بسم الله الرحمن الرحيم
السلام عليكم ورحمة الله وبركاته
بعد فرااق طوويل اتيت لكم بقلب يملؤه الحب والوفاء
آملة من الله العلي القدير ثم منكم مساعدتي
في مطلوبي …\
انا طالبة تخرجت هذه السنه من ثالث ثانويعلمي
وقد فاتني موعد اختبار القدرات لأسباب وظروف خاصه
وكنت اعتقد ان هناك اختبار آخر لمن فاتهن الموعد
ولكن ( حلم ابليس للجنه )
كل توقعاتي بآءت بالفشل
ذهبت للجامعه للتأكد فقالوا لي بكل احترام : اطلعي براا ولاخلصتي
شجرة الدخن بعد سنه تعالي
فقلت لهم : بطلع براا وهذا وجهي ان شفتوني مرتن اخرى
ورجعت لمنزلنا الكائن ووجهي تتقطر منه مياه الخجل والفشيله
لذلك سوف اجلس هاهنا بين اسوار منزلنا بدون دراسه لمدة سنه كامله
ولاني ذكيه وطموحه >>> بالحيل
قلت : بدرس في هالسنه معاهد انجليزي وحاسب بدل جلستي التي
( مال ام ابوها داعي )
واستفيد من شهادة الخبره ولاجات السنه القادمه على خير
اقدمّ على اختبار قدرات وادخل المجال اللي ( اريده )
مو هذي المشكله للحين
مشكلتي
انا ساكنه بالمزاحميه ( مع ابو الشباب )
وللاسف مااعرف ولا جامعه ولاكليه ولا معهد في المزاحميه
اللي تعرف ياليت تسردها لي واكون لها شااكره
طيب !!
ممكن جامعات المزاحميه ماتروق لي (طموحي عالي )<<هذا اذا كان في جامعات
انا جديده ع المزاحميه للمعلوميه …
راح اضطر بعد كذا اني ادرس الجامعه بالرياض
برضوا في مشكله ثانيه
انا مااعرف ولا جامعه ولا كليه بالرياض
اللي تعرف ياليت تسردها لي ولها مني جزيل الشكر
وبقولكم سّر
انا نسبتي ماتأهلني ادخل الجامعه اللي اتمناها
انا اتمنى اصير مهندسة بترول
مثلا ..
او اصير دختوره 
..
ماابي ممرضه ولا سستر ابي دختوووره بالعربي
ومشكلتي اخااف ماتكون في جامعات مساانده بالرياض ولا المزاحميه
كل اللي ابيه سرد الجامعات والمعاهد والكليات واماكنها وطريقه نظامها
ان امكن …. فقط الموجوده بالرياض او المزاحميه
ياليت تسااعدوني يابنات وربي اني دجه في هالامور
يعني زين اني اعرف افرّق بين الماء والعصير >> وتبين تصيرين دختوره بعد
يابنات اعتبروني اخت صغنونه لكم ابيكم تساعدوني
طبعا اكيد النسبه ماراح تدخلني لكن
اذا لقيت فيتامين " و " اللي هي ( الواسطه )
اكيد بدخل
واذا مالقيتها الله يعينني على الطفره بدفع كم قرش اظنهم يدخلوني
بس فديتكم لاتحسسوني بالالم والغربه >>
انتظركم يااحلى بنوتات الله يسعدكم لا تخيبون املي
وابشروا والله بالدعاء
ومااجمل الدعاء في ظهر الغيب
بالمختصر:: ماابي اصيــــر معلمه
ابي تخصص ثاااني تكفوووووووون
بإنتظاركم
عزيزتي ,,ام راكان-المزاحميه
الله يوفقك في دراستك والله انة دمك خفيف
انا لست سعودية ,, ارجوووووو من الاخوات افادتك ,,
وبإذن الله الاخوات ما راح يقصرو معك ,,
| بدرس في هالسنه معاهد انجليزي وحاسب بدل جلستي التي ( مال ام ابوها داعي ) |
هههههههههههه
الله يسعدك ويوفقك
تحيتي ,,,
حلو اسلوبك ياقلبي
والله يوفقك
للاسف انا من الرياض بس مو دارسة بالرياض
يعني ما اعرف
بس ان شاء الله البنات يفيدونك
بالنسبة للكليات الموجدة بالمزاحمية هي " كلية التربية "
وتخصصاتها " تربية اسلامية , رياضيات ,اجتماعيات ,لغة عربية ,انجليزي " وهذه شهادتها بكالوريوس
وفيه عندك كلية خدمة المجتمع بضرماء وتخصصاتها " حاسب الي , وانجليزي" وهذه شهادتها دبلوم سنتين وضرماء تبعد عن المزاحمية قرابة 15 كم يعني مو ذاك البعد
وبعدين كلية التربية ماتطلب منك لاقدرات ولايحزنون قدمي ملفك عندهم على التخصص الي تبينه ويقبلونك يعني لو تقدمي الحين باذن الله على الترم الثاني وانتي تدرسين …
اما بالنسبة للجامعة فهي اولا بعيدة ومشوار وغثاء وبعدين مثل ماقلتي نسبتك مو عالية يعني خذي القريبه افضل لك ..
وبعدين تقولين ماتبغين تصرين معلمة خذي لك دبلوم الحاسب وروحي توظفي في شركة اوبنك وباذن الله ربي يوفقك ..
اتمنى اكون افدتك وتقبلي تحياتي
| تمارا
وعليكم السلام ورحمة الله وبركاته عزيزتي ,,ام راكان-المزاحميه الله يوفقك في دراستك والله انة دمك خفيف انا لست سعودية ,, ارجوووووو من الاخوات افادتك ,, وبإذن الله الاخوات ما راح يقصرو معك ,, |
مشكوره ياقلبي الله يسعدك ,, والله ان مرورك لصفحتي بحد ذاته شرف
الله يوفقك ,,,
| بنتي تفاحة قلبي
هههههههههههههههههههههه حلو اسلوبك ياقلبي والله يوفقك للاسف انا من الرياض بس مو دارسة بالرياض يعني ما اعرف بس ان شاء الله البنات يفيدونك |
مشكوره يالغلا ربي يسعدك والاحلى هو مرورك
اكيد البنات ماراح يقصرون معي
ربي يوفقك ياقلبي
| زهرة الكادي مسائك ورد ام راكان بالنسبة للكليات الموجدة بالمزاحمية هي " كلية التربية " وتخصصاتها " تربية اسلامية , رياضيات ,اجتماعيات ,لغة عربية ,انجليزي " وهذه شهادتها بكالوريوس وفيه عندك كلية خدمة المجتمع بضرماء وتخصصاتها " حاسب الي , وانجليزي" وهذه شهادتها دبلوم سنتين وضرماء تبعد عن المزاحمية قرابة 15 كم يعني مو ذاك البعد وبعدين كلية التربية ماتطلب منك لاقدرات ولايحزنون قدمي ملفك عندهم على التخصص الي تبينه ويقبلونك يعني لو تقدمي الحين باذن الله على الترم الثاني وانتي تدرسين … اما بالنسبة للجامعة فهي اولا بعيدة ومشوار وغثاء وبعدين مثل ماقلتي نسبتك مو عالية يعني خذي القريبه افضل لك .. وبعدين تقولين ماتبغين تصرين معلمة خذي لك دبلوم الحاسب وروحي توظفي في شركة اوبنك وباذن الله ربي يوفقك .. اتمنى اكون افدتك وتقبلي تحياتي |
مو ياقلبي كنت ابي وظيفة في البنك بس قالوا لي مافيها مستقبل بعدين
يعني لو تتقاعدين مافي مرتب خلاااااص ,,,
ثاني شئ النسبه ماتهمني ضعيفه والا لا لاني راح ادخل وااسطه او فلوس يعني فيها فيها
بعدين بالعكس الرياض مو بعيده مره واقدر اروح واجي المهم احقق حلم قبل
ومدام انتي عرفتي
ابي اسألك عن جامعة الملك سعود اذا كنتي تعرفينها ابيك تقولي لي وش نظامهم
لان عندهم اقسام الطب ,,,
الله يسعدك ويوفقك ويبارك لك بعمرك
ياقلبي مشكوره ماقصرتي
الله لايحرمك الاجر