بسم الله الرحمن الرحيم
السلام عليكم ورحمة الله وبركاته
الله الاحــد مــاودع القـلـب الاحـبــاب ….. يــوم الـفـراق ويــوم فــك الـتـلاوي
صبحٍ به اسقاني غرامـي مـن الصـاب ….. كاسـات وادعـانـي بالافـكـار داوي
حايـر بجنـب البـاب وأراقـب الـبـاب ….. لعـلـي أبـصـر مـــن سـنـاهـم جـــداوي
واراجــع الـونـات والـنـوح بأطـنـاب ….. كالذيب لـي مـن جـاع يعـوي خـلاوي
كم سال من موقـي هماليـل سكـاب ….. دال ومــع مـيـمٍ دعـــا الـجـفـن داوي
وأقـول ماقالـوا بـه النـاس الالـبـاب ….. والقـول بيـن النـاس غـادي وضـاوي
مابالمعّـنـي فــي غـرامـه الــي غــاب ….. دبّــت حيـاتـه وانتـفـع بالـمـنـاوي
كـم سمـت ماحـز الحلاقيـم وانـصـاب ….. بالـويـل قـلـبـي والـبــلا والـدهــاوي
كنـه علـي ماشفـت مجـروح بالنـاب ….. دامـــي وطـــرّه بالـمـخـالـب نــــداوي
داووه بـــدواي الــمــداوي ولاطــــاب ….. جرحـه ولايـبـري الـهـوى لــه مــداوي
أقـول مافـي سنـي اليـوم مـن شـاب ….. غيـر الـذي قلـبـه مــن الـحـب حــاوي
مـاطـوّحــت ورقــــا ولانــــط مــرقــاب ….. ولا فـــدا بـالــروح غــيــر الـمـهــاوي
راع الهوي ماهـو مـن البيـن يرتـاب ….. يرتـاب لـي قـفّـي الخلـيـل المـخـاوي
يونس بجاشه ساعـرٍ مثـل مشهـاب ….. لـــي روحّـــت سلـفـانـهـم لـلـبــداوي
يتلـى ظعاينهـم كمـا وصـف رقــاب ….. مـــن يـــن مـاســاروا مـجــدٍ قـفــاوي
كم جيتهم في ظلمة الليل منساب ….. مـتـعــرضٍ لـلـمــوت ويّــــا الــبـــلاوي
مشـيـت حـافـي بالـقـوايـل تـلـهـاب ….. حـر السمـوم اللـي كمـا النـار شـاوي
لو شفت جسمي ناحلٍ كـان تنهـاب ….. روّعـــك فـــي شـــيٍ لـحـالـه لــحــاوي
القـلـب مفـجـوعٍ ومــن حسـرتـه ذاب ….. كنـه عـلـي جـمـر الغـضـا والمـكـاوي
إلا وبــه مــن بـعـد الاحـبـاب ضّــراب ….. دف يـخـفـق خـفــوق ريـــحٍ سـمــاوي
يفتخ فتوخ الطير فـي حـر والهـاب ….. يــومٍ مــن الـجـوزا سمـومـه قـضـاوي
كم جيتهم في ظلمة الليل منساب ….. مـتـعــرضٍ لـلـمــوت ويّــــا الــبـــلاوي
شفت المراقـي منـه وعـرات وصعـاب ….. كــم واحــدٍ خــلاه بـالـفـرش ثـــاوي
حمله ثقيل ويبهض القلب باتعـاب ….. ماأحـد عـلـى شيـلـه نشـيـطٍ وقــاوي
بلوى ومن يبلى به يشوف الاكراب ….. لو ساعفـه شوقـه ومـن كـان هـاوي
حد حين خيره لـو زهـا لـه ولـه طـاب ….. مـاهــو لـشــوره عــــادلٍ او مــســاوي
هني من عـن ذا الهـوى والولـع تـاب ….. وكـفـاه ربــه مــن غـرامـه دعـــاوي
والختـم رد القيـل والقيـل لـه بـاب ….. رده مـــع بــابــه وخــــل الـهـقــاوى
محمد بن قاسم بن عبدالوهاب الفيحاني
العنوان اخترته من شطر بيتٍ من القصيدة ولكنها تعنون بـ "يوم الفراق"
أتمنى أن تنال رضاكن …
كلمات في قمه الروعه
لااا هانتِ يمينك طُهر
َ, قصيدة رائعَة
أصالة معنىَ, ورقيّ كلمة
من اجمل ماقرأت..جزالة ومعاني راقيه..
كلكِ ذوق ولاهنتِ..
هذه الأبيات كفت ووفت في وصف يوم الفراق..
ولحظة الفراق..
وحالنا بعد الفراق…
تسلمين على هالقصيدة الرائعة غاليتي…
لو شفت جسمي ناحلٍ كـان تنهـاب ..روّعـــك فـــي شــيٍ لـحـالـه لـحـاوي
مشاء الله حبيبتي / طهر السماء . ( )
أبيات في قمة الروعه والإحساس ورب البيت كفيتي ووفيتي .
يسلم إحساسك غاليتي ويسلم رأس قائلها وفي إنتظار جديدك .
وتقبلي تحيات أختك
( إحساس طفله ) .
جزاكِ الله خيراً على ثنائكِ الجميل …
الله لا يحرمنا من مواضيعكِ وردودكِ الجميلة…