بسم الله الرحمن الرحيم
بنات المنتدى الغالي والله اني اكتب لكم موضوعي وانا اعيش بهم وحسره
ودي افتح لكم قلبي بس تكفون لاتبخلون علي برد ولا دعوه تريح قلبي
الحزين
انا لي خمس سنوات متزوجه وماعندي عيال راجعت مستشفيات كثير
وكان عندي هرمون الحليب مرتفع وتكيس بالمبايض ومازلت اعاني لما الحين
تعبت من الدنيا ومن نظرات الناس الي ماترحم وتعبت اكثر لما بدى زوجي
يتغير علي
صار يعايرني كل شوي حتى عند اهله وامه يقول انا مافيني شي
هي الي فيها وصار الحين يدور علي الزله باي شي عشان اكون غلطانه
تخيلو يابنات من قبل العيد مايكلمني
حتى بالعيد ماعايدني والله اني عشت بحزن فضيع يطلع ويدخل وكانه مايشوفني
ماتحملت قسوته علي ثاني العيد تهاوشت وياه وحاولت انتحر
والله تعبت وشفت الموت يمكن حس فيني شوي وجاني بالمستشفى
وبعد ماطلعت اعتذر وجلس يبكي عشان اسامحه وانا الغبيه سامحته
بعد مارجعنا لبيتنا رجع على حالته كل يوم يهددني بالزواج
يقولي انا مافيني اتحمل اكثر ابي عيال طيب انا وش بيدي عشان يعاملني كذا
احيانا اعذره لان اخوه الصغير تو تزوج وجاله مولوده والكل مبسوط فيها
وعشان كذا هو منقهر من هالشي
صدقوني الحين عايشه وياه طول الوقت بهم ودموعي على خدي
معاملته لي تغيرت كثيييييير تعبت نفسيا منه ومن الناس الي كل ماروح لهم
هاه حملتي وش صارليش تاخرتي كان هالشي بيدي
ارجوكم تكفون ادعولي ربي يرزقني بتوائم صالحين وابي منكم تدلوني وش اسوي
ومن جربت الحجامه والقسط الهندي وحملت
وحبيت اعرف عن حبوب الجلوفوكاج عادي اكلها من دون وصفت الطبيب
لانه رافض اعالج بالمستشفى يقول مليت وتعبت
مايدري اني انا تعبت اكثر منه
بس ماقول الا الله يرزقني ويرزق من يبي الحمل يارب
لاتنسوني من دعواتكم الصادقه ارجووووووكم
حبيبتى هذه ارادة الله وبعدين وضعك يتعالج مو صعب
يبى شوى مراجعات عند الدكتور وباذن الله تحملين
اما عن تصرفات زوجك حطى لها حد قولى له هذى ارادة الله ولو بيدى احط عشر عيال على بعض
ولا تفكرى تنتحرى حراااام حبيبتى تضيعين نفسك عشان ترضى زوجك
وتغضبى رب العالمين
هذى ارادة الله
ولا تاخذى اى شئ بدون اذن دكتور
الله يرزقك الذريه الصاااالحة عاجل غير اجل
ويسعدك
بالنسبة لموضوعك ترى نفسيتك لها دور كبير لازم تريحي نفسك بنت جيرانا جلست 18 سنة ما جابت عيال وسمعت من الكلام اللي الله لا يوريكي وتعبت زيك في البداية وكثرت المشاكل يمكن جلست 12 سنة في البداية وهيه في معاناة وحاولت تنتحر زيك
ولا خلت راقي ولا دكتور الا راحت له وبعدين بعد هالمعاناة وشافت ان الرجال بيروح من يدها قامت نسيت موضوع الحمل ابد وبدات تهتم في نفسها وشخصيتها وكل شي ممكن تتخيليه حتى الرجال ما عاد صارت تعطيه اي اهتمام ونشرت ان العيب مومنها وان تحاليلها سليمة وكل شي سليم 
والله بعد يمكن 8 سنوات بدات تتعب مررة تدوخ كثيير ويجيها مغص مستمر ما عاد فكرت حتى تروح تسوي تحاليل حمل لانها ماعاد فكرت في الموضوع مرة وقطعتها الدورة وانتي بكرامة 3 شهور
وهيه نايمة تحلمت بطفل يخرج من فمها وحضنته وباسته وبعدين رجع مرةثانية ودخل مع فمها لمن صحيت وتمسك بطنها الا والله تحس بنبض خفيف طبعا
ما عطت هالشي بال بعد 3 ايام من الكلام هذا كله راحت تبي تنقل دم لاختها لمن حلولها لقيوها حامل لمن بشروها كانت بتموت من الفرح 
والله كان عيد لنا كلنا بفرحتها فانتي ريحي نفسك مرة والله النفسية لها دور كبير
اسال الله العظيم رب العرش العظيم انه ينولك مرادك عاجلا غير اجل يارب
لله تشافت وحملت بس روحي لدكتوره شاطره اذا زوجك رافض روحي مع أخوك مثلآ
ودايم ادعي في الثلث الأخير ربي يسخر لك زوجك ويرزقك الذريه الصالحه
الله يفرج كربتك ويسهل أمورك
وكل شيء بيد الله وانا اكثر منك اعاني واتمنى الامومة اليوم قبل بكرة وتجاهلي كلام الناس
لانه كلام الناس لا يودي ولا يجيب شيء غير وجع الراس
اختي علاجك هو عند الله ثم الاستغفار كثري اكثر من الف مرة من الاستغفار وصلي على النبي وصلي
صلاة الليل وطولي بالدعاء في سجود وكثري من قول لا حول ولا قوة الا بالله
الله يرزقك الذرية الصالحة يا رب ويهنيك بحياتك ويسعدك ربي
وكرري قول لا اله الا انت سبحانك اني كنت من الظالمين قولي 3 مرات وادعي ان الله يرزقك
الذرية الصالحة قول لا اله الا انت سبحانك اني كنت من الظالمين قولي 3 مرات وكرري الدعاء
حتى في سجودك لا تنسي واقرئي سورة البقرة يوميا حاولي انك اتناسي موضوع الحمل واتجاهلي تماما
ان الله يفاجئ ك يوم ما تتخيليه
دمتي بود