السلام عليكم
انا عمري15 مشكلتي هي اني انسانه تعيسه ماعد يعجبني شي في الدنيا غير كذا انا علطول مفهيه واحس بضيقه بصدري مدري ايش سبيها اصلي واقرا قران بس الضيقه ماتروح والناس كلهم مبتعدين عني بنات عماتي يحبون بعض وانا مايعطوني وجه وامي علطول تخاصمني وتقسى علي قريباتي كلهم مايحبوني ومايعطوني وجه والمدرسه الي كنت فيها كل البنات يكرهوني ويجرحوني ويطنزون فيني نقلت مدرسه ثانيه نفس الشي الي ترفع صوتها علي ولا اثنين يحشون فيني وصديقاتي كاني مزهريه عندهم مايعطوني وجه ومره غبت اسبوع مريضه ماسالو عني انا الحمدلله مو بشعه جميله وانيقه واحصل مدح من كل الناس وانا متاكده ان العيب فيني مو منهم احس ان كل شي يصير معاي بسبب فهاوتي والبرود الي فيني وهدوئي وكمان احس باختناق قوي بالمدرسه وابي استفرغ وكل مااتضايق احس بشي يخنقني ليش الناس كلهم علي حتى امي واخواني كيف اطلع الشي السلبي الي فيني حتى الموت اريح من الشي الي عايشه فيه ماعد ابي افهي ابي اعيش واقعي مابي اكون مصخره يارب الاقي الحل عندكم
تكبري وتنسي المهم
انتي اعتني بدراااستك جيدا ولا تهتمي لي احد
لأن بسبب الذنوب يسكر كل شيء بوجهك ومع الاسستغفار راح تحصلي الفرج والرزق
وبالتوفيق ,,
اللي تتمسخر عليك تمسخري عليها عشان توقفينها عند حدها
مو تسكتين وتبكين
البنات يحبون البنت القويه ويمشون وراها
انتي انتبهي لدراستك
والعبي معاهم اذا لعبو
واي وحده ثقلت بالمزح معاك خاصميها بس مو بقوه
بس اعطيها نفصه عشان تعرف انها ثقلت دمها معاك
اسمعي يابنت مافكرتي ليه انتي تعيسه والكل يكرهك؟
تبين تعرفين الجواب؟
لانك عدوه نفسك وتكرهينها
في قانون فيزيائي لنيوتن يقول لكل فعل(كرهك لنفسك)رده فعل(كره ناس لك)مساويه له بالمقدار (يعني كل ماكرهتي نفسك اكثر كرهوك)
الزبده داخلك قوه جاذبيه وانتي تجذبين الاشياء سلبيه
الحل:
اول شي انوي نيه تتغيرين عشان ربك اولا ثم نفسك
ثاني شي صلي ركعتين وتوبي وانوي بدايه حياه جديده
ثالث شي خذيلك قلم وورقه واكتبي انا احب نفسي،انا احترم نفسي،انا سعيده.
3 صفات ايجابيه ردديها اول ماتصحين وقبل ماتنامين عشان يتبرمج مخك فيهم
ويكون احسن واسرع لو سجلتي صوتك وانتي تقولينهم وتسمعينهم وانتي نايمه
لان عقلك يحفظ ويبرمج كل شي اسرع بهذا الوقت.
والقران يقوي شخصيه
والصلاه بخشوع
وقبل ماتنامين او اذا حسيتي بضيقه افرشي سجادتك واسجدي لين تختفي ضيقه
لان الارض تسحب الطاقه السلبيه وتعطيك طاقه ايجابيه
مشكلتك انك مشبعه بسلبيات واوهام وكره لذات
كلما حبيتي نفسك كلما كنتي اسعد