جرحني بكلامه وشمت الناس فيني لما ضربني قدامهم كلهم مجابة 2024.

متزوجه من سنه ونصف ومشكلتي انو انا وزوجي مانتفاهم ابد ع كل شي يجيني من برا البيت معبى ويحط حرته فيني هواش عصبي مره واذا عصب مايتمالك اعصابه لدرجه مره ببيت اهله انا دخلت بالغلط ماكنت ادري فيه احد دخلت بالمجلس وكان فيه اعمامه وخواله وعيالهم واخوانه ضربني وجرح فيني بالكلام لانو انا يتيمه تربيت ع يد مرة عم وعلى يد عمي بقول مالومك ماترببتي زين لا اب ولا ام من بيربيك تخيلو يطعن فيني وكلام بأهلي قدامهم كلهم فوق هذا ضربني عمي ابو زوجي هو الي فكني منه والله ماني قاسده ادخل اخته قالت لي مافيه احد روحي بالمجلس ودخلت تفاجأت انه مليان برجال هو يسوي كذا ويضرب لانه عارف اني مستحيل ارجع لبيت ىعمي لانو مخليني خدامه قبل لأتزوج اغسل بيتهم وانظف لهم واكنس كل هذا ولما تزوجت قلت خلاص ان شاءالله حياتي بتتغير احنا الان متزاعلين ماني قادره انسى كلامه وضربه لي قدام الناس خلاهم يتشمتون فيني ماقدرت اروح لبيت عمي وارجع للعذاب جلست ببيتي لكن ماختلط معه ابد قافله ع نفسي بغرفه تعبت ماني قادره اتطلق لانو برجع للعذاب والضيم وماني راضيه ع نفسي الذل والاهانه

ملاحظه انا عمري 21 وهو 30 ممكن الفرق بالعمر يضر او عشأن افكارنا مختلفه او ايش السالفه

بليييييز بنات طالبتكم ساعدوني ربي يبارك لكم بحياتكم