سلام عليكم ورحمت الله وبركاته
ياخواتي انا ماابي اتكلم مع اهلي علشان المشاكل بين العايلتين تكبر ماعندي الاانتم استشيركم انا متزوجه واحد اكبر مني بكثيير كريم لكنه ينقل كلامي لاهله وان اخذت رايه بشغله ياخذ مشورة اهله بعدين يقول رائه او قراره النهائي بهذا وان مااعجبني وناقشته قالي انتي ماتفهمنبن انتي ضعيفة عقل واضطر امشي برايه وبين فتره وفتره اقوله وشي عيوبي علشان اعدلها يقول مافيك عيوب كان فيك والحمدلله تحستني بكثير اقول شوف يمكن فيه بس ناسي يقول لاالحمدلله معجبتني افرح بكلامه لكن ماتتم فرحتي لانه ماصدق معي اسمعه يذكر عيوبي لامه ويسهزء فيني عند اهله وقبل فتره تهاوشنا وقالي لاتحسبين نفسك مره انتي ضعيفه فكريا وعقليا وفلانه مره ونعم المره {مع اني جامعيه ومتخرجه بتفوق رفض الوظيفه وافقته ماقصرت في البيت ولا بنفسي ومسكني مع امه وصابره على المشاكل]واليوم اسمعه يقول لرجل عنده هذي تزوجتها وكرتها بيكمل لكن الرجال ماتركله مجال غير الموضوع واذكر وحده قالت لي عنه هو يجيك بوجه ومن وراك بوجه فعلا قدامي احبك وانتي الغاليه ومن وراي فاضحني ودايم يحن لطليقته ويذكرها عندي
طولت عليكم انا ثقلانه عليه لي مده ابيكم تعطوني رايكم ابي احافظ على بيتي واربي عيالي واخلي زوجي يحترمني ولا يفضحني ويحبني ابيييارتاح بحياتي
انا تعبت منه ماودي بطلاق بس هو يهددني فيه ماادري وش الحل
انتى قوليله ان الى تسويه حرااام وما يرضى الله
وانتى حاولى بقدر الامكان ما تحكين الا الموضوع الى بيخص حياتكم الزوجية
الله يسخره لك ويوفقك ويسعدك
تقبلى مرووووورى
ان شاءالله
اصبر عليه وفهميه انك ماتحبي اسرار بيتك تطلع لبرى
وقولي له حط نفسك مكاني
تحياتي لك غاليتي
الحياة الزوجيه قسمه ونصيب ….والتغير في الكبر مثل النقر على الحجر …زوجك ابن امه ..مثل يقال للرجل الذي يستشير أمه في حياته الزوجيه على الرايحه والجايه
فهذا نصيبك صعب …وتغييرهه صعب ….الايمان بهذين النقطتين يعطيك قوه للصبر والتحدي له
لان شعورك انو يتغير في يوم وليله راح يخليك بمراره الانتظار …لسراب بعيد جداً..ماأعجزك عزيزتي بس الواقع مر …(اكيد الدعاء له يغيره بأذن الله لكن لازم تسعين )
وسعيك ماراح يكون له لا بل لك انت غيري حياتك انت ..بكل وسيله …ولاتجعلين كل اهتمامك برأيه ..وتقديره لك ..لايكون تقييمه لك هو رأس مالك بالحياة
امنياتي لك بحياة سعيده
وربي يهدي سركم
لك تحيااااااااااتي ودعواااااااااااااااتي