دجاج التكا والمثومه والخبز البوري والكولسلو من ايدي .وعلى طريقتي -طبق رئيسي 2024.

كيفكم صبايا..اشتقتلكم واشتقت للمطبخ ..
اليوم راح انزل غدانا ليوم الجمعه ….وهوووووووووو

دجاج التكا …والمثومه …والخبز البوري
..وسلطة الكولسلو…من ايدي …وعطريقتي

المكونات…دجاج التكا..
____________

دجاج ..ليمون ..بهارات تكا ..بابريكا ..بصله ..توم ..ملح ..
فلفل اسود …لبن …خل …

__________
مكونات المثومه
___________
بطاطا مسلوقه …راس ثوم مسلوق…و4حبات غير مسلوق
مايونيز …ملح ..
__________
مكونات البوري
_________
طحين ملح ماء زيت
___________
مكونات سلطة الكولسلو..
___________
جزر …ملفوف اخضر
مايونيز ….ماء…سكر حسب الرغبه

طريقة الدجاج التكا.
بحب بعد تنظيفه ونقعه وفركه جيدا بالثوم والليمون اسلقه
سلقه خفيف اشيل الزفره منه …مع بصله .
وبعدين اصفيه وافركه ببصل مفروم ناعم كتير وليمون واضيف
خلطه مكونه من لبن رايب ..وقليل من البهارات البابريك والخل
وفلفل اسود وثوم وزيت زيتون حسب الرغبه اخفقهم مع بعض
وملح وانقع الدجاج فيهم طول الليل ..
وتاني يوم اصفيه واشويه عالنار انا سويته عالمنقل
للاسف نسيت اصوره وهوه بنشوى عالنار.
واقلبه كل شوي حتى ينضج جيدا.

والان طريقة المثومه ..
بعد ما اسلق البطاطا والثوم ..ازيل القشره عنهم واحطهم
بالخفاقه مع الثوم النيء والمايونيز والملح
واخفقهم جيدا حتى يسيروا متل الكريمه .

طريقة الخبز البوري…
اضيف الطحين 3كاسات كبار واضيف عليهم الماء والزيت
حسب العجنه والملح بدون اضافة الخميره
عجينتهم تشبه الششبرك …والسمبوسك..
وبعدين اقطعهم حتى يرتاحوا وافردهم بشكل دائري
واقليهم بزيت حامي جدا ..واقلبهم بسرعه اول ما يسير
لونهم ذهبي حتى ما يسيروا مقرمشين كتير

الكولسلو …
بعد غسل الملفوف والجزر جيدا افرمهم بشكل ناعم
واضيفهم للمايونيز والماء وقليل من السكر واخفقهم جيدا

اكلات كتير طيبه خاصه مع البطاطا والسلطات
وان شاءالله تعجبكم اكلاتي …واذاعجبتكم ما تنسوا
تقيموني وصحتين وهنا عقلبكم ….