السلام عليكم ورحمه الله وبركاته
انا لما تزوجت اول مره اشوف زوجي كانت يوم العرس لدرجه اني دايما اقول لما طلعت من بيت ابوي ليله العرس اي واحد يفتح باب سيارته بركب معه احسبه زوجي
المهم انا ابوي شديد كان ممنوع زيارة الصديقات مكالمات التليفون مشاهدت التلفزيون حتى القيلوله ممنوع
بعد اسبوع من زواجي كنت رايحه بيت ابوي كان باقي على امتحانات الكليه اسبوع
ركزو معاي ابوي كان جالس وانا وزوجي اقوم انا بكل برائه واقول لابوي ابوي بطلبك طلب لاتردني ابي اروح لبيت صديقتي نبي نخطط مع بعض الكتب واخذ المحذوف الله يخليك ابوي لاتردني ولف على زوجي واقوله يله ساعدني خلينا نقنع ابوي يوافق (ولله دلخه)
وطبعا ابوي وافق(له عين بعد يرفض) لانه ماله سلطه علي انا الخبله للحين مو متعوده على اني متزوجه ومفروض استئذن من زوجي الي يضحك اركب السياره مع زوجي واقوله وانا مبسوطه ماني مصدقه ابوي وافق دايم اول يقول لا تتوقع ايش الي غيره(تتوقعين ايش يعني)
يلف علي زوجي ومايرد وانا من الوناسه مانتبهت انه زعلان
لما جى الليل ورحت بيت صديقتي في وسط الوناسه يدق بو الشباب يهزئني ومعصب وان المفروض استئذن منه مو من ابوي ولما قلت لصحباتي عن السالفه تسدحو قدامي من الضحك
والله ضحكتيني مشكوره
الحمدلله ماخذتي اذنه كمان لما خرجتي مع زوجك من بيت اهلك
تحيتي لك
موتيني من الضحك الله يرزقك الجنه