حسبي الله ونعم الوكيل 2024.

ترددت كثير في كتابة موضوعي بس والله من قهري انا قبل كدا كتبت موضوعي في قسم مشكلتي بس حبيت اكتب موضوعي في هالقسم ﻷني ابغأ متابعة من ردودكم الحكيمة .. قصتي مع اختي العشرينية جابت لي القلق والتعب النفسي دايما تقاطعني بالسنة والسنتين ويمكن اكثر ودايما انا اللي ابدأ بالتواصل والله العظيم انها ما ترضى بالتواصل إلا بعد ما تهد حيلي وبشق الانفس وبعد ما تذلني بإمتياز والسبب تبغأني اكون خادمة لها لانها مستحقرتني إني فشلت في زوأجي علما إني بكر اهلي وهي الوسطانية بعدها بنات وصبيان وقبلها بنات بس هي الوحيدة فيهم ما تحترمني ولا تقدرني واللي خلاها تتكبر علي ويزداد غرورها إني انا البادئة بالتواصل بس مو ضعف مني لا والله بل خوف من عقوبة الله لقاطع الرحم ولكن ما ترضى إلا بعد ما تذلني !! والمصيبة انها تتعلم في التحفيظ علشأن تكون داعية وفعلا اخذت شهادة بإمتياز ﻷنهأ من الطالبات الممتازات في الدعوة !! وهي متبعة معي فن التقاطع !! والله ما انسى شمأتتهأ فيني بفشلي في الزوأج وتذلني بتجاهلها لي علشأن تبغأني اكون خادمة لها حتى الناس كلهم لاحظو انها مقاطعتني لا تلقي التحية علي ولا تكلمني ولا تجلس معي ﻷننأ طالبات في نفس التحفيظ والله اني سحبت نفسي من التحفيظ علشأن ارتاح من إحراجهأ لي مع الناس تعاملني مثل الغريبة .. وإذأ اشتكيت ﻷمي ما تصدقني ﻷن اختي الفاضلة تعرف تلعبها صح تبكي وتسوي نفسها بريئة وتقول كلام كله كذب في كذب حسبي الله ونعم والوكيل والله إني بديت اتجأهلها مثل ما تجأهلني بس اللي خلاني اكتب لكم مشكلتي هو خوفي من عقوبة قاطع الرحم آه يارب

المشاركة الأصلية كتبت بواسطة قبلة من فم الحياة اختي انتي اعملي الي عليك كلميها وحاولي انك ما تقطعي علاقتك فيها بس مو لدرجه الذل والاهانه لا خلي لنفسك قيمه واذا كلمتيها ولا ردت خلاص طنشي زيها لا تذلي نفسك عشان احد ليه المطلقه ماعندها قلب حسبي الله على المجتمع الفاشل ينظرللمطلقه كأنه ارتكبت جريمه مو بيدك فشل زواجك ربما كان فيه الخير لك وان شاءالله تتعوضي بالاحسن منه

والله العظيم لما أكلمها تحرجني بتطنيشها قوية جدا وصامدة تعطيني ظهرها وتمشي علشأن كدا انا قطعتها نهائيا لا كلام ولا سلام ولا تحية ﻷني لما اكلمها تعاملني زي الجدار وتحسسني إني صفر !

المشاركة الأصلية كتبت بواسطة فخر جدة والله العظيم لما أكلمها تحرجني بتطنيشها قوية جدا وصامدة تعطيني ظهرها وتمشي علشأن كدا انا قطعتها نهائيا لا كلام ولا سلام ولا تحية ﻷني لما اكلمها تعاملني زي الجدار وتحسسني إني صفر !

خلاص انتي اتركيها انتي عملتي الي عليك
وكدا هي الي تعتبر قاطعه للرحم لانها الي قاطعتك وما ترد عليك
ربي يوفقك ويعينك ويسهل امورك يارب

المشاركة الأصلية كتبت بواسطة zowra الله يعينك اتجاهليها مثل ما تتجاهلك بس لاتسيئين معاملتها يعني تجاهليها من دون اساءه والله مادري ايش اقلك الله يعينك

وانا ماشية كدا تجاهلتها بدون إساءة والله يعين