ساعدوني ابي ابطل المانع واحمل بس خايفه من اهل زوجي و زوجي تكفوون محتاجتكم -لصحتك 2024.

اهل زوجي

وقبل شهر توظف زوجي ونقلنا الرياض بنتي تعبت نفسيتها من الوحده على اني مو

مقصره معاها بشي بس عشان كانت متعوده ع الاطفال والعائله الكبيره المهم

مشكلتي يا اخواتي ابي احمل اجيب لها اخ او اخت يسليها بس خايفه من اهل زوجي يعقدوني في نفاسي زي ماعقدوني في نفاسي ببنتي بقلكم كيف عقدوني لما ولدت ببنتي جت عندي ام

زوجي وقالت الحرمه عندنا اذا ولدت تولد ببيت اهل زوجها وانا مره كنت رافضه

وقالت مو بيدي كلمي عمك اللي هو ابو زوجي وكلمته قلت بروح انفس عند امي

قال لي لا والله لازعل منك ولا ازورك انتي كذا تخربين عادتنا وتقاليدنا وكلمت ابوي

اشكيله وقال عمك طيب ويحبك واهل زوجك كلهم يحبوك روحي عندهم ووافقت

طبعا وقتها زوجي مسافر يدرس كلمته قبل وقال يصير خير وصار يتهرب من السالفه ويصرفني ..طبعا نفست عندهم وكانت عمتي مو مقصره معاي وتصحى من صلاة الفجر وتسوي لي الفطور والقهوه والحلبه والقرفه…. بس انا ماكنت اكل

واعاندها لاني ما ابي اجلس عندهم المهم قالت لي عمتي يابنتي من عادتنا وتقاليدنا
اننا نختن البنت انا انصدمت وقلت مستحييل وياويل اللي يمسكها قالت طيب وكلمت زوجي وقال ختنو بنتي ماعليكم منها وعدت الليله وانا مطمئنه ان محد راح يمسك بنتي ماكنت عارفه انهم ناويين عليها ونمت وبنتي بحضني وجاء الصباح واخذو بنتي بكل هدوووووووء من بين يديني وانا نايمه وقفلو الغرفه اللي انا فيها وراحو ختنوها طبعا في البيت عمتي هي اللي تختن آآآآآآآآه يااخواتي لين يومكم هذا ماني قادره انسى واتألم من الخيانه اللي سوها فيه وانا متنزاله من الروحه عند اهلي عشان رضاهم وبالاخير خانوني الله لايسامحهم وبالأخص عمتي والله ما اسامحها على انها طيبه وتعاملني احسن من بناتها جلست ابكي لما صحيت وشفت بنتي لافين رجلينها عشان متحركها وينفك الختان وجلست احاول افكه وعمتي تصارخ فيني وتقوول لوتفكيه بتمرض بنتك واحنا ماضريناها نفعناها عشان اذا كبرت ماتلعب في نفسها وتفقد عذريتها قلت وش معنى احنا عشنا ولالعبنا في انفسنا قالت كل جيل يختلف عن الثاني وجلست ابكي ولااكل ومرضت بنفاسي ومرضت عمتي من بكاي وحالتي بنتي خلاااااااااااااااااص مالها مستقبل ابخليها عندي تخدمني واخدمها الى الموووت
احسن من تتزوج وترجع لي اليوم الثاني مطلقه بسبب انها ماعندها شهوه وكل الرجال مايبوون البنت البارده جنسيا ..اخواتي عرفتم مشكلتي اعطوووني حل ابي اوقف مانع الحمل واحمل بس مابي انفس عندهم ولا ابي عادتهم وتقاليدهم اخاف يجيني بنت ويختنوها وقتها والله امووت ماعاد ابيهم انا ماصدقت طلعت من عندهم واستقريت لوحدي ابتعد عن عادتهم وتقاليدهم الغبيه ..

**كيف افتح الموضوع لزوجي من دون مايقول انتي تكرهين اهلي؟
**كيف اقنعه اني ابي انفس عند امي؟؟
**اتوكل ع الله وابطل المانع واحمل واذا جاء وقتها اعاندهم وبلا احترام وتقدير اطنشهم واروح لاهلي غصب عنهم؟؟
**واذا رفض وش السوات اجلس من دون عيال واعذب بنتي بالوحده؟؟
**واذا جاني بنت اختنها ولا لا ؟((امي تقول حرام تفرقين بين بناتك وحده مختنه وحده لا اذا كبرت بتحقد عليك))

الله لايسآآآآآآآآآآآآآآآآمحها ..اذا كبرت بنتي لازم اقول لها جدتك ختنتك عشان ماتجلس تدعي عليه وانا مالي ذنب….

اخواتي تكفوووون ردو عليه اعطوووني الحل اقل شي ارفعووو موضوعي

تكفوووووووون محتاجتكم انا تعبت نفسيا وجسديا من التفكير…………..