السلام عليكم ………………………….
بنات تكفون ابي منكم مساعده ورايكم بقولكم السالفه هي ان انا قبل فتره دق علي واحد ورديت عليه يبي يتعرف واول شي انا رافضه واسكره بوجهه واقول ماابي اتعرف ويسحبني بالكلام ومره دق علي ورديت لاني كنت فاضيه واسولف معه وتعرفت عليه وتعرف علي وقال ابي ايميلك وارسلي ايميله وكنت متردده ان اعطيه ايميلي وعطيته وندردش بالمسن
ونسولف وطلب مني انه يشوفني ورفضت وترجاني وانا رافضه واستمرينا اسبوع وقال ارسلي صورتك ورفضت وزعل قال انا حبيتك وابي اشوفك وانا خايفه من اشياء كثيره ويقول انتي مو واثقه فيني وانا احس انه مايلعب يتكلم جد وحبيته وتعلقت فيه وصار مايكلمني زعلان وينقطع عني وانا حاولت انساه ماقدرت خلاص مادام هو يحاول يبتعد ابي ابتعد ساااااعدوني معنى اني عندي فراااااغ وافكر فيه وش اسوي ابي مساااعدتكم …….
بعدين استغرب من الي تقول زهقت وقمت اضفته واسولف معاه طب ليه متسولفين مع بنات وش يفرق ابي اعرف من جد ابي اعرف جوبيني ولى ذا على ميقولون عذر البليد
وحبيتيه على شنو على كلام معسول وكذب
واخر شي تذكري ربنا لان الي تسوينه حرام ومن ترك شيا لله عوضه الله خير منه اتركيه وخلي هذي نيتك وشوفي ربنا كيف بيعوضك من جد حطي ربنا بين عيونك وانتضر ردك
وربي يلعب عليك
مثل ماقالوا لك الاخوات يلعب عليك
اختي مو اي شخص يحبك بصدق واخلاص
واي شي الا صورك ياختي
اصلا وين عقلك مافكرتي بيوم يلعب عليك
الرجال كلهم كذا حقيرين وقحين يوهمون البنات بالحب ويقولون لهم بيزوجون منهم وهم كله كذب
قليل ونادر من الرجال اللي يصدقون
واللي يصدقون عمرهم مايكلمون بنات بالتلفون او الاميل بعدين يزوجونهم
اللي يصدق يخاف ربه
الله يهديك واذا دق عليك لاتردي
واذا اي شخص دق عليك لاتردين ولاترخصين نفسك للذئاب البشر
الله يهديك ويصلحك وعليك بالتقرب لربك والاستغفار
_________
اختي في الله
______
(ولا تتبعوا خطوات الشيطان ..)
(ولا تقربوا الزنا انه كان فاحشة وساء سبيلا …)
______
اختي في الله مادام انه الشخص زعل منك هذا كان مطلبه وزعل كيف تصدقيه ان كان صادق راح يختبرك والصادق يجيك من الباب لا من الشباك ّّ!!
اختي فتحي عقلك ولا تنجرفي وراء الشهوات الله يستر عليك …..
وانسيه كرامتك اهم حافظي على نفسك وانتبهي … انتبهي عزيزتي لا تصدقيه ولا تسمعي كلامه اتركيه لوجة الله ..وادعي الله تعالى ان يصرفك عنه ويصرفه عنك ..يريد صورتك بآي طريقة لان صورتك هي الطعم وانتي المطعم ……هداكي الله واحمدي ربك انه زعل وانصرفي عنه واصرفي تفكيرك عنه وتقربي الى الله وكوني صداقات حتى تنسيه كليآ….!
______
استغفر الله العظيم
لا اله الا الله محمد رسول الله
سبحان الله وبحمده
________
مع ارق تحياتي