بسم الله الرحمن الرحيم
السلام عليكم ورحمة الله وبركاته
شحالكم خواتي ؟ ان شاء الله تكونون في صحه وعافيه
بخبركم قصتيه … كنت حامل وكانت الامور طيبه لين الشهر الخامس
اول مادخلت الشهر الخامس رحت عند الدكتوره وفحصتني بالسونار وقالت البيبي بخير والرحم اوكيه مسكر وعطتني دواء داخلي حق الالتهابات الداخليه ,, ياعويني كنت اعاني يوم يجامعني ريلي من الالم الفظيع وماكنت اعرف ان عندي التهاب… المهم اول ماستخدمت الكريم حسيت بالالم في بطني بس قلت يمكن عادي لان كنت تعبانه من ضغط الدوام والروحه والرده …
المهم بعد هالثلاث ايام نزل كيس الجنين مني وعلى طول رحت عند الدكتوره وقالت لي عنق الرحم مفتوح والبيبي نازل تحت والفاجعه يوم قالت لي 99% بتخسرين البيبي والله يابنات بغيت امووووووت كنه روحي بتطلع . لا لا مايصير كيف اخسره ماشي طريقه دخيلج دكتوره عطيني حل .. الدكتوره: للاسف مانقدر نسوي شي ومانقدر نخيط الرحم… روحت على طول المستشفى الحكومي ورقدوني على امل يكمل الاسبوع 24
ولكن الامل ضعيف 
يالله يالله وصلت الاسبوع 21 وطبعا نزل الماي مني وكملت 4 تيام بعد نزول الماي اتالم وانزف بس كنت احاول ماتحرك من السرير عشان مايفتح الرحم بزياده لكن فتح من 2.5 الى 4 سنتم ونزل نصف الجنين في المهبل
في النهاية خسرت حملي والحمدالله على كل شي والله يعوضني باخير منه
الاجهاض كان يوم 10122010 وهذا اول حمل لي
ومن خسرته وانا ادعي ربي يعوضني بتوائم يملون حياتي ويكونون بصحه وعافيه وفكرت اخذ كلوميد عند اول دوره بعد الاربعين
وكلهم قالوا لي انتظري 3 شهور ولا تفكرين بالحمل ورتاحي بس مقدر قلبي متشفق على العيال .. ابا عياااااااااااااااااااااااال مب قادره اصبر
اتمنى من البنات اللي مرت في نفس تجربتي تخبرني اذا حملت بتوائم والله وفقها بحملها من بعد ماخلصت الاربعين
بلييييييييز ابا نصيحتكم 
والله يوفقها اللي بترد عليه ويرزقها بالذريه الصالحه .. امين يارب
ربي لا تذرني فردا وانت خير الوارثين
اللة يعوضك خير يا قلبي انا زيك حملت واجهضت في الثالث والان حامل وجالسة انزف وانا اكتبلك استنى ينزل لوحدة بدون عمليات والحمد للة اللى يشوف مصايب الناس تهون علية مصيبتة
13/11/2010ومحرومه من الاولاد من ثلاث سنوات لكن الطبيبة قالتلي ارتاحي شهرين او ثلاثة وفعلا ما افكر احذ شيئ ومن رائي تعملي مثلي ارتاحي والله يعوضنا يا رب اللهم ااجرنا في مصيبتنا واخلفنا خيرا منها وفرح قلوبنا بذرية الصالحه المعافيين يارب
المشكله مب قادره انسى حركتة فيه وشطانته .. بس الله كريم .. من صدق مب قادره اصبر شهر واحد وودي احمل الحين بس قالت الدكتوره تعالي اول يوم الدوره الجايه عشان تعطيني الكلوميد وماريد احمل واجهض مره ثانيه وطبعا كل حمل الحين بيسولي عملية ربط عنق الرحم..
الحين ابا حد من البنات يخبرني اذا حملت بتوائم من ورا الاجهاض وشو صار معاها ومتى حملت بالضبط ؟؟؟
دخيلكن بنات لا تبخلن علينا بردودكن خلونا نستفيد
احمدي ربك على هالنعمة الي عطاكي اياها الحين انتي عندك ولد في الجنة
وانا مثلك في الشهر السادس نزل علي ماء الحمل مع العلم اني عاملة ربط وبعدين فكوا لي الربط وولدت بس الجنين توفى الله يرزقك ويرزقنا يارب ولا يحرم احد
دعواتك لي بالذرية الصالحة
تقبلي تحياتي
يمكن خيره لكم .. والدعاء بجوف الليل ترا مايضيع عند الله
والله يرزقكم ويرزقنا كل خير يارب ..
والله يعوضك فيه بأخير منه .. اللهم امين