كل عام وانتم بالف خير حبوباتي~من العايدين والفائزين باذن الله
اليوم اضع بين يديكم اخر موضوع لي بهذه المسابقة الحافلة بوصفاتكم وابداعاتكم
ياريت تضلوا تقدموا احلى واحلى دائما بقسم مطبخ العضوات~~
واليوم رح قدملكم معمول >>ملك حلويات العيد
المعمول
رح قدملكم عدة اشكال…من نفس العجينة المعمول حاولت اغير بالشكل لكن مع المحافظة على نفس الطعم الاصيل للمعمول هههههه
انا معتمدة طريقة التيتة مابلاقي اطيب منها ,, تلاقو المقادير على هذا الرابط
العجينة قسمتها نصفين قسم سادة وقسم حطيت له بهارات الكعك مشان اعمل فيه رقائق المعمول
هي شكل العجينة
طريقة المعمول :
ناخد التمر ونحطنه او نجيبه مطحون خالص ونحط عليه شوية زيت ويانسون وشمر وقرفة…ونعمله كور
ووبعدين ناخد كورة عجين نضع داخلها كورة تمر ونسكرها ونضغطها بالقالب ثم نضعها بصينية الفرن
عملت كمان قسم بجوز الهند..الحشوة كانت عبارة عن جوز هند وماء ورد وشيرة
هون بعد ماخلصوا~~
الشكل الثاني~~معمول السينابون
نرق طبقة من العجين ثم نضع رقاقة من التمر ونلفها بشكل اسطواني متل السينابون ونقطعها بالخيط لتحافظ
على شكل الحلقة…
وهي شكلها بعد النضج
رقائق المعمول~~
ناخذ العجينة يلي حطينا فيها بهارات الكعك
نرقها بين طبقتين من ورق الزبدة ثم نضع طبقة من التمر المرقوق وفوقه طبقة عجين اخرى
نضغط عليهم قليلا ليتماسكوا مع بعض
نقطعهم مربعات صغيرة وندخلهم الفرن مارح ياخدوا الا عشر دقائق
الصور توضح الطريقة
وهون بعد النضج
كتير لذيذة وخفيفة
وهون اشكال المعمول مع بعض
هي طريقة حلوة وسريعة ..وممكن تحفظيها بالفريزر لوقت الزنقة
المقادير…
عجينة بف باستر..
تمر محطون معجون بالــ اليانسون والشمر والقرفة يشكل على هيئة اصابع
حليب مكثف محلى مخفف بالماء +رشة يانسون
نقطع شريحة البف باستر بالنصف نعمل اخرها شرائط دون الوصول للاخر
نضع اصبع التمر ونلفها …نعجيها شكل الهلال
الصور توضح
ندخلهاالفرن وبعدها نسقيها بخليط النستله واليانسون..طعمهاطيب كتير
واخيرا ضلت كيكة التمر مع الصوص بالجوز
مقادير الكيكة~~
كاس وربع طحين
بيضة+فانيليا
ربع كوب سكر
اصبعين زبدة
جوز +قرفة
تمر مخلي من النوى+كوب ماء
مقادير الصوص
كاس شاي دبس التمر
علبة قشطة
جوز
طريقة الكيكة
نخفق البيضة مع الفانيلا ثم نضع السكر ثم باقي المواد
نغلي التمر مع الماء ثم نضربهم بالخلاط ونضيفهم فوق الخليط..
نضعهم بقالب الكيك..وندخلهم الفرن على نار هادئة
بعتدر منكم ماقدرت اصور الخطوات الكيكة لانو بطارية الكميرا لقيتها فاضية المهم شحنتها وصورت الصوص
الطريقة~~
نضع علبة القشطة ودبس التمر على النار لمدة 3دقائق نضيف الجوز ونضعهم على جنب لتزيين الكيك
وهيك خلصت ضيافة العيد وكل سنة وانتو سالمين~~
ان شالله يكون الموضوع خفيف وظريف على قلوبكم
الى لقاء جديد حبيباتي
عليكي يعني اشي رائع جدا جدا وشهي تسلم ايديكي
حبيبتي امونه يعطيكي الف عافيه
واحلى تقيم
وما شاء الله عليك تسلم الايادي حبيبتي
الله يعطيكي العافية تقيييييييم
[img]
[/img] المعمول بيجنن عجبنى تبع السينابون
راح اجربه شى يوم
اما الكيك شكلها تحفة
ههههههههههههه كمان عندى واحدة جاهزة مثلها
راح انزلها عن قريب شفتى كيف التوارد الخواطر
تستاهلين النجوم والنقاط بعرف انه تعبتى كثير بالموضوع
وتستاهلين اكثر حبيبتى حظ موفق يالغالية
عن جد وااااااااااااااااااااو
وافكار بقمة الروعه يارب اتمكن من تطبيقها بذات وحنا في موسم البرد الي مابيرحم عند الجوع
والتمر هو الغذاء المهم في فصل الشتاء والذي يمدنا بطاقه لتحمل البرد
الله لايحرمنا منك يالغاليه على الافكار الرائعه
واحلى تقيييم لعيونك
دمتي بحفظ الرحمن
ريتو الجمل نطحني وطيرني لعندك لحتئ ادوقق
هالمعمولات يا عيني يا عيني
والله فنانة