ساعدونى -مع الجواب 2024.

بالنسبه للعطور ..

بالنسبه للبيت ..

عندك عطور بودي شوب عندو تشكيله كبيره ناعمه ورائعه منها .. love etc و rouge berry و life is و white misk تجنن .. وعندو خمريات شعر وهيا عباره عن عطور تركيزها يكون عالي ويكون عطر زيتي وريحتو ثابته بس ماهي لكل العطور ..

بالنسبه للسهرات .. فيه Gucci by Gucci**و d&g the one و rock in rose و touch of pink و jadore**و belle و كلمات من العربيه للعود .. بالنسبه ليا دي المجموعه مرره جنان للعروسه لأنها فخمه وريحتها ثابته وانتي وذوقك ..

والخمريات صراحه ماليا فيها كثير .. بس روحي لـ عبد الصمد القرشي عندو أشياء تجننننن ..

ونصيحتي لكِ ..

كوني له أمه يكون لكِ عبداً ..

لاتحرمي زوجك من أي شي يبغاه ولاتحرمي نفسك بسبب الخجل ..

اهتمي دائما بنظافتك .. لاتخليه يشم منك ريحه ماهي حلوه أبدا ..

اعتبريه طفل وسايسيه .. اذا شد معاكِ أرخي .. واذا انتي شديتي علميه يرخي .. عشان تتقوا المشاكل ..

اعينيه دايما على الخير ..
لاتناموا الا وانتم متصافين ومافي في قلب الثاني شي ..
سروا نهائي لا يطلع برى بيتو ..في أي شي يسير ..
كوني ام ليه وأخت وزوجة وعشيقه ..
أكسري الروتين ولاتخلي امس زي اليوم زي بكره .. كل يوم خليه يكتشف شي جديد فيكِ .. خلي يوم الخميس حاجه ثانيه يوم للحب

استقبليه دايما بإبتسامه .. بوسيه أول مايرجع من دوامو ..
خففي عنو .. خليه كل حياتك ولاتهملي بيتك في نفس الوقت .. خلي بيتك جنه مايطيق فراقها ..
اذا لقيتي منو جفا لاتبعدي .. كثر الدق يفك اللحام ..
لاتجيبي سيرت اهله إلا بكل خير .. لاتحكيه عن المشاكل .. اتغاضي عن اغلاطه الطفيفه .. لاتكوني زوجة نكديه .. خليكِ وقت الجد جديه ووقت المزح أمزحي ووقت الدلع مدلعه وأعطي كل موقف حقه .. اهتمي فيه .. لاتسمعي كلام الناس خاصه الي يقووكي على زوجك ولا يقولولك اتقلي ولاتسوي ولاتعملي فكل رجل ليه طريقة خاصه تقدري تتعاملي فيها معاه ..
بس اذا غلطتي اعتذري .. وعلميه اذا هوه غلط هوه الي يعتذر ..
أول سنه طبيعي تسير مشاكل لانه في اشياء كثيره ماحتعرفيها الا بعد الزواج .. لاتخلي مشاكلك تكبر وفكري في كل شي وحليه بنفسك وهيا فتره وحتعدي ..
مجرد نصيحه .. حاولي انك ماتحملي على الاقل 6 شهور لانك ماتعرفي دا الإنسان كيف حيكون .. حتى اذا ربي ماكتب تكملوا مع بعض لاسمح الله يكون مافي طفل ينظلم بينكم ..

يارب اكون أفدتك ..

انا كوفيره شامله من الطايف اروح للبيوت والقاعات وخارج الطايف

( القرى القريبه _ مكه _ جده _ الباحه )

شغلي شامي والمكياج مااسوي الرسمات الكبيره ولا الالوان الفسفوريه الي تطلع فيه الوحده كانها مهرج

تنسيق القاعه كامل _ تفصيل كوشة العروسه بالممرات الخاصه

تنسيق الزفة والدي جي كامل ومتواصل عن طريق السي دي

تنسيق طاولات الاستقبال ومابعد العشاء وطاولة ذكرى العروسه

تشريع الدبش

تصاميم لتوزيعات المعازيم _ توزيعات المعازيم