السلام عليكم ورحمه الله وبركاته
ازيكو يا بناتيت
خليكي ناصحه ادبحيله القطه وخلي كلمتك ماشيه
كـــــــــــــــــــــــــــل سنه وانتو طيبــــــــــــين
ومع خطابكو باذن الله متجمعين
النهارده يابنات جيبالكوا موضوع مهم جدا
وهو اننا كلنا تقريبا او معظمنا بيقع في غلطتين ممكن يودونا في ستين داهيه ويخسرونا خطابنا وحياتنا
معنــــــــــــــى كلامـــــــــــــــــــي اييييييييييه؟؟؟
هقولكوا
الغلطه الاولى
واللي شائعه جدا بين المخطوبين وانا مابقولش كله
الغيره بخنقه
ازااي؟
تيجي الواحده مننا تتخطب تقعد بقى كانها ماسكه دراع بلاي استيشن هي اللي بتتحكم فيه
روحت فين ؟ جيت منين؟ ماتروحش لصحابك انت بتسهر معاهم كتيروانا بضايق
بتكلم مين عالفون
نمره غريبه رنت عليك دي اكيد بنت
والنكد اللي لايودي ولايجيب ده
طب ماتسيبيييه يرووح لصحابه هو انتي مش بتثقي فيه؟؟
يعني بالذمه هو لو مش عاوز يعرفك انه رايح لصحابه هيعرفك؟
وبعدين يعني هيكونوا بيعملوا اييه؟
جمعيه مثلا؟
ماتكتفهوش
ماتقعديش تقوليله ايوه مهو سيادتك بتخرج مع صحابك وسايبني مرميه ف البيت
بلالالالاش كده
ماتخليهوش يحس انك مش مصدر سعاده ليه بقيتي مصدر نكد وغم وهم
ماتحطيهوش في صندوق ازاز ومش عاوزه حد يلمسه
حرام عليكي
محدش بيعرف يعيش كده
البني ادم من دول بيتجوز علشان يبقى بيحب حبيبته في الحلال
مابقولش تبقي هبله وماتغيريش عليه
بس كل شييييييييء بحدود
علشان مايجيش يوم ويهرب منك
وكانك حطه طوق حوالين رقبته
هيجرالك حاجه لما تقوليله اخرج واتفسح مع اصحابك انابثق فيك
بس خلي بالك من نفسك؟؟
هتنقصي حته لما تلاقيه قاعد زهقان وتقوليله انزل اخرج مع صحبك فلان وفلان؟
هتموتي مشلوله لو قولتيله ربنا يخليك لصحابك ويخلي صحابك ليك وتبقوا متجمعين عالخير دايما؟؟
يابناااااات طول ماالرجل حاسس انك مابتثقيش فيه والله هايجي اليوم ويخونك فيه
مابقولش انك تديله ثقه مطلقه
بس بلاش بقى نظام csiميامي ده الله يكرمكوا
وتقعدي تفتشي في رسايله وايميلاته وكلم مين وكح امتى وعطس في وش مين
بلالالاش تحسسيه انه مش موثوق فيه
كتير منكوا بيقعد يعيط ويقول خطيبي بعد عني خطيبي مابيحبش يكلمني ولا يحكيلي على تفاصيل حياته هيكون مثلا من الباب للطاق؟؟مهو من عمايلك
واتعلمي واستفيدي من اخطاء غيرك
علشان مش محسساه انك بتثقي فيه ولو بنسبة 50%
وخلي الامور وسط
خليكي ناصحه وف نفس الوقت واثقه
طب تعرفي انك لوحسستيه انك بتثقي فيه وهو انسان بيحبك بجد اتوماتيك لو حس انه بيخونك ولو في ابسط شيء هيجي يقولك؟؟
وبلاش بقى لماييجي يقولك انا عملت كذا تمسكيله الخرزانه وتقوليله استناني ف مكتب الناظر ياحبيبي
وتقعدي تقطمي فيه وتعاقبي فيه كانه ابن اختك
عاقبيه بس بوسطيه
ولازم تحسسيه انك احترمتي فيه صدقه ليكي وادام جه قالك اناعملت كذا يبقى هو متاكد انه هو كمان بيثق فيكي
شديه ليكي ماتبعديهوش عنك وترجعي تعيطي
الثقه ثم الثقه ثم الثقه
طيب النقطه التانيه
اهله
ماتبقيش هبله وتسمعي لوحده تقولك اكسري عنيهم وعرفيهم انك صحبة راي وشخصيه
لاياحبيبتي
لوبصيتي هاتلاقي انهم هما اللي اصحاب فضل عليكي انهم جابلوك زوج او خطيب زي زوجك او خطيبك
ولماتعامليهم حلو دوة مش تنازل عن كرامتك او كبريائك لاياحبيبتي انتي بتشترييهم بحنيتك وعطفك وحنانك
بالمختصر المفيد
يابنت الناس لو حسستيه انك بتحترمي اهله وبتقدريهم اتوماتيك هيشيل اهلك في نن عنيه من جوه
ماتستنيش يقولك والنبي يافوزيه اتصلي على ماما اصلها تعبانه
ماتستنيش يسالك سالتي على بابا وماما ولا لاه
مابقولش كل يوم
بس برضو بوسطيه
ماتستنيش او ماتديلهوش فرصه يعرفك الاصول مهو انتي اصلا بنت اصول ومتربيه اسبقيه وعرفيه اني بعمل الاصول من غير ماحد يوجهني
ولما اهله يجوا يزوروكي بعد مايمشوا اتصلي عليهم وقوليلهم انا متشكره جدا انكوا جيتولي ربنا يخليكوا ليا
مابقولش نندلق علشان الناس اللي بتفسر على مزاجها
خلي بالك ياقمر انتي وهي ان التعامل مع الراجل بذكاء هيسهل عليكي امورك بعد كده
وخلي بالك ان المثل اللي بيقول اقرب طريق لقلب الراجل معدته ده مش صحيييح
انا بقول ان اقرب طريق لقلب الراجل اهله
اعتبريهم باباكي وممتك
تعرفي انك لما تعامليهم كويس لو جه في يوم ابنهم لاقدر الله وزعلك هما اول ناس هيقفوله؟؟
وهيبقوا معاكي ضده رغم انه ابنهم؟؟
طيب بلاش اكيد انتي مش عاوزه حد يقول على اهلك دا ماعرفوش يربوا
او يتقال على حبيبك دا مش عارف يلم مراته وممشياه عالعجين مايلخبطوش
حطي كل الكلام ده في دماغك هتعرفي اتوماتيك تتعاملي ازاي
وبالطريقه دية مش هتبقي كسبتي بس قلب حبيبك
لاه داانتي كمان اجبرتي الكل الكبير قبل الصغير انه يحترمك ويحبك ويعاملك كويس
وحتى لو هما وحشين عامليهم حلو لسبب
ان ممكن في يوم من الايام ربنا يبعتلك زوجة ابن تعمل فيكي زي ماعملتي فيهم
والحديث بيقول
ان لم تستحي فافعل ماشئت فكما تدين تداااااااااااااااااااان
احب انبهك انك كده بتبني علاقه صحيحه على اساس سليم للمستقبل ليكي وللاولادك
ماينفعش الاولاد يطلعوا يلاقوا العيله كلها كياده لبعض يبقى ماتستغربيش لو الاخ واخوه ماحبوش بعض وبقوا انانيين
والله الموضوع سهل وبسيط
وبلاش ارجووووكوا تفاهه وتقعدوا تقولوا بيوصل اهله مش عارفه فين هو مافيش غيره والكلام اللي يفقع المراره ده
اللي مالهوش خير في اهله مالوش خير ف حدوماتقعديش لمايقولك مااتصلتيش على اهلي ليه تقوليله اشمعنى هما مايتصلوش عليا
هحكيلكوا موقف
من يومين كنت بكلم احمد او هو اللي بيكلمني وقالي يا(اسمي)ابقي اتصلي على اختي وعيدي عليها مش هخبي عليكو انا اضايقت بس قولت لنفسي هي مكلماني امبارح كتر خيرها قولتله حاضر
وفعلا كلمتها
لماجالي امبارح جالي هو باباه وممته واخته وولادها والله العظيم فرحت جدا
ولقيته بيقولي هي مكنتش هتيجي معانا بس انا ضحكت عليها وقولتلها تعالي رايحين مشوار ولما ركبت قولتلها اننا جايين عندك قالتله بس اناجوزي مايعرفش
قالها ماليش دعوه هتيجي يعني هتيجي على فكره هي بتحبني بس ماكنتش عامله حسابها على انها هتجيلي كانت قايله لجوزها انهم رايحي مشوار تاني
بس والله العظيم لمالقيته بيقولي كده احترمته جدا جدا واتاكدت ان زي ماناجبرت بخاطره لماطلب مني طلب ونفذته بدون نقاش هو كمان جبر بخاطري وجابها معاه وانا بحبها ووالله جدا
نكمل
ولو هو جايلك هو واهله ماتخليهوش يقولهم روحوا وانا هبقى احصلكوا
لالالالالالالالالالا
ياستي الايام جايه كتير
حسسيه ديما ان اهله ف المقام الاول
بالوسطيه
قوليله اناشايفه انه عيب انك تسيبهم يمشوا لوحدهم روحهم وانا قعده مستنياك وبالذات لو هو اللي بيسوق
مش هتنقصي حته يعني
طول مهو حاسس انك شايفه واجباتك والله والله والله عمره مهيقصر ولا هو ولااهله في حقوقك وهاتلاقيها بتتقدملك على طبق من ذهب
ارجوكوا يابنات بلاش تبقي انانيه وتحرميه من اهله او توقعي بينه وبين اهله علشان سيادتك غيرانه عليييه
اووووووووووووعي تكوني السبب في ان ام تدعي على ضناها وتموت غضبانه عليه علشان خاطر سعادتك ترتاحي
اووووووووووووووووووووووووووووعي
هيجي ف يوم والحق هيظهرله وهيعرف انك انت السبب وبدل ماكنتي عوزاه ليكي لوحدك يبقى مش هتطوليه
وساعتها لاتلومين الا نفسك
ولا هتبقي طولتي بلح الشام ولاعنب اليمن
اوعي تسمعي لحد يقعد يقولك مشي انتي كلمتك عليه وعلى اهله
اوعععي
وخليكي فاكره انك مسئوله وهتقفي بين ايدين ربنا ف يوم وهتتسالي عن اللي عاملتيه في دنيتك من عمل صالح وطالح
وهتتحسبي عليه
في ايديكي انه يبقى ابن صالح لامه ويدخل الجنه بيهم او يكون مصيره الهلال
وخللللللللي بالك انا لماقولت في اول كلامي اهله ماكنش باباه وممته بس
وبلاش بقى اللي تقعد تقوليك انتي هتتجوزيه لوحده مش هو واهله
لا ياحبيبتي انتي بتتجوزيه هو وعيلته ماتبقيش خايبه
يعني ماماته وباباه واخواته واجواز اخواته ومرتات اخواته
لمايبقى اخو جوزك اوخطيبك ولنفترض شغله ف محافظه تانيه قوليله ياحبيبي قوم اسال على مرات اخوك وعيالها دول لحمك وبلاش بقى تقعدي تقولي يعني هي كانت بتسال علي هي وجوزها لما اسال اناعليها
قدمي ياحبيبتي الخير هاتلاقي
ماتقسيش قلبه على اخواته لاه حنني قلبه عليهم علشان هما راحو ولاجم هما اخوات وهتفضلي كده كده انتي الغريبه وهتشيلي الليله كلها
افتكري ديما انك بتعاملي ربناف المقام الاول
والرسول عليه الصلاة والسلام بيقول امرت ان اعامل الناس على قدر عقولهم
خدي كل واحد على اد عاقله
والله العظيم متاكده ان فيه ناس حالا بتقول في نفسها لما انا استحمل كل ده واخد كل واحد على اد عقله مين هياخدني اناعلى اد عقلي
الجواب باين
هو
خطيبك ياحبيبتي او جوزك
هيريحك ويشيلك في نن عنيه
وافتكري
ان الرسول صلى الله عليه وسلم قال
حديث فيما معناه
ان لو ينفع ان حد يسجد لحد غير ربنا كنت امرت الزوجه تسجد لزوجها
رضا ربك عليكي من رضا ززوجك واهله واهلك عليكي
اللهم قد بلغت اللهم فاشهد
جزاك الله خيرا
كلامك بيجنن ومهضوم .. يختي عليك
.. اقولك في اهل زوج بيغثوا الوحده
بتعمل معاهم ايه الوحده مابتقدرش تجامل دايما ..
ولك مني خالص حبي .. 
الله بعطيك العافية و يجازيك الجنة علي الافادة يارب