بسم الله الرحمن الرحيم
اكتب لكم قصتي وارجو الافادة من اللي عندها احد مر بتجربه مثلي
انا تزوجت وبعد شهرين حملت على طول فرحت مو مصدقه اغلب جماعتي من سنتين الا ثلاث سنوات يتاخرون بالحمل عادي مشاءلله سرعه بالاستجابه ههههههههههه
المهم ياحلوات تابعت مع دكتوره الين قالتلي مافيه نبض للجنين روحي للمستشفى الحكومي نزليه 
سلمنا امرنا لله
رحت للحكومي وليتني مارحت تخيلو اول مادخلت عند الباب من الساعه 9 الصبح جالسه انا وامي الين المغرب نقعوني مره
واخيرا دخلوني وراحت امي ترتاح كسرت خاطري
سولي سونار وعلى طول بدون مقدمات لغرفة العمليات
ماشافو نبضي ولا فصيلة دمي مسرع من الباب للعمليه وش ذا
سلمنا امرنا لله دخلت بعد العمله طلعوني للبيت اليوم الثاني
اختكم خبله احسب التنضيف مثل النفاس لازم دم اربعين يوم وجلس لكم 35 يوم معي نزيف قوي
رحت لدكتورتي اثرهم مقطعين الجنين وتاركينه مع المشيمه في بطني مالوم النزيف والله
وحولتني على مستشفى الملك فهد اول مادخوني على الطورى
نزل معي دم فضيع قالو تنويم مافيها كلام ولازم نقل دم مستعجل دمي 4 بس وقاعد ينقص بعد ماستقرت حالتي الا بعد كم يوم عملي الدكتور عملية تنظيف ثانيه على مسؤليتي
مرت على خير لاكن طلع معي حمل عنقودي وييييين تتوقعون بالرئه
:b link: وقالي الدكتور لازم ابر كيماوي ماقدر اسويلك شي لان الدم مغطي على الرئة وفيه خطر على حياتك بديت معاناتي مع الكيماوي سنتين وبعدها خلص علاجي وانا الحين حامل وخايفه ارجع مثل اول مابي كيماوي كل يوم تعبت والله تعبت كل يوم مستشفى ساعه روحه وساعه جيه من غير ساعتين انتظار من يجي يعطيني الابره بنات تكفون ادعولي انه حمل سليم واللي صارلها حمل عنقودي تفيدني
اختي وكلي امرك لربنااا واكثري من الدعااااااااااء ,, وربنا يسهل امرك ويقومك بالسلامه انت والبيبي ,,
وربي ييسرلي حملي وولادتي ويحفظ جنيني
اللهم امين
الحمدلله على سلامتك حبيبتي والله يتمم حملك على خير ويرزقك منه قرة عينك
مش شرط اذا صار عندك الحمل الاول عنقودي يتكرر في الاحمال الثانيه
وكلي امرك لله وان شاءالله بكون حملك سليم معافى
ودي
.