السلام عليكم ورحمة الله وبركاته
بصدفه كنت بعمل سيرش بالانترنت وشفت هالقسم كتير انبسطت حاسه نفس بدي افضفض لحد غريب بلكي يفهمني
انا مقيمه في بلد ومافي ارجع لبلدي ابدا لظروف ابي الله يرحمو مات وانا صغيره كان الحمدلله وضعنا مستور لكن بدينا ننزل واهل ماما بساعدونا وبعايرونا واهل ابي حتى بعد ما مات كان فيه مشاكل سبحان الله ما في اقارب او اصدقاء زي الناس
بنات خالاتي فيه بحكو معنا والله بغارو منا على ادنا شيء و التانيات مابحكو معنا لانو خالتي الكبيره كرهتهم فينا بدون سبب بس لانو ابي ماكان عاجبها
كتير بحس اني تبهدلت مع اني لسا صغيره وبحس شلنا هموم قبل عمرنا وفوق هيك اخوي الوحيد توفى
بحس ما النا ظهر حد يساعدنا يدافع عنا وامي الله يطول بعمرها بدها نكون مسالمين عشان نعيش في حالها بس انا مابدي مابدي هالشي مابدي اي حد يستطوي حطي ويتجرا علي
ادربت في مشفى الدكاتره حبوني كتير وكانو بدهم يخلوني اتوظف بس كانت الاولويه للمواطنين ورغم اني مواليد البلد بس موقف الوضع لحد مايخلصو هالامور فوصو علي بمستشفى خاص مشرف المختبر معدلو اقل من معدلي و وشهادتو اقل من شهادتي الفرق بينا انو هو معو خبره تلت سنوات وهو اكبر مني
ومن اول يوم هو بنفسو حكى الشهاده ممتازه
المهم المدير قلي عشان تخصصك ماشاء الله قوي وتوصياتك قويه رح نزيدلك الراتب شوي
فهاد الحيوان كل شوي بحكيلي احنا طلبنا الك الزياده عشان تحسي براحه قلتلو المدير الي اعطاني مو انتا
وبالمره ميت غيره مني بقلي دكاترك الي بالمستشفى الحكومي مهتمين فيك وبتصلو يسالو عنك
قلتلو الحمدلله انو سمعتي طيبه والناس بتحبني بس هو يا بنات مقهور مني ومتزوج بقلي انت دايما قاعده لحالك مابتحكي
شو بدو متلا احكي معو
يعني لما نكون فاضين مابعجبو اني ما بقعد عندو عشان احكي معو شو مفكر حالو
ولما حد بسال عني الا بدو يعرف شو بدو مني ومابرد عليه ومابحكيلو شي
بدو يدخل ويتحكم فيا
هو للاسف مدير ومشرف وعليه ضغط وماهو قد الضغط فبحط حرتو فيها ومرات بطول لسانو وانا مابرد عليه مو خايفه منو بس لاني بفترة تدريب مابدي يروح يشوه سمعتي لانو وسخ وقليل احترام وممكن يحكي عني اشياء مو منيحه
وللاسف بعمل مع المشرفه التانيه نفس الشي بس مابقدر يتجرا عليها لانها متزوجه والها اخوان واب
وهو عرف انو ابوي متوفي بصدفه بحس زي هيك انو هادي مالها ظهر فبدو ياخد راحتو
بس انا قادره اطيرو من كل البلد بشكوى في الوزراه لانو بالمره منصبو قليل ومابنفع يمسك مختبر بس اهلي حكولي مابدنا مشاكل وقطع رزق
وكتير قليل ادب والي قاهرني زياده انو مربي لحيه عامل حالو متلزم وهو فاسد حسبي الله عليه عم يكره الناس في المدينين وماحد بحبو من الموظفات بس بعمل حالو اخلاق ومتحترم قدام المدير
هو شايفني متكبره لاني مابحكي معو بدو واحده تضحك وتحكي معو
وانو لما يعصب بتكون ردت فعلي عاديه بدو اياني ابكي بدو يعمل حالو ذكر علي
روح استقوي ع مرتك
كل يوم بتحسب عليه وبكرهو وبحكي لامي بدي اترك بتقلي اصبري ما عليك منو ع الاقل خدي خبره لحد مايهدا الوضع بعدين بتشوفي غيرو انا بشكر الله كتيروبحمدو انو توفرتي فرصه اتوظف عشان مستوانا المادي يتعدل وكتير بنات بدهم يتوظفو ومو لاقين والله بسجد لله شكر على هالنعمه بس يالله شو هالابتلاء مع هالانسان والله كل يوم بحس حالي باخد ذنوب من وراه من كتر مابسب عليه
وكل يوم بتحسب وبدعي عليه من كتر كرهي الو بس لما بفكر فيها شو رح استفيد من القعده بالبيت غير هيك بدو اياني بشهر رمضان اداوم بالليل لحالي تخيلو قليل الزوق
وغالبا بكون دوام رجال بس المشرفتين تعانو معي وحكو بنداوم عنك خاصه انو مكانك بعيد الحمدلله
والله تعبت ظروفنا صعبه متى ياربي تفرج وتعطيني قوه ما تخلي حد يقدر يفتح تمو معي بكلمه
نظام الدوائر والمؤسسات بالوطن العربي كله مافيات
واحنا الموظفات كلنا كذا داومنا وشفنا اشكال الوان من الموظفين
وماكو حل غير التطنيش
اذن من طين واذن من عجين
وانظري للامور من الناحية الايجابية
يعني مثلا بعدك صغيرة وتوظفتي والراتب زين
وانتي لو بالدوام تتعرفين ع صديقات وتحاولي تبتعدين عنه
صدقي راح ينشغل وتنشغلين عنه
موفقة
استغفر الله العظيم
اصبري اختي ان الله مع الصابرين
الله يوفقك ويسعدك
إحمـدي الله وتجـآهلـيـه ولآتعبـريـه يجمعـكـم عمـل بـس!!
كـرري حسبـي الله ونـعـم الـوكـيـل دآئمـآ
الله يـوفقـك
و هيك رح تنحل 70 بالمية من المشاكل اللي ذكرتيها
بالتوفيق عزيزتي