ظن السوء عند امي فكرهتني وكرهتها الطبيب يجيب 2024.

السلام عليكم ورحمة الله وبركاته

آآآآآآآآآآآآه يا أخواتي والله من قلبي أقول آآآه بحكيلكم مشكلتي واتمنى تساعدوني

مشكلتي أمي تظن السوء بكل من حولها من ابوي الى عيال اخواني
امي عمرها 66 أو يمكن أكثر من تصبح لين تمسى وهي تشك بالناس حتى نحن عيالها نحن نتحملها لانها امنا بس الناس وحريم اخواني مايتحملونها ومعهم الحق لانه كله شكوك من غير ادلة او يكون سبب تافهه لا يستحق حتى القول عليه
اخواتي كلهن متزوجات انا اصغر وحده عمري 22 يوم اجي واكلمها وأقولها يمه مو كذا ومايصير تضربني وتتهمني اكذبها واني اكرهها والله ما اكرهها ولا شي كل السالفه ماابي الناس تكرهها وماابي اسمع الناس يتكلمون عليها وفوق هذا كله ما ابيها تذنب لان القرآن والسنة علمونا عقاب من يظن بأخيه سوء

ما احد يقنعها يعني لا تقولولي خبري احد لان في رأيها دوم هي الصح
والناس غلط لا تقنعيها الا بماتقتنع فيه هي

تدرون المشكلة وين انها تصلي كل صلاة بوقتها وتصلي القيام والنوافل مو تاركه صلاة الا وتصليها وتصوم الاثنين والخميس والايام البيض

مو عارفة كيف اتصرف معاها ؟
كيف اغيرها ؟
يأست من الكلام معاها انا حبيت اقولكم اني ماكرهتها لس كرهت تصرفاتها وصرت ما احتك معاها في الكلام حتى ما نتشاجر