شعري في العيد على سيرة كل لسان …يا ترا ليه؟؟؟
بإختصار بنات ترا ما عندي حب للفصحى وتنميق الكلام والتصفصف
المهم أنا بنت شعري طويل وكثيف لكنه 
مو ناعم
المهم فصلت للعيد بدلة جنان عند مصممة سعودية وطلعت شي شي شي
المهم قلت خسارة على هالبدلة ما حورفت بشعري وطبعا ما يطاوعني قلبي
اقصه …. كنت اتصفح الجريدة ولقيت اعلان لمشغل ( ؟ )طبعا ودي احط لكم الاسم بس اخاف المنتدى ما يرضون المهم الاعلان كان يتكلم عن مشغل متخصص في فرد الشعر بالتمليس والكيراتين وطبعا تمليس ما ابي قلت خل اجرب اتصل اسال عن الكيراتين اتصلت ردت علي وحدة مشالله حسستني كني متصلة ع فندق مو صالون المهم ارتحت لها وعطتني موعد مع خبيرتهم ورحت لها بعد يومين كشفت على شعري وجابت حاجة تكشف فيها وتمت تفحص وتاكدت بنفسها انه مافيه مادة كيميائية بشعري وقالت خلاص شعرك مناسب لمادة شركة كذا ما اعرف شنو لأن انجليزي اتفقت معاها ع السعر واكيد غالي لأنه كيراتين المهم
كنت مستعدة وعطيت المحاسبة وخذتني لغرفة الغسيل للشعر وغسلت شعري اكثر من مرة وبعدين اشتغلت عليه مواد واستشوار ومواد وسيراميك وعيوني تهطل دموع من حرارة المادة اقصد بخارها حار ع العين مو ع الشعر وبعدين ياااااااي ما لحقت اشوف نفسي استحيت من اللي شفتها بالمراياااااا لالالالالا اجنن شو هيدا يخرب بيت الشعر شو بيغير البنت المهم وقالت تعالي بكرة ولا تغسلينه ولا تربطينه عاد لانو طويل انحبست بالغرفة اتدلع فيه بيني وبيني وبين حبيبتي المرايا المهم لاوبعدين طفشت وامي صارت تناديلي ونزلت لهم هاااااااااااااي امي انصدمت وخواتي فقووو الحلج واخوي الصغير راح جاب له فرشة يبي يمشط السلاسل وانا اتغلا عليه ساعة واعطيه وجه ساعة المهم ورحت بكرة وسوت له سيراميك وبعدها غسلته وكنت خايفة انه ما يصير نفس امس لكنه طلع روووووووووووووووووووووووووووووووووعة
املس وناعم وحريري ولالامع بقوة مشالله ولانه كثيف وطويل فصاير خياااال صرت اقوم من النوم اجنن واتحمم اهبل وامشط او ما امشط أخبل
وبعدها صار شعري سالفة العايلة وسالفة كل الاهل والربع ومتاكدة بس اداوم بكرة بالجامعة يبنهبلوووون … للي تبي اسم المشغل او رقمه تقول
لمدة كم يقعد شعرك ناعم؟
انا مايحتاج شعري ناعم الحمدلله بس مايساعدني اذا جيت
اسوي تسريحة كيرلي او اموجه
الله يهنيك فيه
وياليت ترسلين اسم المشغل ورقمه علشان نستفيد ومالك الا الدعاء
دمت