جتني تقول العيد بكره ترى العيد * * * حضرتلك من شان عيدك هديه
ثم قلت وش هالعيد توه ترى بعيد * * * تبغين عيد الفطر ولأ الضحيه
ثم اضحكت وفي ضحكها قامت تزيد *** قلت اسمحيلي وضحي العيد ليا
قالت أعياد الحب ياغانم العيد * * * اسمه فلانتاين القلوب الهنيه
هديته دب حمر تمسكه بيد * * * تكتب عليه آي لاف لأحلى بنيه
ورد حمر من فوقه احلا التغاريد * * * تغريد لأحلى قصه عاطفيه
ثم قلت عيد الحب للغرب تقليد * * * ماهو بعيد تحكمينه عليا
عيد مثل هذا ترى اليوم ماريد * * * عيدن ماأعيد فيه مع والديه
انا بدوي لي في حياتي تقاليد * * * طبعي خفايا ماتحوش الخطيه
هذي حياتي واضحه لك بتحديد * * * ان كان تبغين الغلا يابنيه
وأن كان ماتبغين مافيه تعقيد * * * روحي عسى دنياك دايم رضيه
وانا بسافر وأبتعد عنك بعيد * * * وأقول انا اللي كنت عاشق بنيه
وسلامتكم
ولكم أجمل تحيـه
وسلمتي أختي على القصيدة
تقبلي مروري