السلام عليكم
تعبت كثير من يوم دخولي للجامعة خصوصا هذه السنة ما ابغي اطلع للجامعة ما احضر محاضرات ما اقوم بشئ لاني بذلت جهد كبير في الفصل الاول فكانت النتيجة صدمة كبيرة وقعت على راسي و الله ما استحق 
على الجهد لي بذلت ثاني مشكلة اني ما اعبر عن افكاري امام الاساتذة لدي معلومات و اقدر اخرجها ما اقدر اطلع امام زميلاتي ولقي البحوث اخاف كثير و احمر و اصفر كقوس قوزح و ارتجف 
ابغي حل و منكم و من تجاربكم نستفيد والله يرزقها كل البتتمناه لي التساعدني في اماني الله 
اصلا انسي كل البنات الي في القاعه
وكمان في البيت جمعي اهلك والقي قدامهم حتتجراين اكثر
او قدام زميلاتك في القاعه قبل الاستاذه ماااتدخل
شوفي حبيبتي لاتخلين التردد عائق في طريق مستقبلك بالعكس خليك مندفعه للامام بكل ثقه وحطي في بالك ان هذا مستقبلك وماحد بينفعك والصدمات الي تجيك ياقلبي تعلمي منها وخليها سبب في تقدمك للامام وحطي في بالك ان الجامعه مكان ليس للدراسه فقط بل راح تكون نقطة تحول في حياتك المستقبليه والمهنيه والله يوفقك ياقلبي ويوفق ابنائنا وبناتنا لمايحبه ويرضاه
يعني ادخلي جووووووووووووووو البحث واللي فكرتي فيه من عناصر الين تنتهين وبكذا تنسين انك خايفه
اللهم اشرح لي صدي ويسر امري وحلل العقدة من لساني يفقه قولي
وصادقي كثييييييييييييييييييير راح تصيري جريئه
الله ييسر امرك
اللهم يوفقني و يوفقكم لصالح الاعمال وهو ولي التوفيق
امين
ـاول شــي خلي مقعدج يكون جدآم ـالآسآتذهـ ..
وثآنــي شي ـاي شي في بآلج قوليه بصوت عآلي بحيث ـانه يسمعج ..
حتى لو خطأ مآعليه قولي مرهـ ومرتين ..
ثآلث شي آي سؤآل الآستآذ يسأل جآوبي عليه حتى لو مآتعرفين
ـاهم شي يحط في بآله ـانج تشآركين وـانج مهتمه وصدقيني بيقول ـانج شآطرهـ وتهتمين
نصيحــــــــه
لآتنتظــري ـاي شخص تقوليله ـالآجآبه ـاو يسويلج ـاي شي
انتــي بآلكلآس جآوبي وشآركي وقوليلهم ـافكآرج
هذآ كله يبآله جرأهـ وبتتغلبين على جرأتج لو قعدتي جدآم
ولآزم يكون بينج وبينهم حوآر
وحآولي تتعلمي ـالجرأهـ عزيزتـي لآنه مستحيل ـاذآ تبين درجآت وآنتــي خجوله
كل هذي ـالنصآيح عن تجربه خآصـــــــــــــه فيني
آنآ خجووله بشكــل مآتتوقعي
وكنت مثلج وكنت ـاضيع على عمــري وآيد درجآت
حتى كآنوآ يسالون اسئله ذكآء وآجآوب بصوت وآطي وربيعآتي يجآوبون
ويآخذون ـالدرجه
بعدين وحدهـ نصحتني يزآهآ آلله آلف خير قآلتلي ـاذآ بتمي جيه مآبتجيبي ـاي درجآت
فكرت قلت صح وـالحين صرت آخذ وآعطي وآجآوب حتى لو خطأ
وآذآ ضحكوآ ـالبنآت في ـالكلآس
ـاقولهم بأسلووب حلو وطريقه جميله عشآن محد تتضآيق
آقولهم لآتضحكون مرهـ ثآنيه مآبجآوب ـاو ـاذآ جآوبت وحدهـ غلط بضحكـ عليكم ترى
ـأجيبهآ على ـاسآس خفة دم
صدقيني لو تشوفي ـالفرق بين ـاول مآدخلت وآلحين فرق كبير
ـالحين آذآ جآوبت ـاذآ ضحكوآ عآدي بس ـانآ تاكدت ـان قصدهم عآدي
لآني عرفت كيف ـاجيب ـالبنآت ومآ ـاخليهم يستهزئون
وصرت ـالحين ـالمتحدثه ـالرسميه للكلآس
وآلله آلعظيم ـاي شي يبون يكلمون ـالآسآتذهـ
على طوول يقولون ـاميرة تعآلي وـاميرة روحي
وثانيا هذا كله لمصلحتج انتي
يكون لج قيمة وقدر عند الاساتذهـ وعند الطالبات ولج انتي بالذات
تقوين من شخصيتج
وعلى فكرهـ يوم رحت ـاقدم وسوولي ـالمقآبله ـاتذكر ـان عميد ـالكليه كآن يسال وحدهـ
واهي مستحيه ماترد
واهو سؤال عن الدين بس يختبرها
جان يقولهآ بنتــي ـانتــي جآيه تتعلمــي يآ ـانج تتكلمــي ـاو تردي بيتكم ـاذآ بتمي سآكته
ـالحيآ وـالخجل خليه في بيتكم بس ـاهني ـاذآ بتمي جيه بتضيعين
وكلآمه للحين بآذنــي
ـانتــي لآزم تبتدأين ولآ تنتظرين من يجي يسآعدج
حآولي تقوين شخصيتج عزيزتــي ..ْ~
بآلتوفيــق