ايذاء الناس لي بدون سبب الطبيب يجيب 2024.

كيفكم حبيباتي ان شاء الله بخير ..
ابي اطلع اللي بقلبي وافضفض لكم فيه شي بقلبي قاهرني مو مرتاحه منه واحس دايم افكر فيه ادري مالي داعي وانه شي راح له ثلاث سنين تقريبا بس لحد الحين منقهره منه انا لما كنت بالثانوي كان فيه مجموعه بنات يغارون مني مررره في لبسي وفي كل شي فيني ولاني احلى منهم( وفيه بنات اسالهم ليه هم كذا معي يقولون لي لانك احلى منهم ) وينقهرون مني كانو ينتقدوني على كل شي فيني حتى قلمي ماسلم منهم كنت اسمعهم يتكلمون وانا متأكده انهم يتكلمون عني وكمان كنت اطلع عالسبوره على اساس اني احل مسأله واكيد استحي اشوي ووجهي يصير احمر اسمعهم يقولون عني اني ابي ابكي ووجهها يصير احمر وانا والله العيظيم ماابي ابكي ولا شي وبعدين مابقى الا هي ابكي ..وانا كنت مستمره بالتطنيش والله يشهد علي اني ماااسويت لهم شي ولا عمري جلست معهم وسولفت ابد بس معرفه سطحيه بالفصل تخيلو بعد كنت اسولف مع بنت عادي الا من بكره وهي تقلب بعيونها علي وراحت معهم وانا والله ماسويت لها شي كانت معهم يعني غيروها علي وكانو يقلدوني ويقولون اليسا عندنا ويضحكون بس مو قدامي يحاولون يبتعدون عني اصلا مايتجرأون يسوون شي قدامي بس من بعيد ويحاولو يسمعوني اصواتهم وبرى الفصل مايقدرون يسوون شي لي ولما اسألهم عن شي غير اللي يسوونه فيني يصيرون خاايفين ويادوبهم يردون علي و يبتسمون لي ومن بعدها خلاص يروحون مع صديقاتهم لدرجه اني المحهم يقلبون عيونهم علي ويلفون لاتقولون ان شخصيتي ضعيفه لا والله ان شخصيتي قويه وكمان انا من طبيعتي عصبيه وماكنت فاضيه لهم لان كان عندي ظرووف خاصه بالبيت بس هم ماسوو لي شي وجها لوجه لا من وراي وكانو يناظرون فيني نظرات اللي متكلمين فيك لين قلنا ربي الله لدرجه ان فيه ريحه بالفصل ريحه صمغ شينه وكانت طالعه منهم الريحه ويشرون علي يعني مني مااقوول غير الله يبتليهم بأناس يفعلون فيهم كما فعلو فيني انا مظلومه ودعوه المظلوم مستجابه ان شاء الله .. والحين ودي اسالكم لو كنتو مكاني الحين بعد ماراح عليها ثلاث سنين وانتي كنتي تطنشن تفكرين في حركاتهم ولا خلاص تنسين وبعد اذا قابلتيهم في اي مكان وش راح تكون ردت فعلك بتبتسمين لهم ابتسامه انتصار ولا بتعطينهم نظرات ولا بتطنشينهم ولا كانهم موجودين ؟؟؟؟