السلام عليكم ورحمة الله وبركاتة
عزيزاتي انا عمري 26 سنة ومتزوجه وعندي بنت وحده وحاليا حامل والحمدالله…
بس مشكلتي اني ماعندي ثقة بنفسي حتي لوحاولت اني ابني ثقتي بنفسي من اول وجديد مااقدر لاني متحطمة من بوم اني صغيرة…
بنات انا لما كنت صغيرة كانت امي بس تهاوشني وتعيب علي مع اني ملامحي حلوة بس ان بشرتي حنطية وامي بيضه حييل ماشاء الله وخواتي واخواني بيض بالنسبة لهم انا سودا 
وحتي قبل مااتزوج لما كنت اتكشخ تقولي من زينج انج تتكشخين ولا على بالج في احد بيطالع فيج ….حتي بنات لما كنت احف كانت تقولي من كثر الخطاب اللى واقفين طابور على الباب عشانج… والله يابنات انها تهتم بخواتي اكثر مني بكثير انا البنت الثانية يعني في وحده قبلي واختي الكبيرة متزوجها وعندها عيال وبالنسبة للامي واخواني وخواتي عيال اختي هم احلي عيال سواء بنات او صبيان ….وعندي اختي الى اصغر مني متزوجه وعندها بنت وبس يمدحون بنتها انها حلوة وواااااووو وانا الله يشهد ان بنتي بيضه والحمدالله ملكة جمال كل من شاف بنتي يقول تشبهج ماخذها جمالها منج …. وقبل مااتزوج والله يابنات كنت مثل الشغاله عندهم كنت اكنس البيت كذا مرة باليوم غسيل المواعين يوميا علي وحتي غسيل الملابس.. وكان الماي العذب( الحلو) تحت كنا عايشين بدور الثاني… كنت لازم انزل واعبي الماي بجركل كبير كنت اكثر من اربع مرات اصعد وانزل اعبي الماي….. بروحي والله محد كان يساعدني حر او برد ماعندهم مشكله اهم شي يلقون اللى يبون هذا من غير الغدا والعشا وبالعطلة كنت اسوي الفطور اقعد من الصبح بس عشان مااسمع كلامهم الجارح
والله العظيم تعقدت نفسيا… حتي الجامعه تركتها وامي السبب بنات انا خوياتي كانن ياخذن مني كتبي حقات الجامعه عشان تحديد الاختبار او عشان المحاظرات وكانن يجن على البيت ويرجعن الكتب… ومرة وحده منهن قالت مااقدر اجي صار لها ظروف واخوها جاب الكتب
وحطهن عند باب البييت بره حطهن ومشا على طول……. وانا طلعت واخذت الكتب ولما طلعت ماكان فيه احد برا… وامي شافتني من الدريشة لما اخذت الكتب… قالت اية انتي ماشيه على حل شعرج وماتستحيين يالجيكرة يالخايسه هذا قدامنا جذي شلون من ورانا شتسوين والله يشهد انه نزل الكتب وراح واناا مانزلت لا لما تاكذت انه راح…
والله يابنات من بعد هذا اللى صار صارت كل يوم تقط علي كلام ماينقال… كنت اروح على الجامعه وانا ابجي من القهر ولما ااوصل على الجامعة امسح دموعي وانزل العباية واحط بسرعة مكياج عشان محد يشوف دموعي 🙁
والله قهر….
وقبل كم يوم زوجي يقولي لما كنت بخطبج وكلمت اخوج قالي من زينها تاخذها ترا موحلوة وسوده وماتنبلع بالمرة …..
وماحولها الحلا…
والله لما قالي انصدمت وضحكت خليت الموضوع كانة ضحكة مع انة والله صار بقلبي حييل موب شوي..والله العظيم قبل ياكثر اللى يخطبوني بس اهلي يرفضونهم بحجه انهم مايصلحون لي وموزينين مع العلم انه ماعليهم كلام… وزوجوني لواحد متزوج وعنده عيال واكبر عياله بنت انا اكبر منها بسنة…..:( وهو بعد جد.. والحين ماشاء الله احفده صار عددهم ثلاثه وفي اثنين بيجون ع الطريق…..
وانا رفضتة بس للاسف مافي فايدة معاهم …. وللمعلوميه عمر زوجي الحين 45 سنة 🙁
ادري طولت عليكم بس والله من القهر اللى فيني وماعندي احد اشتكي له ….
والحمدالله عايشه حياتي مع زوجي مرات تكون ايام سعيدة ومرات تكون ايام جحيم
الله يكون بعوني….
وشكرا لكم لقرائتكم مشكلتي ……..
تحياتي
حاولي تونسين نفسك مع زوجك
انسي عمايل اهلك
عيشي حياتك مع بنتك وزوجك
وبتوفيق
مابعرف ليش هيك الاهل احيان بكونو ظالمين
الله يكتب التوفيق بينك وبين زوجك ويخليلك بنتك
انتي تزوجتي وعايشة حياتج بحلوها ومرها
و خلي الناس والاهل يقولو اللي يقولونه الله بيحاسبهم
وبصراحة اكثر اللي يفكر بمثل هالتفكير سخيف وما عنده سالفة … شو بيضاء وسمراء وسوداء !!!!!!
و اتوقع انه اخوج ما قال عنج الكلام اللي قاله ريلج
بس قاله ريلج لانه يشوف انج مب واثقة من نفسج
وانه الموضوع مأثر فيج
موفقة
استغفر الله العظيم الذي لا إله إلا هو الحي القيوم و أتوب إليه 
وزوجك حتى وان كان جد الا انه شاب ماشاء الله ،خلك في حياتك وعيالك وبيتك وزوجك وارمي الماضي ورا ظهرك ولا تحسفين ع الطيب عند ربي مهوب ضايع ان شاء الله0