صباح….مساء الخير صبايا كيفكم جميعا…
اليوم موضوعي راح يكون طريقة عمل المعمول والكعك عطريقتي طبعا
احنادائما المعروف عنا واعتقد عند الجميع انه بعيد رمضان وعيد الاضحى
منعمل فيهم كعك ومعمول ضيافة العيد ..اكيد مع الشوكولا
والقهوه الساده …
وبما انه السنه هي فقدنا عزيزين كتير غالين عقلوبنا
حماتي وطارق الله يرحمهم
حماتي قبل عيد رمضان بشهرين وطارق قبل عيد الاضحي
بايام قليله اكيد ما كان النا نفس نعمل كعك ومعمول
وضيافة العيد الشوكولا …حتى انه ما عيدنا زي الناس
ما كان النا نفس وكانت الضيافه تمر وقهوه ساده…
وحبيت انا اعمل من يومين كعك ومعمول وافرقه
عن ارواحهم للاهل والاحباب …
وعملت وطلعوا طيبين كتير وسويته على نية اني افرقه
وفعلا الحمدله فرقته عن روح سيدنا
محمد صلى الله عليه وسلم
عن ارواحهم وارواح المسلمين جميعا
وهي العباره اللي بقولها وانا بجهز الخلطه لما انوي تفريقه
عن روح اي احد …
من اهل الدنيا لاهل الدار الاخره عن روح سيدنا محمد
عليه الصلاة والسلام وعن روح فلان ابن فلان
واقرء الفاتحه وان شاءالله توصلهم يارب عفكره انا بس
اعمل عن روح ابني كمان نفس الشي وصدقوني
بحلم بابني بفرق معي كمان وياكل منه
هذا بدل عن انه الصدقه ان شاءالله توصل ….
اعذروني طولت عليكم …..
اكيد كلكم تعرفوا طريقة الكعك والمعمول …وطريقتي هيه..
المكونات
سميد ناعم رطلين سمنه علبه كامله استعملت سمنة البلقاء
نكهتها حلوه كتير بالكعك وزبده تركيه 2كيلو ومسكه
ومحلب وحواجة الكعك وعجوه مطحونه وفستق حلبي
وقطر وسكر ناعم ..خميره للعجن وحليب
الطريقه….
اولاشيء بدوب الزبده والسمنه وبديرها بس تسخن على
السميد وبطحن المسكه والمحلب مع بعض وبضيفهم
ايضا عالسميد وبعدين بفركهم بايدي مع بعض بطريقة
البس ببسهم كويس كتير وبتركهم يوم او اكتر حتى يتشرب
السميد السمنه والزبده …
وبس ابلش اعمل فيهم باخد كميات قليله وبعجنها بالخميره
والحليب شوي شوي وبتركها تخمر العجوه بضيف لعجنتها
حواجة الكعك اما الفستق حلبي ما بضيف شي اله
طبعا انا بكون خالطه العجوه مع حواجة الكعك وزيت زيتون
وجوزة الطيب وقرفه وبكورها بشكل دوائر عشان تسهل الحشي
والفستق حلبي بطحنه وبنقعه بالقطر وبضيف عليه ماء الزهر
وبصفيه بعد فتره بتركه بالقطر فتره كبيره
وببلش احشي فيهم وبصفهم بصدر بعد حشيهم
وبعدين ببلش بس ينشفوا شوي احط الفستق الحلبي
بقالب صغير …والعجوه بحب انقشها بملقط كلها بايدي
وبعدين بصفهم بالصواني وبتركهم يتحمروا
على نهار هاديه بالفرن وبس يبلشوا يسير لونهم شوي
ذهبي بطلعهم وبصفهم بصينيه كبيره وبدير عليهم
السكر الناعم وطلعوا كتير طيبين وصحه وهنا على قلوب
اللي اكلوا وعلى قلوبكم ياريتكم قراب مني كان طعميتكم كلكم
امانه عليكم اذا عجبكم الموضوع تدعوا لحماتي الغاليه
وطارق بالرحمه وتقرئوا الفاتحه عن روحهم واروح المسلمين
وتعالوا اورجيكم الصور وان شاءالله يعجبوكم كعكاتي ومعمولاتي
معمول قمة
عجبتني الحشوة هههه قصدي العجوة الي ابلفسدق
شكلها تحفة
الله يرحم موتاكم حبيبتي و موتى كل المسلمين
الصراحة زعلانة انا و غرت اهئ اهئ يعني اشتقنا لمواضيعك و هربت للحصري
يا الله نزلي توامتها لقسمنا حتى تزين بكل ما هو حلو هههههههه
الله يرحم موتاكم وموتى المسلمين
المقدمة كانت كثير حزينة
بس لما جاء وقت الصور
يم يم ماااااحد يقدر يقاوم
عاد أنا باية من المكسراااااااااات
مره أحب المكسرات
يسلمو أختي ع طريقة العمل
مجهود واضح من الصور
تقبلي مروري غاليتي
نفس طريقتي تقريبا يسلموا ايديكي وعجبني كثير شكل القالب خشب ولا بلاستيك بس 
انا بقول انك ست بيت محترفه 
ويرحم والديني اللهم امييييييييين
تسلم يدينك ميسسسسسون حبيبتي
|
المشاركة الأصلية كتبت بواسطة مريومة 28
 ما شاء الله يا ميسونتي
معمول قمة عجبتني الحشوة هههه قصدي العجوة الي ابلفسدق شكلها تحفة الله يرحم موتاكم حبيبتي و موتى كل المسلمين |
مريومتي حبيبتي تسلميلي يارب
بس اناى عرفت انه بعد المسابقه بوزعوا كل موضوع لقسمه
عشان هيك ما نزلتها عندكم بس استني شوي علي بدي انزل
طريقه جديده كعك وطيبه والله مصوره شغلات كتير بس بسبب ضيق الوقت ما عم اقدر انزل
تسلميلي عمرورك الرائع 
|
المشاركة الأصلية كتبت بواسطة رضى ربي رسالتي !!
هلا أختي ميسون
الله يرحم موتاكم وموتى المسلمين المقدمة كانت كثير حزينة بس لما جاء وقت الصور يم يم ماااااحد يقدر يقاوم عاد أنا باية من المكسراااااااااات مره أحب المكسرات يسلمو أختي ع طريقة العمل مجهود واضح من الصور تقبلي مروري غاليتي |
الله يسلمك حبيبتي بيشرفني مرورك
ياريت اقدر اقدملك حبيبتي
تسلمي عالمرور الرائع
|
المشاركة الأصلية كتبت بواسطة يمامة القدس
الله يرحمهم و يجعل مثواهم الجنه
نفس طريقتي تقريبا يسلموا ايديكي وعجبني كثير شكل القالب خشب ولا بلاستيك بس |
تسلمي حبيبتي عمرورك وشكرا وشكرا الك يا قلبي
القالب بلاستيك راح اصوره واضيفه نسيت اصور القوالب
وهذا كله من زوقك