السلام عليكم ورحمة الرب العظيم …أخواتي احبكن في الله واحبها في الله أختي الوحيده قصتها تقطع القلب ماأطول عليكم تطلقت امها يوم جابتها وهي الوحيده عليها من بين اولاد وتربت في منزل جدانها وتوفى ابو امها وبعد ماكبرت البنت وصارت تفهم جاءت عمة امها وحماها الولي عليهم وطردوا امها من البيت يلي هي واعيالها ساكنين فيه ومرت السنين وكبرت البنت واخوانها وتوضفوا اخوانها والبنت صارت خريجة بكالوريوس وجالها تعيين لكن صار فيه واسطات وطبعا راح عليها التعيين وخطب فيها ولد خالها وتزوجت وهينا المصيبه الاعظم تفاجاءت في خوالها يلي كانوا يظهرون حبهم لها ولكن للاسف انصدمت فيهم صدمة العمر ماكانوا مزوجينها ولدهم عشان سواد عيونها لا (البنت كانت شاطره في شغل البيت وفي حياتها رغم كل الي صارلها لكنها مانهارت في يوم من الايام ) وتفاجاءت في بنت خالها حماتها تقولها احنا زوجناك اخونا عشان شغلك وامه تقول انك تحرشين ولدي علي وهي ماعندها هالسوالف وصبرت واسكتت وجاء يوم وقالت لها ام زوجها لو ادري ما زوجتك ولدي والمشكله قالته مرتين قدام زوجها ومرتين قدام ولدها زوج البنت مادافع عنها لاهو ولا خالها واتهموها بسرقة جوال بنتهم ومع الايام قال زوج البنت انه بيرجع زوجته الاولى يلي كان مطلقها وكان هذا بعد سته اشهر من زواجها ورجع زوجته بعد سنه يعني البنت صار لها سنه وحده من زواجها وراحت عند اهلها وقالت بارجع لكن شرطي بيت مستقل لانه بعد مارجع زوجته الاولى حطها في غرفت عفشها والباب بالباب ورفض وياليته جاءهم يكلم اخوانها لا ارسل ولد عمه عشان يكلمها لكن رفضت وحبت تحط حد للعالم التعبانه وتعب ابوها وتوفى وبعد وفات ابوها طلقها زوجها على طول وهي الآن عند امها يلي تعبانه وآخر مره شفتها كانت تقول انها يمكن تكمل دراست عليا لكن والله انها تعاني من حياتها مع انها ماينقصها شيء لكن مارتاحت في دنياها ودائما تقول اتمنى اني اخسر الدنيا ويكون لي اخت تحس فيني وااتمنى يابنات انكم تدعون لها فهي بحاجه للدعاء والله العظيم اني لم اكذب في اي حرف كتبته لكم فهي صديقتي والله اني اكتب قصتها ودموعي 
على خدودي الله يجبر بخاطرها ياحي ياقيوم