السلام عليكم**
للحكيمات وللحريم الذكيات صاحبات الخبره فقط !!
متزوجه من سنة ونص وعندي طفل ولدته بقيصريه**
حياتي كانت تمام كلها حب وتفاهم وكنت عاقله ومحترمه**
اللي صار بعد الولاده بست شهور حملت وسبحان الله المقدر كيف حملت ؟
انهرت**
انهرت**
انهرت فوق التصور
بعد شهرين تقبلت الموضوع الحمد لله وحمدت ربي .
لكن حياتي مع زوجي وهي سبب كتابتي لهذه المشكله تغيرت .
يعني انا محتاره تصرفاتي صارت ابعد ما تكون عن العقل اشتكي كثير واقارن كثير واغار اكثر**
اعترف اني صرت حساسه جدا جدا واتخاصم معاه ع اتفه شي**
انقهر انه يخبي عني بعض الاحيان
دايم عشان يغيضني يمدح اخته**
جاب لاخته هديه ذهب وانا والله ما يفكر يجيبلي ولما زعلت قالي انتي لك قلبي ما يكفيك .
طفشت من الكلام والان خلافاتنا كثيره وع ادنى شي لدرجه قالي احنا انتهينا ؟!
انا ساكنه في مدينه بعيد عن اهلي واجي كل اربعاء وارجع الجمعه**
الاسبوع هذا ما رحت معاه وهو ما حاول حتى !!!
انا ابغى افهم كيف هو حب الرجل ؟
اش طبيعة حبه لزوجته ؟
يقولي والله احبك لكن تصرفاته عكس**
ما يمشيني
ما يهديني
ما يمدحني
انا ما ادري اذا احبه او لا احس بقهر وودي ابكي**
ف اسبوع الاجازه تركني عند اهلي وهو عند اهله الناس سافرت او ع الاقل تتطلع تتمشى وانا مركونه في بيت اهلي بدون اتصال حتى !
ما العمل
ما الحكمه
كيف احسن من وضعنا المتشنج**
عمري 23 وعمره 26**
الله يصلح احوالكم
ان شاء الله المتزوجات يفيدونك
حبيت ارفع الموضوع ..
…
قرررررربي اجلسي جنبي .. اذكري الله
اسمعي وانا اختك .. طبيعي اللي يصير ماعتبره مشكله ..
اولا توكم صغار …بيكبر ويتعلم من تجاربه …
المهم انتي تكبريم عقلك دائما … ماشالله عمره 26 .. وعنده انتي وطفلين ..
شيء حلو على شخص في عمره …وهذا حمل عليه لو ماشكى ..
تعامله معاك طيب .. وهذا من حبه لك …
شجعيه على حب اهله .. تكسبين قلبه .. وهذا اقرب طريق لقلبه .. اذا تبين تكسبينه ..لاتبينين غيرتك منهم ..
لانه لاساس لها
… بادري له بهديه تخليه يخجل منك … خليك ذكيه وتوصلين له شعورك بادب وحب..
دائما الرجل مايجي معاك الا بالحب والحنان والكلمه اللينه …. مايحب فرض السلطه عليه ..
بالنسبه مايحسسك بحبه مايحكي …
فيه رجال مايعرف يحكي كلام حلو ويكتفي بتصرفاته .. باعماقه يحبك… لكن مايعرف يقول احبك..
حياتك الان رائعه .. ليه تخربينها بالغيره .. وشكك بعدم حبه لانه مايحكي ..
اهتمي بنفسك ولبسك وزينتك .. وابنتيك ولبسهم وريحتهم .. وبيتك بخريه دائما .. قبل حضوره ..
يرتاح نفسيا لبيته …
ادخلي تغيرات على نفسك … على بيتك …غيري مكان الاثاث .. من باب التجديد …
لاتهملين فيه باكله .. بلبسه .. فهو كالطفل يحب الاهتمام به ..
اعطيه حقوقه حتى لو ماطلبها …
هيأي له اجواء .. بعد نوم بناتك .. اجلسي بحضنه .. نامي على رجله …
تقربي منه .. وقربي بنفسك نفسك اليه ..عند اهلك مايتواصل معاك ارسلي راساله .. ماوحشتك … انتي تواصلي معاه لكن بثقل ..انتظريه يرد عليك قبل ان ترسلي الثانيه
خليك دائما الزوجه الحنون البشوش قليلة التذمر الواصله باهله تكسبين قلبه ..
اختك شماليه كفوو ..
المهم اييه يبي اهتمام بعيد عن السؤال
مفتاح سعادتك بايدك وعرفتي من وين تجينه من اهللللله واضح يحب اخته احبيها كما يحبها وتشوفي انك تكبري بعينه ويعطيك الي تبين من دون ان تاشري عليه
موووفقه
لا إاله إلا الله
وكلامك عجبنى موووووووووووت
أختك نورهان من مصر
"شماليه"
باستحي أعلق فيه
ماشاء الله بتكفي وتوفي
أختي صاحبة المشكلة أسأل الله أن يؤلف بين قلبك وقلب زوجك ويصلح ذات بينكم