هذي صورتها.. حبيت تكون اكبر من كذا بس للاسف ياكبيره حيييييل او صغيره حيل مافي حل وسط للصور
نبدأ بطريقتها..
الكيكه اولا ثلاث احجام …
هي عباره عن بيضتين
وكاس سكر
وكاس زيت
وملعقتين صغار فانيلا
وكاس ماء
……….هذول بالخلاط
ثم نجهز كاسين طحين مع ثلاث ملاعق صغار باكنج بودر ولوبتزيدين الطحين شوي عادي حتى تحسي ان الكيكه ثقيله شوي
ونحط السائل اللي بالخلاط على الطحين ونخبزها بالفرن بثلاث صياني متنوعات الحجم
اوك
وعلى ماهي تنخبز حنا نروح نسوي الخلطه اللي بنغطي الكيكه فيها
بالخلاط.. قشطتين
اربع دريم ويب
ربع جيلي احمر
شوي نستله
وجبن كيري على حسب الطعم اللي تحبي
واذا تبينها اغمق لون حطي شوي فيمتو مركز
…….
نطلع الكيك من الفرن ونقلبها بعد ماتبرد عشان ماتتقطع
وندهنها بالخليط
ثم نقلب الثانيه فوقها بعد مانواسيها بصحن ثاني نشيل الزوائد ونظبطها
ثم ندهنها فوق الثانيه بالخليط
ثم نحط الثالثه وندخلها الثلاجه لحد ماتبرد كل ماطولت صارت احسن
ثم نزينها بالتوت الحلاو واسفنج الحلاو زي منتوا شايفين ستروبري
طبعا رسمه الورده هذي سويتها من كاكاو الخام الابيظ وحطيت معه لون من الجيلي لاني ماحصلت بالسوبر ماركت الوان شوكولا مشيت حالي بجلي اخضر واصفر وفراوله بس للزينه
وبالهنا والعافيه… لاتحسبونها صعبه اذا سويتوها بتشوفون انها سهله
ماشالله عليكي شكلك شطورة
بس حبيبتي مادام انها من مطبخك ليه مانزلتيها بقسم العضوات…
ياريت تكتبي اسمك واسم المنتدى على الصور مشان انقلك اياه
تحيتي ومودتي
يقيم
ههههههه بس ياريت تعلميني الطريقه عشان من كم نتعلم
ومشكورات جميعا عالمرور وياجريئه عادي مقدار الكيك هو هو سويه بصينيه دائريه وحده واذا انتفخ طلعيه وقصيه طبقتين او ثلاث على كيفك اذا ماتبين تكثري الصياني اوك
شوفي هاد الرابط فيه طريقة سهلة ….للكتابة على الصور ان شالله يفيدك
تسلم ايدك
تستاهل التقييم 🙂