السلام عليكم ورحمة الله بركاته..
بخش فالموضوع>>دايركت
بنات انا مشكلتي في جسمي مو حلو<بس مو مره
يعني الحمدالله على كل حال والله انا راضيه
بس تعرفون الوحده لاصارت متزوجه زوجها يبغاها ملكة جمال..
يبغاها زي الي يطلعوا فالتلفزيون..جمال ودلال وشياكة,,,ومادري ايه كمان
المهم…
اناجسمي زي الي قولوا عنو كمثرى صغير من فوق وكبير من تحت
بس انا
مش هذي المشكله..المشكله رجولي كبيره<< سيقاني وفخوذي… المعروف<<بالساق الظامر
فوق هاداااني علطول احك فيهم<< قالت لي الطبيبه عندي اكزيماعصبيه
يعني كل ماتوترت والا زعلت والاعصبت جسمي يستجيب لحالتي النفسيه
…وزي مايقولوا<مالكم فالطويله
انا نفسي البس قصير والبناطيل التي شيرت وقمصان النوم الحلوه
بس اتحرج كتير من جسمي حتى زوجي لاحظ الشي هذا
يابنات والله احس اني مو زي البنات,,اش فتنة البنت او الزوجه عند زوجها غير لما تلبس وتتشيك ومش عارفه ايه
ياربي اش اعمل,,
رحت لطبيبه علشان الحساسيه…
واسوي رياضه علشان تخس رجولي شوي بس هذا شكل جسمي حتى لو نحفت ..
والله خايفه زوجي يمل مني ويروح يدور وحده غيري<ترضيه وتشبع رغباته..
بس ماادري اش العمل…؟؟؟؟؟؟
يابنات ساعدوني الله يفرج هم كل وحده ترد عليا..
قولوا اآمين..
انتظركم..لاتطنشوني
لكن لو أجاملج وأقعد أقول لج اللي تبين تسمعينه يمكن راح تستانسين لكن ماراح تستفيدين شي وبكون غشيتج
لكن انا بقول لج الكلام اللي اشوفه هو الصح
شوفي يالغالية انتي تبين تحصلين على السعادة صح ؟ والسعادة هذي ما تجي بالجسم الرشيق ولا بالجمال الباهر السعادة تحصلين عليها بالرضا ثم الرضا ثم الرضا
يمكن تقولين هالكلام موواقعي او انه صعب تقتنعين فيه وانتي بهالنفسية لكنه بس يتحقق لو شفتي اللي أقل منج دشي النت وشوفي اللي محروق جسمها واللي مبتورة اطرافها واللي مشلولة واللي جلدها صاده مرض خبيث وتشوه و..و..و
خذيها قاعدة في حياتج دايما شوفي اللي اقل منج وراح تشكرين النعمه
ودايما شوفي اللي اعلى منج وراح تكفرين بالنعمه (والعياذ بالله )
وشوفي هالرابط مع كل حبي
زوجك يحس بعدم ثقتك بنفسك وانك انتي شايفة نفسك مش حلوة فطبيعي هو ينتبه وهذا اكيد بيزيد تعبك النفسي
صدقيني تقتك بنفسك راح تخلي نفسيتك افضل
دايما تالقي بملابس مرتبة وجميلة حتى وانت تشتغلي في المطبخ
رتبي شعرك ومكياجك واصحي من النوم وانتي واثقة انك جميلة وما في سيدة ممكن تكون اجل منك في نظر زوجك
البسي ملابس ضيقة وقصيرة وما تستمري في القمع النفسي ودور الضحية اللي معيشة نفسك فيه
اسمعي كلامي وان شاء الله حياتك راح تتغير
ابدأي من اليوم
واهم شي احساسك الداخلي انك جميلة وثقتك في نفسك وشوفي رد فعل زوجك
اتمنى الك التوفيق والساعدة
وطمنينا شو صار معك
دمت بود وسعادة
اول شئ لازم تكوني راضيه وواثقه من نفسك
وثاني شئ الحين دخل الشتاء تقدرين تلبسين قصير مع شراب طويل
وكذا زوجك راح يشوفك بالقصير ومن دون مايشوف اللي تحت الشراب
تقدرين تعالجين التشوه اللي جاك عن طريق الحك والحساسيه
يعني مافيه شئ مستحيل وخصوصا نحن في زمن صار كل شئ له حل الا الموت سبحان الله
او البسي قصير مع جزمه بوت طويله ويطلع جزء بسيط من فخوذك او الساق
وفي لصيف البسي شيفون على نفس لون جسمك وكذا تخفي العيوب
اتمنى الحلول اللي عطيتك تفيدك وتقتنعين فيها عموما انتي جربي وماراح تخسرين
وبالتوفيق
انا برضه بعانى من نفس المشكله تقريبا
ولسه منزله موضوع حالا عن نفسى وانى محتاجة حد يشجعنى وينافسنى ان اكمل واعمل دايت
اختى ياياريت نشوفى موضوعى واذا عجبك اتمنى تبعتيلى مسج على الخاص ونحاول ننظم مع بعض
بتمنى هذا الشىء
واذا لم يحصل بتمنى لكى وليا اننا نقدر نحقق اللى احنا نتمناه فى انقاص وزننا.
والسلام عليكم
انا جسمي ولله الحمد حلو وطويله كثير بنات قالوا لي جسمك زي العارضات وبا الرغم من كذا وربي زوجي مو شايفني
با العكس يقولي ويلمح لي بانه يحب الاجسام المليانه وهذا مره اثر فيني بس شسوي حاولت امتن بس مافاد انا وزني قبل حملي 66وطولي 170وجالسه الى الان احاول امتن حتى مع حملي وزني ما زاد زي ما هو بس الحمدلله على كل حال
انتي اهتمي في شكلك في شعرك في مكيا جك في بيتك هنا راح تجذبيهيا قلبي غير اسلوبك وطريقه تعاملك والله يحقق لك كل الي في بالك ويسعدك يااارب.
يعني حتى لو صرتي لهم نانسي عجرم بيقولون مو حلوه ويدورون غيرنا
بس ثقي في نفسك اكثر من كذا
والزمي الاستغفار بالنيه اللي انتي تبينها والدعاء طبعا وهو مايشوف غيرك ابد
بأذن الله
أولا : أنا متفهمه لمشكلتك وما راح أزيد في كلام البنات لأن كل وحده عبرت عن وجهة نظرها .
ثانيا: كل إللي بقوله .. فيه قاعده معروفة في الحياة يؤمن بها كل الناس إللي جربوها ..
" الناس يرونك بالشكل الذي تريه لنفسك " يعني كل ما كررتي داخل عقلك إنك مو حلوه و.. و..و صدقيني راح يصير لأن كل كلمة تقولينها قانون الحياة ينفذها لك ويقولك "حاضر" عشان كذا أقولك أول شيء طلعي كل الشكوك والأفكار السلبية داخلك … وبعدها استمري على التمارين ونصايح الدكتورة وأهم شيء إنك تعرفين إن هذا الشيء ما راح يجي بسهولة إذا إنتي ما عندك الإرادة القوية فيها والصبر …
و اهم شيء دايما كل ما تشوفين نفسك في المراية إحمدي الله و اقنعي عقلك إنك فعلا جميلة وبتشوفين التغير فيك وفي الناس إللي حولك وهم يلاحظون عليك الفرق … وحتى زوجك لاتخليه يحس إنك خايفه يسيبك أو .. أو .. أو .. لأنه راح ينتبه ويمكن يستغلك أو لا سامح الله يتخذها نقطة ظعف ويحاول دايما يهددك …
المهم في النهاية تعرفين إن ما في إنسان كامل والكمال لله وحده!!
وأسعدك الله وفرح قلبك ^_^
أختك : جيزانيه