كيف تحتفلين بعيد زواجك الاول 2024.

لسلام عليكم ورحمة الله وبركاته
اليوم راح اقول لكم فكرة حلوة تطبقونها في عيد زواجكم الأول
قبل يومين تحضرين كل شي يخص هذه اليلة مثل تشترين قميص نوم جذاب واذا ما تقدري البسي قميص النوم الي اول مرة يشوفك فيها (قميص ليلة الدخلة ) ، اشتري شموع وكمان الفواحة حقت بدي شوب واختاري العطر المناسب وحضري كيكة مكتوب عليها عبارة بخاطرك مثلا (انت الحب كلة ، الله لا يحرمني منك ، احلى سنة بحياتي ،…..)، لا تنسي تشتري هدية له الي في بالك وكتبي على البطاقة عبارات حلوة
(اذا ربي رزقكم طفل من اول سنة عطية لأمك او لأي احد تثقين فية ينام الليلة عنده)
هنا يبدأ الشغل ……
اتصلي علية قوليلة لا تجي البيت الإ اساعة 11 مثلا عشان تحضري احلى عشا بالأكلات الي يحبها
البسي فستان ناعم مو قميص نوم فستان قصير يبين انوثتك وياريت يكون ما شافة عليكي ، ولعي الشموع قبل ما يجي بخمس دقايق ادخلي غرفت النوم وحضري لة بجامة ولا شورت اي شي تحبي تشوفينة فيه وحطيها على السرير ،ورشي بعض الورد على السرير، طبعاً تكوني مشغلة الفواحة في غرفة النوم عشان تكون ريحة الغرفة حلوة ولا تنسي تخلي اضاءة الغرفة خافتة كنوع من الجو الرمنسي ، الهدية خبيها ولا تطلعينها الحين .
جات الساعة 11
ودق الجرس يكون البيت كلة طافي مافي غير إضاءة الشموع ، دخل وانتي خلف الباب امسكي ايدة واحضنية وبوسية وقولي له اليوم انت فاضي لي انا وبس وامسكي الجوال واطفية واذاسألك ليش مطفية النور قوليلة نورك يكفيني وخذية وقوليلة كلام حلو الين ما يوصل لغرفة النوم افتحي الباب هو راح يشوف الجو الي انتي مسويتة ويعرف انك مسويتله ليلة وراح يتذكر هو اليوم ايش الين يتذكر عيد زواجكم ، امسكي ايده وقوليلة الحمام جاهز خذلك دش وهذه البجامه على السرير ابي اشوفك لابستها مشتهيتها عليك ، بهذا الوقت روحي حظري العشا على طاولة الأكل ، وما اوصيك هالله هالله بالترتيب والشموع ، خلص ترويشة راح يدور عليك يلاقيكي قاعده على الطاولة تستنية طبعنا راح يكون ميت من الجوع اقعدي اكلية بأيدك ودلعية وقوليلة البجامه روعة عليك ، بعدها قوليلة روح الصالة قابل التلفزيون دقيقتين اسويلك الشاي ، جيبي الشاي والكيك ويوم يشوفك ايش كاتبة على الكيكة قوليلة كل سنة وانت حياتي وقوليلة ان اليوم عيد زواجنا وبوسية وروحي على طول على غرفة النوم ، وحاولي لا تخلية يلحقك عشان تلبسي القميص وتتشيكي وتطلعي كشخة وتعطري بالعطر الي يحبة (وانصحك خلي لكي عطر بس له هو وقت النوم وخلية هو يختارة ولا تغيره عشان يعرف ريحتك ويعرف انك مشتهيتة)،

راح اسويها لاني ولا مره سويت احتفال بيوم الزواج

بعتبار ان لي 9 شهور من الزواج