ي بنات انا تعبت نفسياً والله تعبت من الوحدة! وحيدة بذا العالم مالي أحد الا الله
ادري بيجوني كثير بيقولون تقربي من الله وهو يكفيك عن الناس، هالشيء صحيح والنعم بالله
بس يظل الانسان يحتاج انسان مثله يحبه ويوقف معه ويهتم فيه !
ماعندي صديقات مقربات مني
كل علاقاتي وصداقاتي مع الناس بدون استثناء سطحيه!
مافيه احد يكلمني يوميا او ع الاقل اسبوعيا
مالي في هالدنيا الا اهلي وهم أنفسهم ماعمرهم اعطوني فرصه احتك فيهم
ان جيت اكلمهم م حسيت باهتمامهم لي، وان حاولت اتقرب منهم تصير مشاكل وحساسيات
لاننا حنا كذا تربينا، بيني انا وخواتي حواجز، يعني مب مطيحين الميانه مرره فاهمين علي؟
وهذي انا اروح الجامعه واقعد في البريك ساعااات طويله لوحدي مقابله الجدار
امسك جوالي واقعد اقلب فيه اتمنى لو فيه أحد كويس اكلمه لكن للاسف مافيه!
جوالي اقسم بالله مايدق، ان احد دق علي ف هم خواتي يسألوني عن أي شيء يخصهم
ما عاد احس اني اهم احد! تصير لي مشاكل كثير بحياتي ولا فيه انسان واحد يسألني ويهتم لي
مب لازم يهتم ع الأقل بس لو يطبطب علي، يواسيني، يقول لي كلمة حلوة !
ادري كلامي كانه كلام مراهقين واني ادور اهتمام!
بس فعلاً حطوا انفسكم بمكاني وتخيلوا تعيشون هالحياه وحيدين م تكلمون احد ولا احد يكلمكم
كأنكم عايشين حياة مب ملوّنه!
انسان واحد فقط في هذا العالم كان محسسني بالاحتواء وكان يهتم لي كثير وحسيت اني اعني له كل شيء
هو واحد حبني كثير وتعلق فيني بشكل! وانا بعد حبيته واستمرت علاقتنا لمدة اربع سنين!
لكني تركته قبل 10 أيام تقريباً، وعلى كثر م كنت احس اني احبه الا اني الحين افكر واقول
يمكن م كنت احبه؟ يمكن كنت احب اهتمامه لي وسؤاله عني؟
لأن هو الإنسان الوحيد بحياتي اللي كان يهتم فيني بهالشكل
اشتقت احد يكلمني اول ما اصحى وقبل أنام
كان مستحيل ينام قبل ما يكلمني ويتطمن علي
اشتقت احد يكلمني وقت فراغي في الجامعه
اشتقت احد يحسسني بالحب والاهتمام
اشتقت احد يعبّر لي قد ايش هو يحبني وقد ايش انا اعني له
اشتقت له كثيييير، كان كل شيء بالنسبه لي
ان انبسطت جيت وعلمته وانسبط معي وان تضايقت سمعني وتحمّلني وصبر علي
لدرجه اذا صارت مشكله بيننا وحتى لو كنت انا السبب فيها، بيجي هو ويعتذر مني
بس رغم هذا اوقات اقول يمكن مب مشتاقتله هو نفسه، يمكن مشتاقه لاهتمامه فيني
بس أيّاً كان السبب
للأسف حالياً افكر ارجع اكلمه بس عشان يكون عندي احد يهتم فيني (وانا ادري هالشيء غلط)
وفي نفس الوقت ماعاد ابي ارجع اكلمه لاني تبت خلاص
لكن هالوحده قاتلتني وهي اللي ممكن تجبرني ارجع اكلمه
بالله وش اسوي؟
طفشت من وحدتي وربي طفشت.
حسبت بوحدتك ووصلني شعورك لكن هدا رايي
يسوي مستحيل عشان حبيبته
لو يحبك يخطب يتزوجك
ووقتها راح تكلمينه مثل ما تبين
وبالتوفيق
كرري اللهم حبب الينا الايمان وزينه في قلوبنا وكره الينا الكفر والفسوق والعصيان واجعلنا من الراشدين
– تقربي من والديك فوالله هم من يحتاجونك ويشعرون بالوحدة الان
– انتي ما شاء الله في الجامعة تقدرين تروحين مع اقاربك عمرة تدعين وتتقربين لله
– تذكري دايما قول الحق تبارك وتعالى (والذين جاهدوا فينا لنهدينهم سبلنا) هناك باب لن يفتح الا بعد مجاهدة النفس
– هذا مو كفو زواج لو يبيك كان خلال الاربع سنين الي ذكرتيها كان تقدم لك.
اخيرا اسأل الله ان يفرج همك ويوسع عليك.
اتركيه
وربي يفرجهااا