السلا عليكم ورحمة الله وبركاته
اخواتي العضوات العزيزات احب اقولكم عن قصتي مع زوجي
انا تزوجته غصب عني لانه ولد عمتي اصر ابوي عليه وزوجوني له وانا كارهته اشوف العما ولا اشوفه كانت ايام العسل اشقا ايام شفتها في حياتي
هوشه وصياح ليل ونهار هو يبي يمين انا ابي يسار هو يبي يسار انا ابي يمين لانه من النوع العنيد والجاف وانا يعننيي مسويه فيها رمنسيه
حسيت اني ما اقدر اتقبله كان عنيد وجاف بس كنت االمح في عيونه حنان يحاول يخفيه وطيبه مداريها
المهم مر شهر وحملت كنت كارهه هالحمل حاولت بشتى الطرق اني اطيحه
حاولت وحاولت بس كنت افشل في كل مره احاول فيها كانت (العضوه سوشي) مصممه تجي ع هالدنيا المهم ارادت الله اقوى من كل شي
مرت شهور الحمل الاولى وكانت متعبه بسبب اللي كنت اسويه
بنفسي ولما دخلت في الشهر الرابع بدت تتحرك فيني (سوشي) وصدقوني لما تحركت حسيت اني اشوفها وكنت خايفه انها تطلع مشوهه بسبب الادويه اللي كنت اتعاطاها للاجهاض
وتعبت كثير فهالحمل وكان زوجي وقتها يحاول يريحني بشتى الرق والوسائل كان يتحمل كل الاغلاط اللي اسويها
ويتغاضا عن اي اسائه ابديها له وكان حنانه حنان اب مو زوج
كان مسويني ملكه ماعلي الا اني آمر وهو يجيني يطامر هع 
ماخليت شي في السوق الا طلبته اللي ابيه واللي ما ابيه
ابيه يقولي لا عشان اهاوشه
وهو كان صابر وانشاءالله انه ماجور ع هالصبر المهم ولد بنتي بعمليه قيصريه بعد محاولات عديده للولاده الطبيعيه وهنا كانت بداية حبي له 
تدرون وش اللي خلاني احبه لما فقت من البنج وطلبت اشوف بنتي قلولي البنت في الحضانه عشان عندها ظيق تنفس
وكانت امي جالسه بجنبي سالتها عنه وقالت :خليه يابنتي يروح يرتاح
والله من وقت ما جبناكي للمستشفى وهو ماقعد ولا ارتاح
وتصدقين يبنتي يوم قررو العمليه ماوافق ورفض يوقع وقال
اخاف يصير لها شي قاله الدكتور الطفله راح تموت لانه انقطع عنها الكسجين ولا زم عمليه فورا قاله عادي تموت وتجيب غيرها بس اهي مايصير لها شي 
قالت امي لزوجي
حرام بعد تعب تسع شهور تفرطو في البنت وترى العمليه بسيطه
كثير يسووها وماصار لهم شي تقول امي وقع وقعد ع جنب يبكي ويدعي انه مايصير لي شي وقالت لي نسيت اني امك وقعدت اواسيه وحزنت عليه وماراح الا لما طلعوكي من العمليات وشافك وتطمن عليك
وتطمن ع البنت وانا اللي قلتله واصريت عليه انه يروح للبيت يرتاح
لانه حيل تعبان
هل في انسان يحبك لهادرجه وتفرطين فيه 
بالرغم من مرور 18 سنه عزواجنا بس مازال يحبني بنفس المقدار ويمكن اكثر (اذكرو الله ولا تنظلوني)
من يومها وهو دنينتي وحبيبي وحياتي وبعد عمري وطوايف اهلي كلهم وش اقول وش لون اعبر عن حبي له الله لا يغير علينا 
الله يخليكم لبعض وما يفرقكم امين يارب
بس ثاني مرة خليك محضر خييييييييييييييييييييييييير
نورتي الصفة