السلام عليكم
اليوم جبت لكم طريقة تخليك تقصي كل الشعر المتقصف بدون ما تخسري شي كثير من طول شعرك
و الاروع انك بهذي الطريقة تقدررين تقصيين الشعر المقصف اللي موبس فاللاطراف حتي اللي فوق
الطريقة كالتالي::
1- لازم يكون شعرك مستقيم <<مو مطعج
اما تستشورينه قبل لاتسوين هالطريقة او تلفينه طاقية و انا افضلها على الاستشوار
2-افرقي شعرك من الوسط و ابدي اشتغلي ع القسم اليمين <<سنة التيامن
3-خذي خصلة صغيرة من شعرك و الافضل تاخذينها من عند الرقبة
4- امسكي الخصلة هذي بيدك اليمين
5-و افردي اصابع يدك اليسار و مرري هذي الخصلة تحت اصبعك السبابة و حطيها فوق اصبعك الوسطى ثمن مرري الخصلة تحت اصبعك البنصر<<الاصبع قبل الاخير
6- و بيصير شكل ايدك اليسرى كتالي::الخصلة تحت اصبعك السبابة و فوق اصبعك الوسطى و تحت اصبعك البنصر
7- الان حركي يدك اليسرى ((اللي بين اصابعها الخصلة )) من اعلى شعرك الى اخر الاطراف و ناظري اصبعك الوسطى في يدك اليسار((اللي فوقها الخصلة)) بتلاحظين ان الشعر المقصف يووضح مررا و يبان كنه اشوااك
8- امسكي مقص بيدك اليميين و اثناء تحرييك يدك اليسار من اعلى الخصلة الى اسفلها قصي المقصف من شعرك
9- خذي خصلة جديدة و كرري نفس العملية على كل شعرك و كلما كانت الخصلة صغيرة كلما كانت النتيجة احلى و الافضل تختاريين خصل من اسفل رقبتك الى الاعلى
10- اذا خلصتي القسم االيمين من شعرك ابدي بالقسم اليسار و نفس الطريقة سوييها
ملاحظة::
يفضل القيام بهذه الطريقة تحت ضوء الشمس لانه بيوضح لك الشعر المقصف مررا
و حطي عليك منشفة او قطعة قماش عشان يطيح عليها الشعرالمقصف و اصلا ما راح تلاحظيين شعر كثير ع المنشفة لانك تخلصتي من الشعر المقصف فقط و ما لمستي الشعر الصحي و الشعر المقصف طوله ما يتعدى مليمترات …و نعيما لكم الشعر الصحي
و اخيرا ادعولي في ظهر الغيب
