بسم الله الرحمن الرحيم
السلام عليكم ورحمة الله وبركاته
ياليت من كل اخت عزيزه تعطينا عن تجاربها مع الاجهاض 
عسى نستفيد من بعض في بعض الامور ونتفاعل مع بعض والله يكتب الاجر ان شاء الله للجميع فيه اشياء ياليت تقول لنا عنها وهي كالتالي:
كم مره اجهضتي؟
كم الفتره اللي جلستي فيه حتى حملتي والسبب؟
ماالاسباب التي حصل منها الاجهاض؟
المستشفى او المستوصف اللي ذهبتي لها وكان ممتاز وحل مشكلت الاسقاط مع ذكر اسم الدكتور واسم المستشفى ؟
هل عملتي عمليت التنظيف في كل مره؟
مالتحليل التي اجريتها بعد الاسقاط؟
هل سبق لك حمل خارج الحمل؟
اذا كان هناك طب عربي لجاتي له ؟
الممرخه اذا كان لك تجربه معها ياليت تذكري الاسم والعنوان؟ه
هل اتبعتي الرقيه الشرعيه؟وكيف تغلبتي على الخوف من الحمل الجديد؟
الله يكتب لي ولكم الحمل الكامل الصالح بالذريه المتعافيه ويرزق كل محروم يااااااارب يارحمن يارحيم 
واجهضت بسرعه ثالث يوم من حللت صابني النزيف
وبقيت شهرين انزف لغاية ما اجهضت اجهاض كامل
وسبب الأجهاض لأن الحمل ضعيف
وللحين 7شهور من اجهضت ماحملت
وماعملت عملية تنظيف
طبعآ حملت بدون علاج
وماجربت اروح لأي ممرخة ابدآ
بعد الاجهاض بأربع شهور استخدمت كلوميد مرتين وماحصل حمل
وقررت اني مارجع اخذه لأن ماعندي اي مشكله في الأباضة
وكل شي حاليآ اسوية رقيه اسمع وسورة البقرة كل يوم واستغفار وغيرة لكن لاجديد احس يأست وقلت شكلي مابصير ام بحياتي وتركت الموضوع وابي انساة بس ماقدرت وحتى لو تناسيته الي حولي بيذكروني
احسن شي نطنش بلا علاج وبلا هم لو تجري جري الوحوش غير رزقك ماتحوش اذا الله مو مقدر لنا هالشي خلاص هذا الله وهذي حكمته
وكثير بنات يسون اطفال انابيب ومايضبط برايكم ليش لان الله ماراد واذا قلنا لشيئ كن فيكون
وياما ناس يتجنبون ايام الأباضه قبلها وبعدها ب 7 و6 ويصير حمل
وياما ناس تحسب وتركب لولب ويصير حمل على الولب وحده اعرفها شخصيآ لما حملت تقول كيف ومتى تقول انها متأكده ماصار شي الا مرة وحده بعد الدورة بيوم وحملت تركونا بس من هذا الهم ولاتفكرون عيشو حياتكم
بالافاده
وربي يعوضنا اجمعين