أخواتي العزيزات هذه قصه حقيقيه وقعت مع عمي و زوجته انا حبيت اقولها لكم ليس من باب التسليه والله بس من باب الاستفاده
ان لله وان اليه راجعون
<<والله متقطع قلبي كأي زوجه حاسه في مرت عمي
اعذروني على اسلوب الكتابه انشالله انها واضحه
ما أطول عليكم
شخصيات القصه:
عمي <<الخاين عمره 48 لديه 5 أطفال وشكله مو ذاك الزود وحول
مرت عمي<<المظلومه35 حلوه وبيضه ورويانه بس قصيره شوي
أنا <<الفزعه دايم الاقي نفسي وسط المشاكل العائليه
أخوي <<الشهم عمره 23 طالب كلية الحاسب
======
كنت منومه مع ولدي في المستشفى لأنه طالع له خراج عمره سنه ونص عين ماصلت على النبي
الوقت المغرب وقت الزياره واهلي توهم ما جو بس زوجي عندي
جاني اتصال من مرت عمي
الو هلا عمتي
تعالي بسرعه<<صوتها تبكي
أنا:وش فيه سلامات
مرت عمي:انا في الشارع لاتتأخرين<ماتدري اني في المستشفى
انا:طيب طيب
اتصلت على اخوي
أنا:الو روح لعمتي برى في الشارع
اخوي:افاااا سلامات
انا:بعدين أسأل رووح صوتها تبكي
اخوي:طيب طيب انا قريب منهم وين اوديها
انا:جيبها عندي
اخوي:في المستشفى؟؟
انا:اي عادي بسرعه
اخوي:طيب
======
قلبي يدق ومستغربه وش اللي صاير ياربي ان لله وان اليه راجعون وقلت لزوجي معليش حبيبي انت روح الحين بتجي زوجة عمي وأبيها تاخذ راحتها لان شكلها متمشكله مع عمي وتبكي والوضع ما ادري كيف قايل
قال زوجي اوكي واذا نقصك شي اتصلي قلت له لاتخاف اخوي بيجي وحب ولده وطلع
======
أنا جالسه مره أطقطق أصابعي ومره أكل اظافري واتصل على اخوي قال قريب
======
جت مرت عمي تخيلوا يابنااااات شكلهااااا
قسم بالله اني اكتب وتذكرت شكلها دمعت عيني
في لبس البيت وعيونها منفخه بكاء وخدها مورم من الكف وكتفها اخضر من العقال
اااااااااااااااااااااه ياقلبي
سألتها أنا :وأنا أرتجف وش فيك؟؟
قالت: لي كيف ولدك والله اني مادريت انك في المستشفى
قلت لها: امس تنومت ماعليه هو بخير خلينا من هذا الموضوع
قالت: عمك <<وبكت
حضنتها قلت لها: اعتبريني اختك الصغيره وش فيك ارجوك ماراح يطلع شي بس قولي لي
قالت :الا بيطلع انا بأعلم النااااس كلهم عنه الحقير الحيوان
قلت: وش فيه طيب
قالت :تخيلي بعد العشره هذي كلها يخوني مع وحده واطيه<<13 سنه زواج
ان لله وان اليه راجعون: ياعمه يمكن انتي ظالمته
لا انا متأكده وأول ما شكيت فيه راقبته
طيب وش صار اللحين؟
قالت:رن جواله راح حطه على الصامت وشكل وجهه تغير وبعدين قال بأروح اكلم جارنا عشان نتفق على فاتورة المويه قلت له اوكي روح اخذ جواله وراح وشفته من الدريشه وهو يتمشى في الشارع ويكلم جوال قبل هاليوم في رقم رسل له رساله غزل فاحش ولقطت الرقم لان قلبي كان ناغزني تذكرت الشي هذا ورحت اتصلت على الرقم اللي كان راسل رساله امس لقيته انتظار
وعمك انتظار ايضا
قعدت اطبخ والله نص ساعه او اربعين دقيقه وهو يكلم
المهم دخل عمك وسألته ليه تأخرت قال أسولف مع جارنا عن العمل
قلت له طيب حط جواله وراح الحمام
رحت على سرعه وفتحت الاتصالات مسح المكالمات اتصلت على الرقم اللي رسل الرساله ردت حرمه بصوت ناعم ودلللللللللللللللع هاه قلبي نسيت شي
والله ثم والله اني بغى يغمى علي من رفع الضغط قلت انت وش تبين من زوجي ياحيوانه قالت هو اللي يتصل روحي شوفي زوجك ليش يدور غيرك ياناقصه اكيد ان كلك عيوب<<وقحه لابعد حد في الدنيا
عمتي تقول للحرمه انت تدرين انه متزوج من 13 سنه وعنده 5 عيال وحول اصلا وكل شعره شيب وش تبين فيه ولاتحبين تخربين البيوت يا وقحه؟
سكرت في وجهها
طلع عمي من الحمام قعد على الكنب وجت مرت عمي وهي فااااااااااااااااااااير دمها
انا وش نقصت عليك عشان تخوني
عمي ايش؟؟ وش قاعده تخربطين؟؟
عيال وجبت لك عيال
تزين وتزينت
بيت ورتبت
وفقر وصبرت
وذهب بعت
ثقه و وثقت فيك خليتك تسافر برى مع اخوك
خليتك تطلع لبعد نص الليل مع اصحابك
عشان ماتقول حابستني
عشان تنبسط
وش تبي اكثر من كذا
واعطت عمي كف على وجهه بأقوى ما الله اعطاها من قوه
وقالت له انا كلمت الحرمه وعلمتني بكللللل شي ياقذر ياحقير يا اخس الرجال ياتراب الرجال لو رحت تزوجت علي اهون من انك تخون
ماتخاف عندك بنات ربي بكره يبلاك فيهم تف عليك
قام عمي وتكلم عليها وطقها طق الله لايوريكم بيده والعقال<< كذا الرجال اذا كشفته الحرمه يصير وقح
اخذت مرت عمي العبايه وجوالها وبطاقة العايله وطلعت واتصلت فيني
======
أنا متنومه مع ولدي في المستشفى اللي اشتغل فيه لذا اعطوني غرفه خاصه فيها سرير لي وسرير لطفل وسرير مرافقvip
قلت لها طيب وش تبين تسوين اللحين؟؟
قالت والله ما ارجع له ابي اروح عند اهلي<<اهلها في مكه
======
قلت لها :ارتاحي عندي اليوم ونسيني وبكره وخير
جتها اتصالات من اهلها من مكه امها تبكي درت بالموضوع
وتسألها وين هي الان وقالت لها انها عندي
وكلمت امها اطمنها انها عندي لاتخاف
لان امها منهاره جدا وحرمه كبيره
وخليت ولدي نايم ودخلتها الحمام واعطيتها من ملابسي اللي مالبستها وشامبو وخليتها تستحم
وطلبت من الممرضه مسكن الام ومرهم و وجبة عشاء اضافيه وجلست قسم بالله ابكي اكثر منها حتى انها زعلت وقالت :لو ادري انك كذا ماجيت عندك قلت لها: لا والله عادي ولو رحتي عند غيري كان زعلت منك
أنا أبكي من التعب والسهر مع ولدي مرررره ما أنام وأبكي من الحزن على الالم اللي صار لولدي لان العمليه تخدير موضعي يعني الكبير مايتحمل وابكي عشان مرت عمي والضرب اللي فيها وابكي متخيله كيف بنات الحرام قلوبهم تقوى على خراب البيوت وابكي على عمي مصدومه منه مرررره ماتوقعت منه ابدا وابكي متخله لو انا في مكانها وش كان احساسي كللللللللللل هموم وحزن الدنيا تجمعت علي وما تعشينا مالنا خاطر ومرت عمي بعد المسكن مسكينه راحت في نومه عميييييييييقه ولاحست بالي داخل او طالع ومنعت اهلي من زيارتي قلت لهم اني باطلع وخبرت اخوي لايقول لاحد ولايجيب اهلي ابدا ما ودي لو اقرب القريب يشوفها بالحاله هذه
نمت تقريبا 3 ساعات بعدها قمت لان موعد الدواء والغيار ااااااه يا تعب اجتمعت تعب نفسي وتعب جسدي انا خلااااااص دمار
قامت مرت عمي وحلفت عليها لو ماتفطر بازعل عليها كانت الساعه 8 صباحا وفطرنا وبدأ مرور الدكاتره وبعد ماطمني على ولدي وقال يحتاج مضاد حيوي ومسكن وغيار
قلت: لدكتور بأطلع على مسؤليتي
قال الدكتور: الجلوس افضل نعطيه المضاد الحيوي عن طريق الوريد
قلت
لا مايحتاج ياخذ شراب وانا مجالي طبي اعرف اعتني فيه بس طلبت اجازة مرافقه منزليه و وافق عليها الدكتور اتصلت في اخوي وقلت له: يجي ياخذنا<<طلعت عشان مرت عمي والله
رحنا البيت وجهزت لها قاطع وضيفتها وقلت لها ارتاحي ولاتفكرين في اي قرار الا لمن تكونين هاديه وتعوذي من الشيطان انتي عندك عيال فكري فيهم
من لهم بعد الله غيرك
قالت مرت عمي: هم عند ابوهم يروح يشوف اي وحده من اللي يعرفهم تنتبه لهم
انا راح اتطلق ما راح ارجع يبيني شغاله له ولعياله
شوفي يديني حتى دبلتي بعتها عشان اساعده وهو ياخذ الفلوس ويعطيها بنات الشوارع لا لا لا والله ما ارجع له
قلت لها: طيب اللحين وش تامرين فيه
قالت :احجزوا لي طايره ابي اروح لاهلي قلت لها لوحدك قالت عادي اهلي بيلتقوني واذا ماتبين تساعديني خلاص انا بأطلع ادور اللي يساعدني
قلت لها: لاتقولين كذا ابشري انا وعدت امك انك تكونين عندي وانتبه لك
اتصلت في اخوي وقلت له: احجز تذكره الى مكه باسرع مايمكن الان
قال ليه؟؟؟
قلت: انت سو كذا وبتعرف
قال: انشالله
طلعت الرحله الساعه اربع العصر يعني بعد ساعتين المهم اكدنا الرحله وخليتها تروح مع اخوي للمطار وانا في البيت مع ولدي لانه مايقدر يتحرك متألم مررررره
وكل ربع ساعه اتصل
عموما وصلها اخوي وانتظرها لين شافها دخلت من باب الطايره
<<مسكينه بدون شنطه وبدون زوج وبدون عيال شايله جروحها بروحها
ياااااارب لاتخلي اي مسلمه تمر بكذا يااااارب احفظ بيوتنا وابعد عننا عيال الحرام
ورجع حزييييييييييييييييين
قال اخوي مرت عمي حكت لي كل السالفه
قلت له: هذي الدنيا كذا
عموما انت ما قصرت الله يعطيك العافيه روح شوف شغلك انا بأنام
قال :اذا وصلت واتصلت فيك طمنيني عليها
قلت :له ابشر الله يجزاك خير
وطلع اخوي وهو منزل راسه ومكتئب اول مره اشوفه كذا
======
اتصلت مرت عمي وهي في السياره مع اهلها طمنتني عليها وكلمتني امها وشكروني وتدعي لي
قلت :والله عيب مايحتاج هذا الكلام لو وحده ما اعرفها اسوي كذا معها واكثر كيف مرت عمي
======
كلمت اخوي وطمنته وسكرت منه وانا منهكه ونمت
======
وش رايكم بأمانه لو انتي مكانها الله لايقدر يارب لا عليك ولاعلي ولاعلى اي مسلمه
ترجع لعمي ولا تتطلق
ارجـــــــــــــــــو الرد والاحساس بما عانته المسكينه
بس برأيي ترجع وماتاخليلو الجو ابدا
تقعد ببيتها معززه ومكرمه وخلي يصرف على البيت كانه بنك
مو اكتر بعدين رح يرجع يعرف غلطه صدقيني روح يبوس ايديها
ورجليها مشان ترضى عليه
انتي ما بتعرفي بنات الحرام بسوو اكتر من هيك المهم تلقلها رجال
الله يهدي البال ويصلح الاحوال
مع الآسف من القصة مرت عمك غلطت بأنها مدت يدها عليه لأنه مهما كان الرجل عنده كرامه
وغلطت لما تجسست عليه .. وغلطت لما تركت عيالها لواحد تظن فيه مثل هالظنون
لا حول ولا قوة الا بالله
الله يعين على هذي الدنيا وبلاويها
تسلمين اختي واقول الله يفرج همها ويخفف عنها يا رب
وكون عمك حول فأكيد أنه ما صار حول بين يوم وليلة وهي تعرف من اول ما تزوجته وموافقه عليه
الك الله يهون عليها إنشاء الله
ويجزاك ألف خير
اذا اعيالي صغار السن رجعت وما اعطيه وجه ..واذا هم كبار يقدروا يتحملوا : تركته وما رجعت ..بصراحة ما اقدر اعيش معه ..ولانه لو كنت انا مكانه فهل هو سيغفر لي ؟ بالتاكيد لا ..