي ..
كيف في لحظة انسى الرجل اللي مفروض يكون زوجي و اللي واثق فيني ثقة عمياء
كيف قلبي يرجع يدق بهالقوة لخطيبي الاول .. معناها انا ماأستحق حب خطيبي الحالي له ..
و فضلت على هالحال يومين و خطيبي القديم ما اتصل علي
و بعتلي اخته اللي هي صديقتي قبل ما تكون قريبتي تقولي انه هو ما يقدر يتكلم معاي بحكم انه شرعا ما يجوز
و انه علم بقصة انتظاري له و بأني انجبرت على خطبتي بخطيبي الحالي و قالي اذا انا ناوية ارجعله فهو حاضر و اذا رح اختار اكمل مع خطيبي الجديد فقوليلها مبروك و مارح يزعل منك و هو ما قال هالكلام الا حس من تلفونه لي قبل ما يدري بالسالفة انه في قبول و شوق من طرفي مثل اللي كان..
يا بنات ما احكيلكم كيف صرت في دوامة ..
المهم في الاخير قررت اني لازم اتأخذ قرار بسرعة .. و قررت اني اترك خطيبي الحالي
و الله و الله و الله مو عشان اني ما احبه .. بس لأنه ما يستاهل إني اشارك حبي ليه حد تاني .. هذه تعتبر خيانة و لو فكرية .. و هو دايم واثق فيني و حرام اجازيه بهالطريقة ..
فقررت اني اضحي بحبي ليه و لا أخل عليه و انا في قلبي حب تاني لغيره ..
و فعلا اليوم قررت اني اكلمه و ارفضه ..
و كلمته و ياريتني ما كلمته ..
اقسم بالله اتمنيت الارض تنشق و تبلعني و لا أنحط بموقف مثل هذا ..
صار يسألني وايش فيه .. و انا اقوله مافي شي بس انا ابغى افسخ
المهم في النهاية صرت ما اسمع صوته اقول الو الو و ما حد يرد علي
في النهاية سمعت صوت مخنوق بالعبرة يرد علي ايوه سامعك
و الله يا بنات اتمنيت اموت قبل ما اجرح قلبه بهالشكل ..و الله انه انسان طيب و ما يستاهل
و لقيت نفسي انا بعد اصيح و قتله سامحني و قفلت التلفون ..
بعدها بعتلي مسج كاتب فيه انا بخليك يومين تفكري قبل ما نخطو اي خطوة نهائية ..
بنات المشكلة اني اكتشفت اكتشاف اليوم بس
اني احبهم الاثنين بالتساوي مافي حد فيهم اعلى من التاني
و الله مو بإيدي انهم الاثنين يحتلو قلبي
صرت ضايعة ماني عارفة ايش الاساويه
ارد لحبي الاول و الا استمر مع خطيبي الثاني
أأأأأأأأأأأأأأأأأأأأأمانة عليكم ما تحرموني من مشورتكم
تراني في حاجة ماسة لكم
جزاكم الله الف خير ياااااااااااااااااااااااااااااااارب
ادهم صبري ومنى توفيق وجيهان هاي مشابهه ههههههههههه والله اسفه
نجي للموضوع الاصلي انا برايي انه تختاري التاني عشان هو الي سندك بشدتك 
وبعدين الاول ماادري حبيبتي السجن يخرب انتي متاكده انو نفس الشخص الي تعرفيه انا برايي لا واسالي مجرب
بس القرار قرارك فكري منيح واتخذي القرار المناسب
انا صاحبة المشكلة
مشكورات خواتي على النصائح ..
اما بالنسبة للأخت اللي قالت علي اني ما احب الا نفسي و علي ان أتقي الله
حرد عليك ببساطة اللي ايده في النار مو مثل اللي ايده في المي
انا اللي صايرلي يا عزيزتي ما أتمناه لعدو قبل حبيب عشان كدا مستحيل ادعي و اقول اتمنى اللي صايرلي يصيرلك عشان تحسي بالأنا فيه .. بس حدعيلك و اقول ربي يهديك .. و انت الظاهر ما قرأتي قصتي بتمعن لأن أنا ما اخترت اني احبهم الاتنين بمزاجي في نفس الوقت ربي كتبلي ان يصير معي كدا .. أنا لجأت لكم طالبة النصح و دمعي على خدي و انتي تقوليلي انانية ..
أنا لو أنانية و أفكر زي البنات كنت اتزوج اي حد فيهم دون ما احمل روحي هم التفكير
لكن لأني أخاف الله و ماأريد اغضبه ما ودي بجد اني ادخل في بيت واحد فيهم و انا احب شخص تاني ..
انا لو سويت كدا فأنا فعلا حأغضب الله ..
على فكرة انا عمري 29 سنة يعني اللي زيي في مجتمعنا مفروض تتزوج من سكات و ما تفكر في شي .. لكن لأني مو أنانية و احب لغيري زي ما أحب لنفسي مارضيت للاثنين اني اتزوج واحد فيهم لغرض بس اهرب من شبح العنوسة .. ارحم لي اظل عانس و لا أساوي هالشي
و صدقت وحدة من الخوات اللي قالت قصتي مثل روايات رجل المستحيل .. لأني انا صاحبتها مو مصدقة اللي صايرلي .. بس ما علي اقول الا انه اختبار من الرحمن .. ربي يقويني و يصبرني و اطلع من محنتي هذه .. و أمانة اللي ما عندها كلام تقوله بس تدعيلي ربي يفك ضيقتي ..
و ياريت ما يكون في الردود تجريح لأني و ربي اللي فوقي اللي فيني مكفيني
و اللي رح تستخف بقصتي ما رح اقولها الا حسبي الله و نعم الوكيل
ع العموم انا مفكرة اتركهم الاتنين خير لي و ليهم كمان ..
مشكورات حبيباتي ع المساندة
|
المشاركة الأصلية كتبت بواسطة مشكلتي
 السلام عليكم
انا صاحبة المشكلة مشكورات خواتي على النصائح .. اما بالنسبة للأخت اللي قالت علي اني ما احب الا نفسي و علي ان أتقي الله انا اللي صايرلي يا عزيزتي ما أتمناه لعدو قبل حبيب عشان كدا مستحيل ادعي و اقول اتمنى اللي صايرلي يصيرلك عشان تحسي بالأنا فيه .. بس حدعيلك و اقول ربي يهديك .. و انت الظاهر ما قرأتي قصتي بتمعن لأن أنا ما اخترت اني احبهم الاتنين بمزاجي في نفس الوقت ربي كتبلي ان يصير معي كدا .. أنا لجأت لكم طالبة النصح و دمعي على خدي و انتي تقوليلي انانية .. و صدقت وحدة من الخوات اللي قالت قصتي مثل روايات رجل المستحيل .. لأني انا صاحبتها مو مصدقة اللي صايرلي .. بس ما علي اقول الا انه اختبار من الرحمن .. ربي يقويني و يصبرني و اطلع من محنتي هذه .. و أمانة اللي ما عندها كلام تقوله بس تدعيلي ربي يفك ضيقتي .. ع العموم انا مفكرة اتركهم الاتنين خير لي و ليهم كمان .. مشكورات حبيباتي ع المساندة |
مشكوووووووورة علي التضحية……..في ناس تحب تعيش دور المظلومة روحي حبيبتي عالجي نفسك