العشق الممنوع
الفصل الأول
في غرفة النوم وفي زاويه جالسه تصيح بحرقه
خوف ترقب من الي بيصير لها
قامت وراحت عند الباب وصارت تضربه بقوه
؟؟فتحو الباب فتحو حرام عليكم والله حرام
وتضربه وهي تصيح واسمعت بخطوات اقدام جايه وتفتح الباب بالمفتاح
تراجعت للورى وهي كلها خوف
انفتح الباب
دخل واحد والأبتسامه على وجهه وبخطوات واثقه وباين عليه ولد ناس غني طويل
جسمه رياضي لونه حنطي عيونه عسليه
؟؟ حرام عليك ليه تسوي فيني كذا حرام عليك
؟؟ الحين صار حرام علي ويوم استقويتي علي مع خويتك مو حرام انا يالخايسه تتفلين علي
انا تركي الذيب وحده مثلك ماشتريها ببلاش تتفل علي انتي الي جنيتي على نفسك ولا كان انطميتي وخليتيني مع خويتك على كيفي
وصار يقرب لها وهي تبعد لحد مالصقت بالزاويه الي كانت عندها قبل اشوي
؟؟ انا غلطانه سامحني احب ارجولك وايدينك واذا تبيني اعتذر لك قدام الناس في نفس المكان والله بعتذر بس لا تسوي فيني شي
تركي ضحكتيني لا مابي تعتذرين مشكور
انا جاي اخذ الي ابيه واتوكل على الله الا قلتي لي انتي اسمك جود صح
جود تصيح وخايفه
تركي مو مشكله اسمك اعرفه بعدين
قرب لها بسرعه ومسكها وهي وسط اصراخها ويسدحها على السرير حاولت تقاومه وحاولت
بس ماقدرت وهو بكل وحشيه جردها من ملابسها واعتدى عليها اغتصبها بكل وحشيه سلب منها اعز شي تملكه كل بنت عفيفه
بعد ماخلص قام ولبس ملابسه وطلع شيك وكتب عليه مبلغ مالي كبير ورماه عليها في السرير
تركي ان شالله هالمبلغ يعوضك عن الي راح منك
ابتسم وطلع من الشقه وهو بيركب سيارته
تركي اسمع صادق البنت الي في الشقه رح لها ووصلها بيتها سامع
صادق تامر طال عمرك
ركب سيارته ومشى فيها بسرعه
صادق راح الشقه وكان خايف يدخل على البنت الي داخل بس استجمع قوته ودخل
جود اول ماشافته خافت وظنت يمكن واحد من ربعه وجاي يكمل الباقي هذا اذا فيه باقي لمت روحها بالشرشف تحاول تغطي جسمها العريان وهي تصيح
صادق لو سمحتي اذا لبستي ملابسك خليني اوصلك طلع من الغرفه
وهو مو عاجبه الوضع
جود قامت بتعب تحاول تلبس ملابسها السليم منها والي ماتقطع من ايدينه البست البنطلون الجنز اما البلوزه كانت مشققه بس البستها ولبست عبايتها وناظرت الشيك وصاحت واتركته على السرير واطلعت وهي تمشي بثقل
صادق رجع الغرفه وشاف الشيك خذه وطلع لها شافها انزلت نزل بسرعه وشافها تمشي هايمه وضايعه متدري وين تروح شغل السياره وراح وقف عندها ونزل
صادق اختي خليني اوصلك احسن لك اخاف يشفونك اعيال الحرام ويتحرشون فيك
جود اعيال الحرام خذو الي يبونه مني
صادق فتح الباب واصر انها تدخل ادخلت جود لأنها كانت تعبانه ولا قادره تمشي لشقة عمها لأنها بعيده من هالمكان
بعد ماوصلها لبيتها مد الشيك لها
نسيتي هذا
جود حسبي يالله ونعم الوكيل الله لا يسامحه ولا يوفقه ولا خذته
انزلت من السياره وراحت لشقة عمها
صادق لا حول ولا قوة الا بالله الله يهداك ياتركي مدري شستفدت لما سويت كذا
؟
؟
؟
؟؟
تركي في السياره ويدق جواله يرد
هلا وغلا
؟؟ هلا في عينك وغلا في وجهك وينك فيه يالحمار
تركي الله يهداك ياعمي عبد العزيز شفيك علي
عبد العزيز يالخايس ماتدري انه اليوم تمايم اولدي مطلق الصغير وينك فيه كل العيله مجتمعه الا انت
تركي (اوووووووووووه نسيت تمايم ولد عمي)
الحين بجي بس عطني ساعه واكون عندك ان شالله
عبد العزيز ساعه المعازيم بدو يوصلون
تركي بروح اسبح وابدل وجايك والله
عبدالعزيز نشوف سكر
؟؟
تعريف بعاااااااااااااااااائلة
مطلق مسفر الذيب
اول شي بتكلم عن حياة مطلق
من اغنى رجال الأعمال في السعوديه وخارجها وخاصه في مصر وسوريا له هناك مصانع كثيره
عنده ثلاث زوجات وكل وحده لها قصه معاه بتعرفونها الحين
قبل ستين سنه كان مطلق عايش في قريه مع أبوه وامه وكان عمره ذاك الوقت 18سنه
كانو فقاره كثير يوم ياكلون وعشره مايحصلون الا الخبز اليابس
ابو مطلق الله قدره واشتغل عند تاجر في بيته ينظف ويستقبل الضيوف ويصب القهوه لرجال وبعدها الحمدلله صار حالهم احسن وخله مطلق يشتغل معاه في الأمور الي الأبو مايقدر يسويها
مرت ايام وشهور وكم سنه مطلق شاف بنت الرجال الي يشتغل عنده كان اسمها نوره بنت حلوه ومغروره اعجبته وحبها كثير بس نوره ماكانت تدري عنه ولا كانت تشوفه من الأساس لأنها كانت محجوزه لولد عمها
ظل يحبها وقت لحد ماجاه يوم وعزم يفاتح ابوها ويخطبها خاصه ان ابوها كان معجب فيه وبأخلاصه لشغله راح يكلمه وابوه مسفر مايدري عنه
بعد ماراح وطلب يد بنته عصب وسبه واعتبرها اهانه له ان واحد مثل مطلق حافي منتف بخطب بنته
لما عرف أبوه حاول يصلح الغلط بس مطلق كان مصر على رايه وان اهو رجال وبيعيش بنته احسن عيشه
طلب التاجر ابو نوره من باقي الخدم يربطون مطلق لأنه تطاول على اسياده وربطوه في شجره
وطاح فيه ضرب بالسوط
مسفر مقدر يتحمل اهانة اولده تعب وصاح وصار يبوس يدين التاجر عشان يسامح اولده وحيده بس التاجر ارفسه بقوه
مطلق عصب لما شاف أبوه ينهان حاول بكل قوته وفتح الخيوط منه بعد ماطلع الدم من جسمه من كل مكان ضرب الي قدر يضربه وساعد أبوه وقومه وراحو بيتهم
بعد فتره صارو الناس في نفس القريه مايكلمونهم ولا يزورونهم تحت طلب التاجر والي بيكلمهم بيصير مصيره مثلهم منبوذين
قررو انهم يرحلون عن قريتهم ويروحون قريه ثانيه بعيده بعد ماباعو بيتهم وكل شي عندهم
قدر مطلق واشترى بيت قديم كثير
بس أبوه مع الوقت تعب كثير من بعد الي شافه طاح مريض وظل شهور وهو حاله من سئ الى سوء
لحد ماجاه يوم لما رجع مطلق من العمل الي كان يشيل الماي ويوصله البيوت او أي احد يبي يشيل اغراضه يشيلهم عنهم
راح سلم على امه كانت تطبخ وراح لأبوه حب راسه وصار يكلمه بس مايرد حركه ولا فيه حركه حلول بس شافه
ماااااااااااااااااااات
صاح مطلق على أبوه وانقهر لأنه أبوه مات مقهور بسبب الي صار وحلف قدام أبوه
انه بيرجع وبينتقم منهم وبيتزوج نوره غصب من ابوها
بعد شهرين ومطلق على حاله في شغله بس الي تفاجأ منه ان امه اطلعت حامل حاولت اطيحه بس ماقدرت لأنه مطلق منعها
بعد سنه مطلق صارت عنده اخت سماها
مهره وكان يعتني فيها مع امه خاصه ان امه جابتها على تعب بس كانت كل شي عنده
وفي يوم مطلق شايل الماي وقفه واحد يبي يشرب وعطاه وتشكره وجلس يسولف معاه
طلع الرجال تاجر من جده ومعروف وشاف في مطلق الرجال الي يتحمل المسؤليه خاصه لما عرف قصته ومنها عرض عليه يشتغل معاه
وافق مطلق واشتغل مع التاجر وكان وفي له بمعني الكلمه حتى ان التاجر رضى لمطلق يشتغل بروحه في تجاره خاصه له وماشالله عليه في خمس سنين قدر يجمع فلوس وشرا بيت كبير وصار تاجر معروف وله اسمه بعد وانفصل عن الرجال الي ساعده لأنه اعياله تولو تجارة ابوهم
والحين صااااااااااااااااااااار وقت الأنتقام
من قال مطلق نسى قريته والي سوته فيه
صار يسمع اخبارهم اول بأول لحد ماعرف ان اعيال التاجر تقاسمو الورث وابوهم حي
عشان كل واحد يشوف نفسه من بعدها انكسر وخسر كل شي حتى انه صار بيبيع بيته
هنا مطلق ارسل واحد وشرا البيت مطلق شراه من الرجال الي ارسله
وسافر لهم بكل ثقه يدخل قريته بسيارته الي كان الأول مو أي احد يقدر يحطها
وقف عند بيت التاجر ونزل لهم ودخل مجلسه
بعد ماسلم
التاجر حيالله الضيف امر
بو فايز والله ياولدي السموحه الكبر شين من اولده انت
مطلق يبتسم انا ولد مسفر الي ذليته وضربته قدام الناس واهنت أبوه
بو فايز؟؟….
مطلق تدري ان البيت الي انت فيه صار ملكي الحين
بو فايز مستحيل انا بايعه لواحد غيرك
مطلق ادري انا ارسلت لك صديقي وشرا البيت منك والحين البيت صار لي انا
بو فايز وانت جاي عشان تنتقم وتطردني منه
مطلق كنت والله كنت بس لما شفت حالك وان الخدم اهم يشيلونك ويحطونك اكتفي بكذا
بو فايز والبيت
مطلق اكيد باخذه منك وبكون كريم معاك اذا تبي تسكن فيه ادفع اجار لي ولا امهلك كم شهر واطلع من هنا لحد ماتشتري لك بيت
بو فايز سكت وعرف ان الدنيا دواره ومثل ماتتكبر على الناس بيجي لك يوم
طلع مطلق من مجلسه وتوه بيركب سيارته وشاف وحده واقفه عند سيارته
قرب
؟؟ شلونك يامطلق
مطلق من معاي
؟؟ انا نوره بنت سعود
مطلق خير شتبقين
نوره انا ادري ان طلبي صعب عليك بس الله يخليك خل اهلي هنا يعيشون امي وابوي وخواتي مالهم الا هالبيت الله يخليك وانا مستعده اشتغل خدامه عندك
مطلق نوره بنت العز والجاه الي كانت تمشي ولا تشوف احد وكانت معتبرتني ولا شي الحين بتصير خدامه عندي
نوره وهي تصيح مطلق احنا انكسرنا بعد مااخواني تقاسمو الورث وابوي تدهورت حالته
مابقى لنا الا هالبيت الله يخليك ارحمنا
مطلق قلبه كبير ويحبها وعيونها وهي تصيح توجع قلبه
خلاص يانوره ارتاحي بيتكم بظلون فيه وبرجع اكتبه بسمك انتي بس ماشوف ادموعك
نوره الله يخليك ويطول في عمرك والي تبيه بسويه لك
مطلق الي ابيه انتي ماتقدرين عليه
نوره انت جرب
مطلق انا للحين ابيك بالحلال تتزوجيني
نوره تبيني للحين يامطلق تبيني
مطلق من قال اني نسيتك ولا رحتي عن بالي
احبك يا نوره احبك
؟
بعدها تزوج مطلق نوره وسجل البيت بأسمها عشان يظلون اهلها فيه وساعد ابوها كثير
كانت نوره نعم الزوجه لمطلق وحبته مع الوقت لما شافت تعامله معاها وصارت تخدمه وتخدم امه الي اتعبت عليهم كثير وصارت كله منسدحه في الفراش وماتحس بشي ونوره صار كل اهتمامها بمهره وحبتها كثير
وبعد كم يوم توفت ام مطلق
مطلق حزن كثير وقرر يترك القريه ويروح الرياض يعيش فيها وكانت الرياض في ذاك الوقت بدت تزدهر بالتجاره
عاش هناك مع نوره واخته مهره الي ربتها نوره وصارت تهتم فيها كأنها بنتها واكثر حتى لما احملت نوره وجابت ولد بالعكس ظلت تحب مهره كثير
مطلق توسع في تجارته وصار عنده ساعد ايمن مايستغني عنه
وهو فالح توه شباب وكان يسوي كل شي عن مطلق
……….
بعد فتره تعرف مطلق على يحيى مصري من الصعيد وحبه كثير ولما كان في زياره لمصر بالصعيد عند اهل يحيى لمح اخت يحيى
وبما انه توحيده توها صغيره خذت معاها وحده من ربعها اسمها عليا كانت متزوجه وعندها ولد بس ماتو بسبب مرض خطير
كان منتشر في ذاك الوقت وجاتها صدمه اكرهت الدنيا ولما اعرضت عليها توحيده تجي معاها عشان توانسها بالغربه وافقت
……..
وبعد سنه سافر مطلق سوريا
عشان اشغاله وتعرف على فريال
مره قويه وتحب شغلها كثير طموحه
لأبعد الحدود
وطبعا حلف مايرجع السعوديه الا وهي حلاله
المشكله انهم اسكنو في بيت واحد بس
كثرت المشاكل بينهم
فقرر مطلق يشتري مجموعه من الأراضي
ويبني لكل وحده نفس البيت عشان يرتاح وكل وحده يجلس عندها اسبوع
وبيوته كلها جنب بعض
@@
……..
تزوجت اخته مهره صديقه فالح وشرا لهم بيت
…………..
الحين اعرفكم على اعيااااااااااله
1_من ماما نوره
سلطان متزوج هدي بنت تاجر كبير
سلطان انسان يحب الشغل ويبي يكون مثل أبوه مع ان أبوه معطيه شركه من شريكاته يديرها بنفسه بس اكيد لا زم يرجع له
هدى بنت غنيه ومغروره واتزوجت غصب عليها وهي حرمه متحكمه بمعني الكلمه كلمتها و تمشي على اعيالها غصب
واهم يحبون امهم ولا يزعلونها
اعيالهم
الكبير راشد عمره 28 سنه
دكتور تخصص جراحة قلب ويشتغل في المستشفى الخاصه بالعيله والي يديرها عمه نادر
راشد انسان رومانسي وطيب كثير ويعشق بنت عمه بسمه يحبها حب من كانو صغار
بس بسمه ماتحبه ولا تحب امه وتكرهم تشوف العمى ولا تشوفهم
نايف 27سنه ضابط كبير والكل يخاف منه
بس مع اهله وربعه حده فله ويحب الوناسه
تركي 26 سنه متخرج من كندا ادارة اعمال ويشتغل مع العيله في شركاتها
انسان يحب الوناسه ومايحب احد يتحداه
اصلا الله يعينه الي يفكر يتحداه
ندى 23سنه متخرجه من لندن تصاميم وازياء
مع بسمه
ويشتغلون مع زوجة عمهم عبدالعزيز في معرضها المعروف لتصاميم الأزياءوالديكور
ومتزوجه ولد عمها
تالين اخر العنقود18سنه دلوعه حيل ومغروره وشايفه نفسها حتى على بنات عمها
انسانه فاضيه وهمها الطلعات والسهرات
ناااادر زوجته هيله
نادر الولد الثاني لمطلق عكس اخوه
رومانسي كثير وطيب وحبوب
وهو استشاري في جراحة القلب ويدير المستشفى الخاصه للعيله
هيله زوجه وام حنونه وتخاف على اعيالها
وماتقدر تاخذ حقها حتى لما صارت لها مشكله
مع هدى زوجة سلطان ماقدرت تاخذ حقها
اعيالهم
فراس 29سنه مدرس لغه عربيه
هادي وحنون على اعياله ويعشق زوجته
ندي بنت عمه سلطان
وعندهم مشعل9سنين وبسمه الصغيره 4سنين
سماها خالها راشد من كثر مايحب بنت عمه
عشان لما يناديها ينطق اسمها
بسمه23سنه متخرجه من لندن مع ندى
جميله وطيبه مثل امها بس مشكلتها ماتحب اعيال عمها سلطان ولا امهم لأنها لما كانت صغيره يعني11سنه شافت هدى تصرخ على امها متهمتها انها سارقه من عندها عقدها الأماس خاصه لما شافوه عندها في الغرفه
وهيله تحلف انها ماخذته لحد ماربي نصرها واعترفت شغاله بأانها شافت شغالة هدى خذته ولما صارت ادور عليه خافت وحطته في غرفة هيله ومن بعدها قرر سلطان يطلع من البيت الي عايش فيه مع امه لبيت ثاني مستغل
من بعد هالمشكله بسمه لها حق تكرهم
حتى لما لمح لها راشد حبه بالعكس زاد كرها له
فيصل22سنه بعد ماتخرج اشتغل في الشركه عند جده وعمامه الباقين
نوف18 سنه في نفس المدرسه مع تالين والي يشوفهم مايصدقون انهم بنات عم هذي غير بأخلاقها وتواضعها وتالين غير كثير
عبدالعزيز الولد الثالث لمطلق انسان حبوب واغلب شباب العيله يلجئون له ويشتغل مع ابوه
متزوج ملاك من سوريا بنت اخت فريال
لما شافها تعلق قلبه فيها وحبها بسرعه مثل أبوه وتزوجها
اعيالهم تؤم بنات
لينا والين 16سنه يقدروون يفرقون بينهم لأنه الشبه مو كثير وكل وحده مستغله عن الثانيه في كل شي نقدر نقول التؤم المختلف
مطلق الصغير توه عمره شهرين
على اسم جده
شوق بنت مطلق اخر العنقود 35سنه
تشتغل في نفس مركز التصاميم ومتزوجه وليد دكتور يشتغل في مستشفى العيله شافها لما كانت ماما نوره تعبانه وانعجب فيها بس للحين مالله رزقهم اعيال ومضى على زواجهم 6سنين
وعنده ام الله لا يوريكم مطلعه عيون شوق لأنها عايشه معاها ولأن وليد وحيد امه من الأولاد عندها ثلاث بنات
ودوم تحن على ولدها يتزوج عشان تشوف اعياله وهو رافض لأنه ببساطه
يعشق شوق
خلصنا اعيال ماما نوره الحين
الحجه توحيه انسانه حلوه في اخلاقها كثير
طيبه حنونه متواضعه وتسأل عن الكل وتحبهم كثير وكل اعيال العيله يلجئون لها عشان تساعدهم او تواسيهم
وهي ماخذه قلب مطلق صحيح مطلق كلمته ماتنزل الأرض وقراره يمشي بس عندها اهي يقول ستوب مايقدر فيها
دوم يقول عيونها لما تطلبني مقدر اردها
اعيالهم
احمد 28سنه الجنتل انسان متواضع وحبوب مثل امه لون عيونه خضرا ولونه قمحي
بس خل احد يغلط على امه يمسح الأرض فيه يشتغل مع أبوه في نفس الشركه
وهو محامي الشركه درس في مصر عند خواله
مسفر26سنه لون عيونه عسلي بني ولونه قمحي انسان مثل اخوه بس مايحب المشاكل ويحب العيله وجمعتها
درس في مصر تخصص هندسه
وبشتغل عند أبوه
وفيهم وسامه اهم الأثنين
خلصنا من اعيال الحجه توحيده
3-مدام فريال
فريال من عرفها مطلق انسانه تحب تعطي شغلها بأخلاص حتى لما تزوجت مطلق ظلت تشتغل لحسابه خاصه في سوريا والرياض المشاريع المتعلقه بالمرأه
ولها مكانها في وسط المجتمع
ولدها وحيدها
خالد 26سنه درس في سوريا عند خواله
تخصص اعمال حره
وسيم كثير يعني نقول يشبه
معتز في باب الحاره
نظرة عيونه ادوخ لونها ازرق على امه
حتى البياض ماخذه منها
…
مهره اخت مطلق لما تزوجت فالح عاشت معاه احلى ايام عمرها وجابت منه بنت تهبل اسمها
رفين عمرها الحين 19 سنه
جميله كثير ودلوعة امها خاصه انها افقدت ابوها وهو ماشافها لما جات ابوها اختفى في دوله عربيه وقالو انه مات
ولكن
مهره حبت توحيده كثير خاصه لما اولدت اخدمتها توحيده في فترة انفاسها وتوحيده كانت تعبانه كثير من مرض الله شفاها منه بعدين اكبرت في عينها وحبت تعيش معاها
بعد ماستأذنت من امها الي ربتها نوره
صحيح نوره حطت في خاطرها بس رضت لها ومهره كل يوم تزورها وماتخليها ابد
رفين تكره توحيده كثير وتتمنى لها الضرر
بتعرفون مع الأحداث ليه
بس الي لازم تعرفونه ان
خالد كان معجب فيها كثير وحبها وهي حست من تعليقاته وتلميحاته
وبعدين فجأه تغير وصار مايكلمها الا وكأنها اخته
لأن خالد كان في يوم جالس مع اخوه احمد
والي عبر عن حبه لرفين لحد الجنون يعشقها ويموت عليها رغم غرورها ودلعها
ولما خالد عرف عن حب اخوه تنازل عن حبه عشان يسعد اخوه بس كان تعبان كثير وحاول ينساها بس ماقدر
وشي اخير بنات العيله مايتغطون عن اعيال عمهم بس اكيد لبسهم محتشم لما يكونون معاهم
وهذا كان تعريف بالشرح المطول للعيله
الكريمه
وانتظرو باقي الأحداث
والتشويق مع
العشق الممنوع
من
العشق الممنوووووووووع
@@@@@@
عند اجواء الحفله
في اكبر وافخم صالات الرياض
كانت ملاك واقفه عند الأستقبال عشان تستقبل المعازيم مع بناتها لينا والين
وكانت واقفه معاها ماما نوره وجنبها هيله زوجة نادر وندى وبسمه
وعند الطاولات المخصصه للعيله
جالسين الحجه توحيده وعليا ومدام فريال
ومهره
اما باقي البنات جالسين مع
هدي زوجة سلطان العمه شوق ورفين ونوف وتالين
والأغاني شايله المكان
؟
عند الرجال
عبدالعزيز وابوه مطلق واخوانه سلطان ونادر واقفين يستقبلون المعازيم
وكانو جايبين عرضه وسااااااااامري
يعني رقص رقص لشباب الموجودين
شباب العيله كانو جالسين على طاولتين
الأولى
فراس وراشد واحمد ونايف
الثااااااااااااانيه
خالد ومسفر وفيصل وتركي
خالد زين جيت بسرعه ولا عمك كان ناوي عليك
تركي وانا اقدر على عمي عبدالعزيز زين مارفسني قدام الرجال لما شافني
مسفر تستاهل ليه تتأخر وين ذالف ماتدري ان اليوم تمايم ولد عمك
تركي حلو الحين العمام بيستلموني ماعندهم احد غيري عدل
خالد مالت عليك نبي نخليك رجال
مسفر تركه عنك ماهو كفو
تركي لا رجال رضيتو ولا انرضيتو
فيصل حلو بدينا ردو يالعمام ترا الولد بايعها
تركي بايعك بالسوق وببلاش يالثور
خالد اكل تبن بعد يتكلم
مسفر ولا تقول لولد اخوي ثور تراه رجال احسن منك على الأقل من بعد صلاة العشى وهو منرزع
واقف معانا
تركي زين هذا جيت الي يسمعكم بيخطبوني الحين
فيصل لا مقدر تركي ينخطب يحق لك خقاق ولد عمي
تركي لا تمدحني ادري انا احلى واحد من شباب العيله
مسفر اذا انت احلى واحد اجل خالد بو عيون زرق ولا احمد بو عيون خضر ولا انا بو عيون عسليه وكل واحد مطيح البنات الي يمر جنبهم شنقول
لا تتكلم ولا ترز يور فيس سامع
تركي حبيبي انا جمال سعودي ميه بالميه مو مخلط ولا تزعلون
خالد يابن ال.. تدري ماله ذنب اخوي اسبه الا ميت من الحره لأنه البنت الي ذاك اليوم عطتني رقمها بدالك
مسفر بس البنت نسيت لما رحنا ذيك السنه
لندن عشان الشغل ودخلنا مطعم كيف البنات التمو علينا وهو ولا وحده عبرته
خالد الا فيه الي توزع الطلبات انعجبت فيه
فيصل هههههه هذا اخرتها ياتركي بس تستاهل لا تغلط على عمامك ثاني مره
تركي عمامي زين يالعمام قايم وتاركها لكم مخضره
راح وجلس في الطاوله الثانيه الي فيها اخوانه
نايف خير شكلك معصب
راشد اكيد تخانق مع عمامي
تركي انتو رازينهم وتنادونهم عمام ترا اهم كبرنا
نفس العمر
احمد لا يالشيخ واذا نفس العمر تحترمنا وتنادينا عمامي
فراس لا تزعل يابو الشباب ترا انت غالي عندنا وتعرف انهم يمزحون معاك
تركي ادري انهم يمزحون بس لجتمعو علي يقهروني
نايف وسع صدرك وقم ارقص مع الشباب
احمد صج تركي انت خطير في الرقص قم وانا عمك
تركي ليكون تفكروني فيفي عبدو وانا مدري
راشد فيفي مره وحده لا عيب عليك انت اصلا مثل سماره
الشباب هههههههههههه
تركي تدرون اروح استقبل المعازيم مع جدي وعمامي ابرك منكم
راشد تعال نمزح يالحبيب
احمد امسحها في وجهي بس تعال
تركي مشى ولا سأل عن احد
…………………
عند الحريم والأغاني والرقص
فريال دخليك شو بها نوره ألبه خلقتها علينا
شو مو معبين عينا
توحيده يوه يافريال الست تعبانه وقفه من ساعتين
بتستقبل الضيوف معليش اعوزريها
فريال الواه علينا وهيدا ماشفناها من شهر وهيك بتستقبلنا
توحيده خلاص يافريال سيبيها في حالها
فريال يوه دخيلو المبسوطه والراضي عنها اكيد طالما مطلق هالأسبوع عندك بتكوني راضيه حبيبتي
توحيده يابنت مهو كان عندك الأسبوع الي أبلو مأولتش حاجه وبعدين اسكوتي لا تسمعك مهره وتزعل دي متل مامتها
فريال ايه سكتنا
لك وين البنات ليه مابيرئصو
توحيده اهم مترزعين هناك
ايه رأيك نرئص احنا
فريال ماحلانا بهالعمر نرئص ولا متلون راح يضحكو علينا
توحيده وفريال هههههه
وكملو سوالف مع بعض
لا تستغربون توحيده تحب فريال كثير وتقريبا اذا مو كل يوم يشفون بعض يكلمون بعض اما نوره علاقتهم معاها محدوده تدرون نوره ازعلت كثير لما تزوج عليها مطلق بس تحبه لأنه عزها وكتب الفلا بسمها وكم عماره لها وماتقدر تمنعه اذا حط في راسه شي كلمته تمشي
تالين بنات انا احب هالأغنيه قومو نرقص
رفين روحي من ماسكك
نوف لا انا مااحبها
تالين قوموا حسن لكم انتو الثنتين
هدى وهي صادقه بنات الحين هذي تمايم ولد عمكم قومو حركو المسرح اشوي
شوق صج واخذو لينا والين معاكم
نوف وانتي عمتي قومي معانا
شوق لا مابي
هدى بنات قوموها غصب عليها
وقومها وراحو ونادو بنات عبدالعزيز وارقصو وارقصو لحد ماتعبو
ندى شفتيهم بسمه هبال على الرقص
بسمه الحين اعلمهم الرقص بس بطلب شكشكه
ندى اوب شكشكه مره وحده شناويه عليهم
بسمه محد يعرف يرقصها الا انا
ندى بصراحه في واحد طالب مني امنعك من الرقص خايف عليك وتغمز لها
بسمه افهمت من تقصد (اخوها راشد) عاد احساد الحين بروح ارقص اهو مو ولي امري عشان يمنعني
ندى لا بس تقدرين تقولين زوج المستقبل
بسمه ندوش حبيبتي تدرين غلاتك عندي اول شي انتي زوجة اخوي فراس وام اعيالنا اما زوجة اخوك لأ شيلوها من مخكم
ندى تبتسم ايه معليه بنشوف
بسمه مافيه فايده وراحت ترقص اعناد
ندى بتصيرين مرت اخوي راشد غصب
ملاك مرت عبدالعزيز
خير شو بها بسمه باين معصبه
ندى سلامتك بس قلت لها اخوي راشد مايبيها ترقص يخاف عليها وازعلت
ملاك وانتي الله يهديك ليه خبرتيها مو بالأول ليكون كل شي رسمي بينهم
ندى اغلب العيله تدري ان راشد يبي بسمه واذا على اخوي اليوم قبل بكره بيخطبها بس يقول مايبي يغصبها وده توافق عليه ويخطبها رسمي
ملاك والله انو بسمه عنيده ولا راشد شاب مابينعاف ولك لو بناتي كبار كنت خطبتو لوحده منهون بس الله يهديها
ندى ماعليك منها بتوافق عليه هذا اذا ماصارت تحبه بس تتغلى عليه خليها مرده بيطفش وبيخطبها رسمي وبيتزوجها حتى لو مارضت
ملاك الله يهديها ويسعدهون يارب
بسمه جالسه في المسرح مع نوف ورفين
نوف شفيك
بسمه مافيني شي
رفين الا باين على وجهك
بسمه انا متى ربي بيفكني من رويشد طالع لي في كل مكان
نوف شفيه راشد
بسمه يقول لأخته لا تخلينها ترقص اخاف عليها
رفين احلى حركات من الحين يغار وناسه
بسمه والله بسطرك على وجهك رفينوه
نوف طيب ليه تزعلين كلمه انقالت ولا احد مات
رفين صج كلام نوف خليه يقول الي يبي يقوله
بسمه لا يبي يحطني قدام الأمر الواقع اني انا له اهو وانا اشوف الموت ولا اعيش معاه وامه في بيت واحد مااحبهم
نوف الحين اهو اخطبك واذا اخطبك رفضيه
بسمه ماتدرين ان عندنا الوحده مو على كيفها ترفض ولد عمها وهو كامل وماينقصه شي
رفين قولي مارتحت له مو غصب الزواج بعد وين احنا عايشين
نوف تبون الصج انتو الثنتين ماعندكم سالفه
انتي ماتبين راشد مع اني اشوفه كامل والف بنت تتمناه
بسمه اخذيه عليك عافيه اقول له اختي تبيك
نوف لا مشكور حبيبتي ماخذ واحد قلبه متعلق عند وحده ثانيه وانتي لما عرفتي ان الزواج عندنا على كيف الرجال خفتي هااا
رفين ليه اخاف سلامات
نوف سلامات حبيبي مو على بعضك سلامات
رفين تنكت بعد
نوف ايه دمي خفيف انتي ماتبين عمي احمد بس اذا قال بيخطبك اقري الفاتحه على عمرك
رفين مالت عليك وعلى عمك ماني ماخذته حتى لو كان ولد خالي مو غصب الزواج
نوف قولو امين ارقص في عرسكم انتو الثنتين
في يوم واحد
وانتهت الحفله على خير والكل رجع بيته
……………….
ثاني يوم في بيت توحيده
على طاولة الغدا
مطلق وين العيال ماشوف احد
توحيده تعرف امس كانو سهرانين ومانموش الا الفجر
مطلق وعليا وينها
توحيده تعبانه شوي من حفلة البارح فخليت الخدامه تودي الغدا ليها في اوضتها
مطلق يعني بس انا وحلوتي هنا
توحيده شوفت بعد كم سنه بأينا لوحدنا مره تنيه
مطلق شرايك نتغدا في مطعم انا وانتي بس
ويمسك يدها ويبوسها
توحيده استحت يوه ياحج لحد يشوفنا تقول مراهقين على كبر
مطلق من الكبير تراني للحين في قوتي سامعه
توحيده الهي يديك القوه طول العمر يارب
واسمعو
؟؟ الوالد طايح مغازل في الحبيبه يعني نطلع من هنا
ولتفت مطلق وتوحيده وشافو احمد
مطلق هلا اشوفك صاحي
احمد وهو يجلس معاهم على الطاوله
ايه يالغالي عندي كم شغله في المكتب ابي اخلصها
توحيده حتى في يوم اجازتك يبني ارتاح
احمد معليه يالغاليه لازم اروح عندي قضيه مهمه بكرا في المحكمه وابي اجهز لها
بس لا ضيعون سالفتكم
مطلق أي سالفه مع وجهك حرام اتغزل في حرمتي
احمد لا حلالك خذ راحتك بس تدري اغار وتقهروني وهو يبتسم
توحيده يوه جتك ايه ياواد بتغار منا انت بس اقول ياجواز وشوف حخطب ليك ست البنات وعيش معاها ولا تغار منا
احمد(اااااااااااااه يمه انا مابي الا وحده بس اهي شايفه نفسها)
متى ماطلبت الزواج ببلغك يالحبيبه
قام وحب راسها
اخليكم تكملون مشهد الغزل
مطلق احسن توكل على الله
طلع احمد
توحيده ربنا يهديه متكلم اعيالك ياحج انا عوزه افرح فيهم لمتى وهم مش عاوزين الجواز عوزه اشوف عيالهم
مطلق مقدر اغصبهم ياتوحيده اخاف بكره يعيشون مشاكل مع حريمهم متى ماقال بتزوج خطبي له زين
توحيده ربنا يهديهم
مطلق وين كنا قبل لا يقطع علينا احمدوه
توحيده تبتسم له
………………….
في بيت سلطان
في الصاله
هدى اقول نايف متى تبي اسوي لك حفله عشانك ترقيت في وظيفتك
نايف يالغاليه متى ماتبين سويها
هدى لا حبيبي انا ابيك موجود فيها
نايف والله يمه مالها داعي خليها حق حريم وبس
ماله داعي رجال وياهم
هدى مو على كيفك انت النقيب نايف سلطان الذيب رافع راسي وماتبيني اسوي لك حفله
ويسمعون صوت داخل عليهم
راشد الله يالغاليه بس نايف رافع راسك الحين
يسلم على امه ويحب رأسها ويدها ويجلس جنبها
هدى حبيبي انا راسي مرفوع فيك من زمان الدكتور الأخصائي راشد الذيب
انتو ماتدرون ياعيالي شقد انتو رافعين راسي الكل تحداني فيكم بس ربي نصرني وشفتكم مثل ماأبقى
راشد للحين مانسيتي السالفة تراها قديمه
نايف وهذا احنا صرنا مثل ماتبين
هدى أرجعت لذكرياتها لورى كثير
كانو اعيالها توهم صغار وكانو مجتمعين مع خوات نوره ام زوجها
واسمعت وحده من بنات الخاله تقول
صدقيني ياخالتي اعيال سلطان من كثر مادلعتهم امهم بيفسدهم الدلال وماراح يفيدهم اذا اكبرو لازم ترص عليهم من وهم اصغار عشان اذا اكبرو ينفعونهم
اخت نوره والله صادقه لمتى وهي أي شي يطلبونه وتسويه لهم بسها دلال حتى لو ابوهم عايش في خير
هنا هدى داخله عليهم بعد ماسمعت كل شي ووقفت وتناظر فيهم بحقد وتحدي
سمعو اعيالي الي تظنون اني بفسدهم بدلالي بتشوفونهم اذا اكبرو احسن الوظايف والمراكز ومحد يقدر يوصل مواصيلهم وان شالله ربي يعطيكم طولة العمر وبتشوفون
هدى تتذكر كيف ردت عليهم بس مابردت قلبها كانت تتمنى يكبرون اعيالها بسرعه وتثبت لهم كلامها وكانت سرحانه
نايف يالحبيبه وين سرحتي
هدى هااا معاكم ولا تضيع الموضوع الحفله بسويها الخميس الجاي مالك عذر
نايف الي تبينه كم هدهد عندي
هدى زين ومتى ناوين افرح فيكم وانت ياراشد متى بتفرحني واشوف اعيالك
راشد لحد ماربي يأمر يالغاليه
نايف اقول يالغاليه انتي تدرين ان راشد مايبي الا وحده وانتي تعرفينها زين
هدى هذا المشكله ياولدي هذي البنت ماتصلح لك شتبي فيها شايفه نفسها مالت عليها
راشد يمه هذا اختيار قلبي مو بيدي
هدى زين اكلم ابوك يخطبها من عمك ليه تنتظر سموها بعد دراسه وخلصت مالها عذر
نايف تسوين خير فيه رحمو اخوي وخلوه ياخذها تعب المسكين
راشد نويف وانت شعليك خلك في نفسك
نايف هذا بسوي خير لك
راشد مشكور مانبي خدمتك
وبخطوات طفوليه تسرع داخله عليهم وتضحك
وسيده عند خالها راشد
راشد ياخذها ويبوسها
ندى داخله مع مشعل ولدها
اقول ياراشد نزلها يدينها وسخه الله يهدي ابوها عطاها شوكولاته خل الشغاله تغسلها
سلمت عليهم
راشد يحب بسمه الصغيره
هلا بعيون خالك وقلبه ويحضنها بقوه
نايف هلا بسوم شلونك تعالي لخالك سلمي
انزلت من خالها راشد وراحت لنايف حبها وجلسها في حضنه
هدى خلو الشغاله تغسلها لا توصخكم
بسمه الصغيره لما جات الشغاله تاخذها
لا مابي وحري عني
راشد قام وخذها
انا اغسلك بعد شتبين وباسها وراح يغسلها
ندى الله يخليكم لها والله انها تبي تجي كل يوم هنا
عشان خالها راشد عودها يوديها محل الألعاب ويشتري لها الوان واشكال
نايف هذي اصغر حفيده عندنا بندلعها
وانت شعيل شلون الدراسه معاك
مشعل تمام
نايف شد حيلك وتخرج بسرعه ولا تبلط في دراستك
مشعل ان شالله اخلص من الدراسه
ندى اهو يقول بس ياخذ الشهاده لما يكبر بيجلس سنه يوسع صدره لا شغل ولا مشغله
هدى وشو حلو ذي اسمع مشعل حبيبي مثل ماخوالك صارو انت لازم تصير مثلهم وترفع روسنا سامع
مشعل بقلة حيله ان شالله جدتي ولا يصير خاطرك الا طيب
راشد جاي وهو يطير بسمه بيدينه ويبوسها
يعني جايه عشان اوديها محل الألعاب مو هينه
ندى قلت لكم عودتها الله يهديك ياخوي
وتحمل الحين
راشد لو تبي عيوني بعطيها بس حبيبتي بسوم بروح ابدل ووديك زين
بسمه الصغيره استناك لا تنحاش
راشد متى انحشت عنك
نايف مو هينه شرايك انا اوديك
بسمه لا اول راثد بعدين انت
هدى بعد تتشرط الحين وين بوسة جدتك
ندى بسوم تعالي سلمي
قامت بسمه واحضنت جدتها وباستها
راشد صعد غرفته عشان يبدل
لبس بنطلون جنز وتي شرت ابيض
وقف عند المرايه وتعطر وفتح درج التسريحه وطلع صوره بسمه الكبيره طلب من شغالتهم تجيب صوره لها وعطاها مبلغ محترم
راشد وحشتيني لي كم يوم ماشفتك ولا كلمتك
باس الصوره ورجعها مكانها ونزل
……………..
……………….
في بيت نادر
نوف ياه تعبت من كثر النوم
هيله تو الناس بيأذن المغرب وانتو للحين نايمين
ماما نوره وين بسمه ماصحت
نوف الا بس قالت بتسبح اول وبعدين بتنزل بس انا ماما جوعانه كثير وين الشغاله تحط لي غدا
هيله في المطبخ خليها تحط لك
نوف طيب بروح لها
فيصل توه نازل
السلام عليكم
امه وجدته وعليكم السلام
الجده نوره ياولدي من نمت ماقمت صليت فاتتك صلاة الظهر والعصر
فيصل غصب ياجدتي مانمنا الا الصباح
بس صليتهم وربي يغفر ان شالله
هيله اذا انت جايع رح لشغاله تحط لك اكل تو نوف راحت
فيصل اجل بروح الحق على الجدور لا تنظفهم الحين وراح المطبخ
نادر بعد مادخل السلام عليكم
الجده وهيله وعليكم السلام
هيله عساك على القوه كيف العمليه اليوم
نادر الله يقويك ياقلبي ابشرك انجحت والحمدلله
الجده نوره الله يقويك ان شالله
نادر بدعواتك يالغاليه ورضاك
الجده نوره الله يفتحها عليك ويقويك ياولدي
بعد يومين والأجواء شبه هاديه
الساعه عشر باليل
رفين مام الله يخليك بطلع مع ربعي ومابتأخر
مهره الله يهداك شوفي كم الساعه بيدك عيب تطلعين بهالوقت
رفين اووه مام ربعي عازميني على الكافي وبعدين بنروح السوق نشتري كم شغله ضروريه لنا ونرجع بليز مام وافقي
وقامت تحب رأسها وخدها
مهره مقدر فيك خلاص روحي بس لا تتأخرين
رفين قامت بسرعه والبست عبايتها وانزلت لسواق الي كان ينتظرها عند بداية مدخل الفلا
اركبت وعدلت غطاها وحطت اللثمه
يالله موسى حرك
موسى اوكيه
بس شافو سياره اعترضتهم عشان مايطلعون من الفلا
ينزل بكل ثقه ووسامه
ويوقف عند نافذة السواق
احمد وين موسى
موسى هزا مدام رفين روح برا
احمد نعم في هالوقت
راح من جهة نافذتها وطلب من السواق ينزل النافذه
وتسند عليها وهو يناظر رفين
وين العزم ان شالله
رفين بتأفف بطلع
احمد في هالوقت بطلعين
رفين ايه معزومه وامي راضيه وانت ماعليك
احمد الا علي وعلي مافيه طلعه الساعه عشر متى ناويه ترجعين حضرتك
رفين اوووووووووووووووه وانت شعليك منت وصي علي سامع حرك موسى
احمد فتح بابها وسحبها بالقوه وطلعها
وصار يسحهبها لداخل وهي تصرخ وتضرب كتوفه
رفين يالخايس عورت يدي اتركني
احمد بعد مادخلها تركها
ذلفي غرفتك واذا سمعت انك طلعتي بمثل هالوقت حشيت ارجولك سامعه
رفين مالك شغل فيني ولا لك كلمه علي
احمد شي حلو مالي كلمه عليك ليه ليكون انتي عايشه في امريكا وحنا ماندري تبين تطلعين على كيفك وترجعين على كيفك انت عايشه في هالبيت تحترمين مواعيده واهله الي ربوك سامعه
توحيده على صوت الصراخ جايه
ايه مالكم فيه ايه مالك ياحمد بتزع على رفين ليه
رفين شوفي اولدك وقولي له ماله شغل فيني احسن له
احمد احترمي نفسك ولا ترفعين صوتك على امي يالتبن وهذا انا قلت والله اذا طلعتي لا تلومين الا نفسك
توحيده صلي على النبي وروح انت شغلك خلاص بنتي حببتي رفين مش حتخرج طيب
رفين لا مو بنتك وبطلع ماله شغل فيني
ولا شافت الا طرااااااااااااااااااااخ
من احمد ارفين ذلفي غرفتك ولا والله لأخليك تشوفين الوجه الثاني لأحمد وساعتها بتندمين طول عمرك
رفين اصعدت لأمها وهي تصيح
توحيده ضربتها ليه يابني حرام عليك
احمد تستاهل ولا عاد ترفع صوتها عليك واذا سمعت ان عمتي رضت لها واطلعت بمثل هالوقت لأحش ارجولها مابقى الا هي بعد
انا طالع تامرين على شي
توحيده رايح فين دلوقتي
احمد سلامتك المزرعه مع اخواني واعيالهم
توحيده طيب ماتتأخروش انت واخوك
احمد تااااامرين وحب يدها وطلع
في غرفه مظلمه اكتساها الحزن من ذاك اليوم المشؤوم تبكي قهر على حالها وحزن على شرفها الي ضاع قررت وخلاص بس قبل
خذت جوالها ودقت على صديقتها
ريماس بلهفه هلا جود وينك لي يومين واسأل عنك واكلمك وماتردين طمنيني عليك
جود تمسح دموعها خلاص يارماس حياتي مالها معني بعد اليوم ابوي وامي اتركوني وانا صغيره وماخذوني معاهم بس انا بلحقهم الحين
ولازم تعرفين انتي احسن واوفى صديقه عشت معاها
ريماس بخوف جود حبيبتي انا جايه لك خلك مكانك الحين بجيك
جود ماراح ينفع خلاص جود ماتت روحها بعد ما تركي الذيب سلبها شرفها واليوم جسمها بيموت
ريماس وهي تركب السياره مع السواق
جود والي يسلمك حبيبتي كل شي يتصلح انا جايتك خلك معاي وكلميني سامعه
جود ريماس انا قررت الحق امي وابوي خلاص
وسكرت الجوال وراحت عند شرفة الشقه كانت ثالث دور وقفت عند بداية الشرفه وتناظر الشارع ودموعها تنزل وتتذكر حياتها
جود بنت يتيمه من كان عمرها سنتين بعد ماتوفى ابوها وامها بحادث سياره الله نجاها من الموت وخذها عمها مع زوجته يربونها لأنه ربي مارزقهم اعيال وعمها ماكان حنون كثير عليها وزوجته تحبها بس همها الطلعات والسهرات يعني جود ربت نفسها وتعرفت على ريماس بداية الجامعه وصارو ربع كثير لقت فيها الأخت والصديقه الحنونه لها
بس في ذاك اليوم المشؤم الي اغلطت على تركي دفعها شرفها
كانو جالسين في كافي عام وتركي يعرف ريماس من زمان بس اهي ماكانت تعطيه وجه وكل ماحاول معاها توقفه عند حده بس في هذا اليوم لما تركي تمادى مع رماس مسك يدها وسحبها بيركبها سيارته
جود صرخت عليه ولمت الناس وبعد ماسمعته كلمتين عن تربيته اتفلت عليه
وماكانت تدري انها بتكون نهايتها على يده
تذكرته وهو يعتدي عليها بكل وحشيه وقبل لا يطلع يكتب شيك تعويض لشرفها الي راح
امسحت ادموعها وغمضت عيونها واطلقت ايدينها في الهواء لتسقط من اعلى ارتفاع على الأرض بكل قوه وتنزل الدمااااااااااااااء منها
احب اترك التوقعات لكم مثل ماتبون
لأبطالنا
بس مثل ماتعودتو معاي
نروق ونهدي اعصابنا لأنها مهمه
لللأحداث الجااااااااااااااااااااااايه
من
العشق الممنوووووووووع
@@@@@@
في بيت شوق
ام وليد هلا اخيرا شرفتي حضرتك
شوق مظطره اتأخر خالتي عندنا شغل كثير في المعرض
ام وليد وولدي شذنبه من المغرب هنا يوم صار له راحه اليوم كان جلستي معاه
شوق خالتي احنا عندنا عرض نهاية الشهر لازم نخلص كل التصاميم الي عندنا
ووليد مقدر ضروفي
وتوها بتطلع الدرج
ام وليد على الأقل جيبي ولد له عشان يسليه اذا حضرتك بتنشغلين عنه
شوق انقهرت لأنها نفس اسطوانة كل يوم مع ام زوجها سالفة العيال
خالتي العيال متى ماربي كتبهم لنا بيجون
ام وليد باين صار لكم 7 سنين من تزوجتو وللحين البطن فاضي اقول روحي لزوجك ابرك
شوق ماتحب تجادلها كثير لأنها عارفه بتقلبها هوشه وهي ماتبي تصير مثل اخر مره لما تهاوشت معاها بسبب هالموضوع واغلطت عليها وزعل وليد منها وعصب عشان امه وشوق راحت بيت اهلها شهر كامل بس اخوانها صالحوهم ببعض
اصعدت الدرج وهي تسب وتلعن فيها
؟؟
؟؟
الناس مجتمعه والي يتصل بالشرطه والي بالأسعاف
كان المنظر بشع كثير كثير
انزلت من السياره وشافت تجمهر الناس حاولت تدخل بينهم
وشااااااااااااااااااااااااااااااااااافت
الصدممممممممممممممممه
المؤللللللللللللللللللللمه
صديقتها على الأرض وسط دمائها المليانه حولها
ريماس بصرخه قويه
جوووووووووووووووووووووووووووود
وجات بتروح لها بس فيه حرمتين امسكوها
الحرمه الأولى يابنتي تعرفينها
ريماس وسط اصياحها
هذي اختي وصديقتي خلوني بروح لها
الحرمه الثانيه مايصير يابنتي لازم الشرطه تجي وترفع البصمات يمكن احد راميها من فوق
ريماس وخرو عني جود جود
كلميني لا تروحين وتتركيني الله يخليك
جووووووووووووووووووووود
في احدى المستشفيات
هيام خلاص ياغرام تعبنا وشوفي الساعه صارت كم خلينا نرجع
غرام ليه مستعجله صبري الا مراح نلقى موضوع مهم وننشره في المجله
هيام انا تعبت وابي انام
غرام انا لو اعرف اصور مثلك كان خليتك ترجعين بس انتي احسن وحده تصور عندي انتظري ساعه واذا ماشفت شي بنرجع اوكيه
هيام طيب ساااااااااااااااااااااااعه بس
………………..
………………..
……………………..
رفين والله يمه اذا تدخل ثاني مره بذبحه زين
مهره ياقلبي احمد كان خايف عليك وكلامه صحيح مافي وحده تطلع بهاالوقت متى بترجعين والناس شبيقولون عنا
رفين ماعلي من الناس وانتي راضيه وواثقه فيني اهو ما له شغل فيني
الحيوان الكلب
مهره رفين عيب هذا ولد اخوي وولدخالك
وانا بكلمه عشان مايضربك ثاني مره طيب
رفين مدت يده علي والله بطلعها من عيونه
اوريه الزبال الحقير
مهره انا بروح غرفتي انتي اذا صرتي معصبه تقولين كلام ينرفز الله يهداك
اطلعت
رفين زين ياوحيمد اذا مادفعتك الكف غالي
وعشان امك الي أتمنى تموت اليوم قبل بكره
ماكون رفين
؟؟
هيام مرت ساعه ولا شفنا شي
غرام طيب خلينا نمشي
وتوهم بيطلعون بس شافو سيارة الأسعاف والشرطه جايه وينزلون وحده بالنقاله وركض لطوارئ
ووحده تصرخ وتصيح وهي تلحقهم
غرام هيام لحقيني بسرعه
هيام اكيد دام شفتي هالمنظر
وراحو ركض ورى البنت الي تصيح وكانت منهاره على الأرض
قربت منها غرام واجلست جنبها
خير اختي سلامات
ريماس تصيح وتصيح
وماشافت الا حضن غرام الي ارتمت عليه
غرام تمسح على راسها ذكري الله اختي
والي ربك كاتبه بيصير
شفيك ومنهي المريضه الي داخل
ريماس وهي تتكلم بصوت مخنوق من الصياح
اختي وصديقتي راحت بسبب كلب وحيوان
ماهمه الا يوسع صدره سلبها شرفها
شرفهاااااااااااااااااااااااااا
غرام وانتي تعرفين النذل الي سوا كذا
ريماس اعرفه واحد زبال ومافيه خير
وان شالله يشوفه في خواته وينحرق قلبه عليهم
غرام اختي انا اسمي غرام ناصر ال..
صحفيه في مجلة ال…..
وانا اكتب في قسم الحوادث وحابه اساعدك
ريماس اجل كتبي وخلي العالم يعرف عن اخلاق الطبقه العاليه الي بنقال لهم هوامير الديره شيسون في بناتها
غرام يعني انتي بتتحملين كل كلمه بتقولينها ومراح تغيرين رايك بعدين وانا بتحمل كل كلمه بنزلها للقراء
ريماس ايه بتحمل
هذا واحد كلب اعتدى على صديقتي بعد مادافعت عني لما شافته يتمادى معاي وقفت في وجهه ولمت عليه الناس ولما غلط عليها بالكلام اتفلت عليه وكان عقابها اعتدى عليها
غرام ومنهو هذا قولي اسمه
ريماس
اسمه تركي سلطان الذيب
غرام انتي متأكده الي جده مطلق الذيب
رجل الأعمال المعروف عندنا
ريماس اهو بعينه حسبي يالله ونعم الوكيل عليه
ضاعت ضاعت جود انتحرت بسببه
غرام قولي خير طالما الدكاتره داخل معاها اكيد فيه امل تعيش
ريماس تعيش رمت روحها من ثالث دور وتعيش ااااااااااااااااااااااااه ياجود
راحت راحت
غرام ان شالله ربي يكتب لها طولة العمر
هيام بنات الدكاتره اطلعو
راحو البنات لهم
ريماس بخوف دكتور طمني على جود
غرام دكتور ان شالله تكون بخير
الدكتور انتو تقربون لها
ريماس انا صديقتها دكتور الله يخليك تكلم
الدكتور والله مدري شقول يعني اهي عايشه ومو عايشه
غرام وضح الله يخليك
الدكتور اهي طاحت من الدور الثالث وعليه تكسرت اغلب اعظامها خاصه الحوض يعني اذا عاشت بتظل مشلوله طول عمرها واحنا قررنا نخليها تحت المخدر فتره طويله عشان العمليات الي قررنا نسويها لها والي تحتاج بناء وترميم العظم لها
والحين ابي احد من اهلها عشان يوقع على العمليات وغير الشرطه تبي تسأل اهلها كم سؤال
ريماس ماتحملت واجلست على اقرب كرسي لها وتصيح وتتحسب على تركي
وغرام تهديها
هيام دكتور الحين بجيب لك ارقام اهلها بس لما تهدا صديقتها
الدكتور بسرعه لو سمحتو كل تأخيره في العمليات ممكن نفقدها
بعد ماراح
هيام لو سمحتي ريماس لازم تعطينا ارقام اهلها عشان يجون
ريماس اهي يتيمه وعايشه مع عمها بس اعرف رقم شقتهم
غرام سمعيني ريماس من بكره بفضحهم في المجله ولازم الناس يعرفون حقيقتهم
هيام غرام انتي ماتلاحضين انك متحيمله على هالعيله بالذات وذاك الأسبوع كاتبه عليهم اكثر من موضوع
غرام واذا انا صحفيه ولازم اكتب كل شي اشوفه
ريماس لازم نفضحهم ونفضح ولدهم
ليه نخليه يهرب بفعلته انا معاكم وبقول كل شي
الشباب مجتمعين ومبسوطين
نايف وخالد يلعبون بلاي ستيشن كوره
فيصل وتركي يسبحون في المسبح
فواز ومسفر يلعبون تنس
احمد وراشد جالسين على الكراسي في الحديقه
ويسالفون
احمد ومتى ناوي تتقدم رسمي لها
راشد مدري شقول لك انا ودي اهي توافق علي وتحبني مثل ماأحبها
احمد والله انت الي معطيها وجه اهي صحيح بنت اخوي واحبها بس لمتى وهي تماطل معاك
الكل يعرف انك تبيها ومن زمان انا اقول خلنا نروح مع جدك وابوك وباقي عمامك ونخطبها رسمي وملك عليها وساعتها خلها تحبك على كيفك
راشد انت شايف كذا
احمد ايه خلاص ملك عليها وبعدين متى ناوي تسافر عشان تكمل رسالتك لدكتوراه
راشد انا اوراقي جاهزه ومخلصه بس باقي يحددون لي تاريخ دراستي عشان اروح
احمد اجل خلاص لا تروح الا وهي معاك فهمت وانا بكلم جدك واتفق معاه
راشد ماتقصر يالعم بدونك مدري شبسوي وعقبال مانخدمك في فرحك ان شالله
احمد ان شالله بس لما اكسر غرورها واعلمها منهو احمد الي مستهينه فيه
راشد احلى ياجامد العب على كيفك
ويناديهم واحد من الي يشتغلون عشان يتعشون
بعد ماجلسو كلهم على طاولة الأكل وسوالف وضحك
بخطوات مسرعه يجي ويوقف عند تركي
تركي هلا صادق حياك تعشى معانا
صادق كثر الله خيرك بس طويل العمر بقيتك في موضوع مهم
تركي موضوع قوله مافي احد غريب هنا هذيلي اهلي وربعي
صادق يبلع ريقه الموضوع خاص اشوي
تركي يابن الحلال تكلم
احمد قول صادق شعندك
صادق الموضوع بخصوص البنت الي ذاك اليوم كنت معاها في الشقه
الكل ناظر تركي
وهو قام بسرعه ومسك ذراع صادق ومشى معاه لمكان ثاني وبسرعه
خالد اكيد فيها سواد وجه
مسفر ماقلت شي جديد هذا الي بيفشلنا
احمد لا تستعجلون خلونا ننتظر ونشوف
بالنسبه لراشد ونايف انحرجو من عمامهم واعيال عمهم نادر لأنهم عارفين سوالف اخوهم وخرابيطه
تركي وهو يوقف
الله يهداك ياصادق يوم كان الموضوع عن البنت الي في الشقه ليه تكلمت
صادق بس انت قلت اتكلم
تركي في هالموضيع لازم تعطيني شفره عشان افهم
المهم شفيها البنت
صادق الحين بلغوني انها انتحرت
رمت روحها من ثالث دور
تركي منصدم وخايف
انتحرت انتحرت
يعني ماتت
؟؟؟يتبع
الفصل الرابع
من
العشق الممنوع
@@@@@@@@@
تركي ماتت تكلم
صادق بصراحه الي قالو لي يمكن تعيش بس شبه ميته راح يخلونها تحت التخدير فتره طويله لأنها تحتاج ترميم عظام واذا عاشت
احتمال تكون مشلوله
تركي ضاقت الدنيا فيه وحس بالندم كثير لأنه اهو تسبب فيها
الحين اهي في أي مستشفى
صادق في مستشفى حكومي
تركي خلاص انقلها للمستشفى حقنا الحين
صادق صعب ياطويل العمر
تركي ليه صعب
صادق احنا مو ولي امرها ولازم اذا بتطلع تحت مسؤلية عمها
تركي وعمها وينه انا اكلمه وبخلي علاجها على حسابي
صادق اهو مسافر الحين وبكره بيجي
تركي وانا بنتظر لبكره روح كلمه وخله يجي
وقاطعهم صوت نايف وراشد
راشد خير تركي
نايف قول أي مصيبه جايبها لنا
تركي راشد طلبتك عندي مشكله ولا احد بيحلها الا انت
راشد شكلك يقول المصيبه شايده
نايف تكلم خلصنا
تركي ………
……………….
وصار يخبرهم بسالفته
؟؟
؟