كيكة الجزر بصوص الفروستنج (عمايل ايديا )…
* المقادير :
100 جرام زبدة غير مملحة
1 كوب دقيق ذاتي التخمير (اسهل واحسن ) او 1 كوب طحين عادي ونص ملعقة صغيرة بيكنج باودر
400 جرام جزر مبشور (يعني جزرتين كبار ووحدة متوسطة ))
4 بيضات
1 علبة حليب نستله المكثف المحلى
1 ملعقة صغيرة قرفة مطحونه (نسميها دارسين )
كوب من الجوز المجروش ( مطحون نص طحنة او مجروش )
1 ملعقة صغيرة روح الفانيلا
* مقادير صوص الفروستنج :
1 علبة جبنة فيلادلفيا الصغيرة
نصف ملعقة صغيرة فانيلا
ربع كوب ماء
1 ملعقة طعام سكر مطحون
* الطريقة :
نذوب الزبدة على نار هاديه عشان ما تحترق ونضيف عليها الجزر المبشور ،، نحمسهم شوي ونضيف حليب نستله المكثف المحلى ونستمر في التحريك الى ان يتغير لون الخليط شوي .. نرفعه من على النار ونخليه يبرد.
في وعاء العجن نخفق البيض ونضيف الفانيلا .. وبالتدريج نحط الطحين .. والقرفة .. ونخفقهم عدل لحد ما يتكون عدنا خليط متجانس ..
وبعدين نضيف عليهم خليط الجزر ونخفقه عدل عدل .. اخر شي نحط الجوز المبشور ونخلطه عدل بملعقه خشبية . نصب الخليط في قالب الخبز بعد ما نرش فيه الزيت والطحين عشان ما تلصق فيه الكيكة بعد ما تستوي .. وندخله الفرن بس ما يكون الفرن حار واااييد عشان ما تحترق الكيكة ..
الصوص :
في خلاط العصير نخلط الجبنة والفانيلا والماي والسكر المطحون .. لحد ما يتكون عندنا صوص ثقيل شوي ..
ولما تستوي الكيكة نقلبها على شبك ونتركها تبرد شوي وبعدين نصب عليها الصوص ..
وبألف مليوووووووووووون عافية .. وهذي صورة كيكتي اللذيذة … صورتها قبل الهجوم ..
سلمت يداك
تستاهلي احلى تقييم 🙂
ماننحرم جديدك
تقبلي مروري
وبنتظارالجديد
………