السلام عليكم ورحمة الله وبركاته
اول شي الي دعاني اكتب هالموضوع لاني شفت بنات كثير مايعرفون كيفية الاهتمام بالمنطقة الحساسه ونظافتها ..
فلخصت مجموعة نصايح مهمه تهم كل بنت ومتزوجه :
1- تنشيف المنطقه بعد كل حمام – الله يكرمكم – لان الرطوبه مكان مناسب لنمو الفطريات … ويكون التنشيف من الامام الى الخلف وليس العكس _ عشان ماتنتقل البكتيريا .
2- – ضرورة تغيير الملابس الداخليه على الاقل مرتين او ثلات مرات باليوم _ وان تكون قطنيه 100 % عشان تمتص العرق وتكون مريحه – موضيقه – عشان تتهواء المنطقه .
3- ازالة الشعر من المنطقه باستمــــــرار – وخصوصا – بعد الدورة الشهرية ………. لان البكتيريا تعلق في الشعر وخصوصا ان المنطقه مكتومه فتؤدي الى الالتهابات .
4- ابدا ابدا لاتفكررررررررين تستخدمين الصاااااااابون لهالمنطقه لانه ضاااااااااااااار
وبتقولين ليه ؟؟ انا اقولك ليه …….. لان المنطقه هذي فيها نوعين من البكتيريا .. نافعه – وضاره
والصابون يقتل البكتيريا النافعه من المنطقه الي المفروض تكون متواجده اساسا … وبذالك الصابون العادي يسبب لك التهااااااااااابات وجفاف فضيع ومقرف للمنطقه …انتبهي .
5- استخدام الغسول النسائي او غسول الماي والملح … لتعقيم المنطقه وتنظيفها وقتل البكتيريا الضاره والتقليل من الافرازات .
وافضل الغسولات الطبيه – عن تجربه – كيرفري وسيباميد ( ومتوفره بكل الصيدليات والسوبرماركات )
وتنفع للبنات والمتزوجات آمنه ومامنها ضرر . وتستخدم مره باليوم .
6-ترطيب المنطقه بأي كريم مرطب أو بيبي اويل جونسون – لان السواد يأتي نتيجة الجفاف
7-الي تعاني من السواد انصحها بلبس الشورتات القطنيه وخصوصا الي عند نعومي ممتازه ومريحه
9- استخدام الفوط الصحية القطنيه وقت الدورة _ حطوا تحت قطنية خطين _ لان الالويز يجيب الحساسية .
منقول
لا خلا ولاعدم